| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
10. д̣̇уд̇ияаабуд̇д̇агасуд̇д̇аван̣н̣анаа
10. Dutiyaaputtakasuttavaṇṇanā
131. бин̣д̣абаад̇знаад̇и сахаяог̇з гаран̣аважанам̣. бадибаад̣̇анам̣ д̇зна саха яож̇ананд̇и ааха ‘‘бин̣д̣абаад̇зна сад̣̇д̇хим̣ сам̣яож̇зси, бин̣д̣абаад̇ам̣ ад̣̇аасийд̇и ад̇т̇о’’д̇и. ‘‘бан̣ийд̇абхож̇анам̣ бхун̃ж̇ид̇ваа’’д̇и вуд̇д̇ам̣, баал̣ияам̣ бана ‘‘ган̣ааж̇агам̣ бхун̃ж̇ад̇и б̣илан̇г̇ад̣̇уд̇ияа’’нд̇и. д̇ам̣ д̇ам̣ бавад̇д̇ид̇ам̣ язбхуяяавасзна вуд̇д̇анд̇и д̣̇адтаб̣б̣ам̣. ид̣̇аани ‘‘имасса сздтисса гассажи саман̣асса ваа б̣раахман̣асса ваа д̣̇зт̇аа’’д̇и важанам̣ на суд̇абуб̣б̣ам̣, яасмаа бажжзгаб̣уд̣̇д̇хаа наама ад̇д̇ано г̇ун̣аанубхаавзхи логз баагадаа сан̃ж̇аад̇аа зва хонд̇и, д̇асмаа сздтибхарияааяа ‘‘на яасса ваа д̇асса ваа’’д̇иаад̣̇и жинд̇ид̇ам̣. д̇ат̇аа хи д̇зсам̣ д̣̇знд̇ааби саггажжам̣ язбхуяязна бан̣ийд̇амзва д̣̇знд̇и. наасаабудам̣ бахари ад̇д̇ано аанубхаавзна. со луд̣̇д̇хад̇ааяа ‘‘б̣аху вад̇а д̇хан̃н̃ам̣ мамассаа’’д̇и жид̇д̇ам̣ сам̣яамзд̇ум̣ санд̇хаарзд̇ум̣ асаггонд̇о.
131.Piṇḍapātenāti sahayoge karaṇavacanaṃ. Paṭipādanaṃ tena saha yojananti āha ‘‘piṇḍapātena saddhiṃ saṃyojesi, piṇḍapātaṃ adāsīti attho’’ti. ‘‘Paṇītabhojanaṃ bhuñjitvā’’ti vuttaṃ, pāḷiyaṃ pana ‘‘kaṇājakaṃ bhuñjati bilaṅgadutiya’’nti. Taṃ taṃ pavattitaṃ yebhuyyavasena vuttanti daṭṭhabbaṃ. Idāni ‘‘imassa seṭṭhissa kassaci samaṇassa vā brāhmaṇassa vā dethā’’ti vacanaṃ na sutapubbaṃ, yasmā paccekabuddhā nāma attano guṇānubhāvehi loke pākaṭā sañjātā eva honti, tasmā seṭṭhibhariyāya ‘‘na yassa vā tassa vā’’tiādi cintitaṃ. Tathā hi tesaṃ dentāpi sakkaccaṃ yebhuyyena paṇītameva denti. Nāsāpuṭaṃ pahari attano ānubhāvena. So luddhatāya ‘‘bahu vata dhaññaṃ mamassā’’ti cittaṃ saṃyametuṃ sandhāretuṃ asakkonto.
виббадисааруббаннаагаарам̣ д̣̇ассзд̇ум̣ ‘‘варамзд̇а’’нд̇иаад̣̇и вуд̇д̇ам̣. ‘‘имасса саман̣асса бин̣д̣абаад̇ам̣ д̣̇зхий’’д̇и вад̣̇ад̇о на згааяа зва ж̇аванавийт̇ияаа васзна ад̇т̇асид̣̇д̇хи. ат̇а ко д̇ад̇т̇а аад̣̇ид̇о бавад̇д̇аж̇аванаваароби ад̇т̇и маж̇жхз бавад̇д̇аж̇аванаваароби, д̇ам̣ санд̇хааяааха ‘‘буб̣б̣абажчимажзд̇анаавасзнаа’’д̇и. згаа жзд̇анаа д̣̇вз бадисанд̇хияо на д̣̇зд̇ийд̇и зд̇т̇а саагзд̇абан̃хавасзна нижчаяо взд̣̇ид̇аб̣б̣о. жуд̣̇д̣̇асаннам̣ жзд̇анаанам̣ буб̣б̣з бурзд̇арам̣ гад̇ад̇д̇аа бураан̣ам̣.
Vippaṭisāruppannākāraṃ dassetuṃ ‘‘varameta’’ntiādi vuttaṃ. ‘‘Imassa samaṇassa piṇḍapātaṃ dehī’’ti vadato na ekāya eva javanavīthiyā vasena atthasiddhi. Atha kho tattha ādito pavattajavanavāropi atthi majjhe pavattajavanavāropi, taṃ sandhāyāha ‘‘pubbapacchimacetanāvasenā’’ti. Ekā cetanā dve paṭisandhiyo na detīti ettha sāketapañhavasena nicchayo veditabbo. Cuddasannaṃ cetanānaṃ pubbe puretaraṃ katattā purāṇaṃ.
бариг̇аяхад̇ийд̇и бариг̇г̇аход̇и ааха ‘‘бариг̇г̇ахид̇ам̣ вад̇т̇у’’нд̇и. анвааяа убаниссааяа ж̇ийванд̇ийд̇и ануж̇ийвино. саб̣б̣амзд̇анд̇и д̇ханад̇хан̃н̃аад̣̇исаб̣б̣ам̣ зд̇ам̣ яат̇аавуд̇д̇абариг̇г̇ахавад̇т̇ум̣. нигкиббаг̇ааминанд̇и нигкибид̇аб̣б̣ад̇ааг̇ааминам̣. нигкибид̇аб̣б̣асабхаавам̣ ход̇ийд̇и ааха ‘‘нигкиббасабхаава’’нд̇и. бахааяа г̇аманийяанд̇и аяамзд̇т̇а ад̇т̇од̇и ааха ‘‘барижжаж̇ид̇аб̣б̣асабхаавамзваа’’д̇и.
Parigayhatīti pariggahoti āha ‘‘pariggahitaṃ vatthu’’nti. Anvāya upanissāya jīvantīti anujīvino. Sabbametanti dhanadhaññādisabbaṃ etaṃ yathāvuttapariggahavatthuṃ. Nikkhippagāminanti nikkhipitabbatāgāminaṃ. Nikkhipitabbasabhāvaṃ hotīti āha ‘‘nikkhippasabhāva’’nti. Pahāya gamanīyanti ayamettha atthoti āha ‘‘pariccajitabbasabhāvamevā’’ti.
д̣̇уд̇ияаабуд̇д̇агасуд̇д̇аван̣н̣анаа нидтид̇аа.
Dutiyaaputtakasuttavaṇṇanā niṭṭhitā.
д̣̇уд̇ияаваг̇г̇аван̣н̣анаа нидтид̇аа.
Dutiyavaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 10. д̣̇уд̇ияаабуд̇д̇агасуд̇д̇ам̣ • 10. Dutiyaaputtakasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 10. д̣̇уд̇ияаабуд̇д̇агасуд̇д̇аван̣н̣анаа • 10. Dutiyaaputtakasuttavaṇṇanā
