| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
10. д̣̇уд̇ияаарияааваасасуд̇д̇аван̣н̣анаа
10. Dutiyaariyāvāsasuttavaṇṇanā
20. д̣̇асамам̣ яасмаа гурурадтаваасино бхигкуу г̇амбхийрабан̃н̃аагаарагаа яуд̇д̇аббаяуд̇д̇аа, д̇асмаа яат̇аа д̇зсам̣ д̣̇ийгханигааяаад̣̇ийсу махаанид̣̇аанаад̣̇ийни гат̇ид̇аани, звамид̣̇амби г̇амбхийрам̣ сукумам̣ д̇илагкан̣аахад̇ам̣ суд̇д̇ам̣ д̇ад̇т̇зва авожа. д̇ад̇т̇а бан̃жан̇г̇авиббахийнод̇и бан̃жахи ан̇г̇зхи виббаяуд̇д̇о худ̇ваа кийн̣аасаво аваси васад̇и васиссад̇и. д̇асмаа аяам̣ бан̃жан̇г̇авиббахийнад̇аа арияааваасод̇и вуд̇д̇о. зса наяо саб̣б̣ад̇т̇а. звам̣ ко, бхигкавз, бхигку чал̣ан̇г̇асаманнааг̇ад̇о ход̇ийд̇и чал̣ан̇г̇убзгкааяа саманнааг̇ад̇о ход̇и. чал̣ан̇г̇убзгкаа д̇хаммаа наама гзд̇и? н̃аан̣аад̣̇аяо. ‘‘н̃аан̣а’’нд̇и вуд̇д̇з гирияад̇о жад̇д̇аари н̃аан̣асамбаяуд̇д̇ажид̇д̇аани лаб̣бханд̇и, ‘‘сад̇ад̇авихааро’’д̇и вуд̇д̇з адта махаажид̇д̇аани, ‘‘раж̇ж̇анад̣̇уссанам̣ над̇т̇ий’’д̇и вуд̇д̇з д̣̇аса жид̇д̇аани лаб̣бханд̇и. соманассам̣ аасзванавасзна лаб̣бхад̇и. сад̇аарагкзна жзд̇асаад̇и кийн̣аасавасса хи д̇ийсу д̣̇ваарзсу саб̣б̣агаалз сад̇и аарагкагижжам̣ саад̇хзд̇и. д̇знзвасса жарад̇о жа д̇идтад̇о жа суд̇д̇асса жа ж̇ааг̇арасса жа сад̇ад̇ам̣ самид̇ам̣ н̃аан̣ад̣̇ассанам̣ бажжубадтид̇ам̣ ход̇ийд̇и вужжад̇и.
20. Dasamaṃ yasmā kururaṭṭhavāsino bhikkhū gambhīrapaññākārakā yuttappayuttā, tasmā yathā tesaṃ dīghanikāyādīsu mahānidānādīni kathitāni, evamidampi gambhīraṃ sukhumaṃ tilakkhaṇāhataṃ suttaṃ tattheva avoca. Tattha pañcaṅgavippahīnoti pañcahi aṅgehi vippayutto hutvā khīṇāsavo avasi vasati vasissati. Tasmā ayaṃ pañcaṅgavippahīnatā ariyāvāsoti vutto. Esa nayo sabbattha. Evaṃ kho, bhikkhave, bhikkhu chaḷaṅgasamannāgato hotīti chaḷaṅgupekkhāya samannāgato hoti. Chaḷaṅgupekkhā dhammā nāma keti? Ñāṇādayo. ‘‘Ñāṇa’’nti vutte kiriyato cattāri ñāṇasampayuttacittāni labbhanti, ‘‘satatavihāro’’ti vutte aṭṭha mahācittāni, ‘‘rajjanadussanaṃ natthī’’ti vutte dasa cittāni labbhanti. Somanassaṃ āsevanavasena labbhati. Satārakkhena cetasāti khīṇāsavassa hi tīsu dvāresu sabbakāle sati ārakkhakiccaṃ sādheti. Tenevassa carato ca tiṭṭhato ca suttassa ca jāgarassa ca satataṃ samitaṃ ñāṇadassanaṃ paccupaṭṭhitaṃ hotīti vuccati.
бут̇усаман̣аб̣раахман̣аананд̇и б̣ахуунам̣ саман̣аб̣раахман̣аанам̣. зд̇т̇а саман̣аад̇и баб̣б̣аж̇ж̇уубаг̇ад̇аа, б̣раахман̣аад̇и бховаад̣̇ино. бут̇убажжзгасажжаанийд̇и б̣ахууни баадзггасажжаани. ‘‘ид̣̇амзва д̣̇ассанам̣ сажжам̣, ид̣̇амзва сажжа’’нд̇и звам̣ баадиязггам̣ г̇ахид̇аани б̣ахууни сажжаанийд̇и ад̇т̇о. нун̣н̣аанийд̇и нийхадаани. банун̣н̣аанийд̇и судту нийхадаани. жад̇д̇аанийд̇и виссадтаани. ванд̇аанийд̇и вамид̇аани. муд̇д̇аанийд̇и чиннаб̣анд̇ханаани гад̇аани. бахийнаанийд̇и баж̇ахид̇аани. бадиниссадтаанийд̇и яат̇аа на буна жид̇д̇ам̣ аароханд̇и, звам̣ бадиниссаж̇ж̇ид̇аани. саб̣б̣аанзва д̇аани г̇ахид̇аг̇г̇ахан̣асса виссадтабхаававзважанаани.
Puthusamaṇabrāhmaṇānanti bahūnaṃ samaṇabrāhmaṇānaṃ. Ettha samaṇāti pabbajjūpagatā, brāhmaṇāti bhovādino. Puthupaccekasaccānīti bahūni pāṭekkasaccāni. ‘‘Idameva dassanaṃ saccaṃ, idameva sacca’’nti evaṃ pāṭiyekkaṃ gahitāni bahūni saccānīti attho. Nuṇṇānīti nīhaṭāni. Panuṇṇānīti suṭṭhu nīhaṭāni. Cattānīti vissaṭṭhāni. Vantānīti vamitāni. Muttānīti chinnabandhanāni katāni. Pahīnānīti pajahitāni. Paṭinissaṭṭhānīti yathā na puna cittaṃ ārohanti, evaṃ paṭinissajjitāni. Sabbāneva tāni gahitaggahaṇassa vissaṭṭhabhāvavevacanāni.
самаваяасадтзсанод̇и зд̇т̇а аваяаад̇и ануунаа, садтаад̇и виссадтаа. саммаа аваяаа садтаа зсанаа ассаад̇и самаваяасадтзсано, судтувиссадтасаб̣б̣азсанод̇и ад̇т̇о. рааг̇аа жид̇д̇ам̣ вимуд̇д̇анд̇иаад̣̇ийхи маг̇г̇асса гижжанибпад̇д̇и гат̇ид̇аа. рааг̇о мз бахийнод̇иаад̣̇ийхи бажжавзгкан̣апалам̣ гат̇ид̇ам̣. сзсам̣ саб̣б̣ад̇т̇а уд̇д̇аанад̇т̇амзваад̇и.
Samavayasaṭṭhesanoti ettha avayāti anūnā, saṭṭhāti vissaṭṭhā. Sammā avayā saṭṭhā esanā assāti samavayasaṭṭhesano, suṭṭhuvissaṭṭhasabbaesanoti attho. Rāgā cittaṃ vimuttantiādīhi maggassa kiccanipphatti kathitā. Rāgo me pahīnotiādīhi paccavekkhaṇaphalaṃ kathitaṃ. Sesaṃ sabbattha uttānatthamevāti.
наат̇аваг̇г̇о д̣̇уд̇ияо.
Nāthavaggo dutiyo.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 10. д̣̇уд̇ияаарияааваасасуд̇д̇ам̣ • 10. Dutiyaariyāvāsasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 10. д̣̇уд̇ияаарияааваасасуд̇д̇аван̣н̣анаа • 10. Dutiyaariyāvāsasuttavaṇṇanā
