| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
10. д̣̇уд̇ияаарияааваасасуд̇д̇аван̣н̣анаа
10. Dutiyaariyāvāsasuttavaṇṇanā
20. д̣̇асамз гасмаа бана бхаг̇аваа гурусу вихаранд̇о имам̣ суд̇д̇ам̣ абхаасийд̇и ааха ‘‘яасмаа’’д̇иаад̣̇и. гурурадтам̣ гира д̇ад̣̇аа д̇анниваасисад̇д̇аанам̣ яонисоманасигаараванд̇ад̇аад̣̇инаа язбхуяязна суббадибаннад̇ааяа буб̣б̣з жа гад̇абун̃н̃ад̇ааб̣алзна ваа д̇ад̣̇аа уд̇уаад̣̇исамбад̇д̇ияуд̇д̇амзва ахоси. гзжи бана ‘‘буб̣б̣з бавад̇д̇агурувад̇д̇ад̇хаммаанудтаанаваасанааяа уд̇д̇арагуру вияа язбхуяязна уд̇уаад̣̇исамбаннамзва ход̇и. бхаг̇авад̇о гаалз саад̇исаяам̣ уд̇усаббааяаад̣̇ияуд̇д̇ам̣ радтам̣ ахосий’’д̇и вад̣̇анд̇и. д̇ад̇т̇а бхигкуу бхигкунияо убаасагаа убаасигааяо уд̇убажжаяаад̣̇исамбаннад̇д̇аа д̇асса радтасса саббааяауд̇убажжаяасзванзна нижжам̣ галласарийраа галлажид̇д̇аа жа хонд̇и. д̇з жид̇д̇асарийрагаллад̇ааяа ануг̇г̇ахид̇абан̃н̃ааб̣алаа г̇амбхийрагат̇ам̣ бадиг̇г̇ахзд̇ум̣ самад̇т̇аа бадижжасамуббаад̣̇аниссид̇аанам̣ г̇амбхийрабан̃н̃аанан̃жа гаарагаа хонд̇и. д̇знааха ‘‘гурурадтаваасино бхигкуу г̇амбхийрабан̃н̃аагаарагаа’’д̇иаад̣̇и.
20. Dasame kasmā pana bhagavā kurusu viharanto imaṃ suttaṃ abhāsīti āha ‘‘yasmā’’tiādi. Kururaṭṭhaṃ kira tadā tannivāsisattānaṃ yonisomanasikāravantatādinā yebhuyyena suppaṭipannatāya pubbe ca katapuññatābalena vā tadā utuādisampattiyuttameva ahosi. Keci pana ‘‘pubbe pavattakuruvattadhammānuṭṭhānavāsanāya uttarakuru viya yebhuyyena utuādisampannameva hoti. Bhagavato kāle sātisayaṃ utusappāyādiyuttaṃ raṭṭhaṃ ahosī’’ti vadanti. Tattha bhikkhū bhikkhuniyo upāsakā upāsikāyo utupaccayādisampannattā tassa raṭṭhassa sappāyautupaccayasevanena niccaṃ kallasarīrā kallacittā ca honti. Te cittasarīrakallatāya anuggahitapaññābalā gambhīrakathaṃ paṭiggahetuṃ samatthā paṭiccasamuppādanissitānaṃ gambhīrapaññānañca kārakā honti. Tenāha ‘‘kururaṭṭhavāsino bhikkhū gambhīrapaññākārakā’’tiādi.
яуд̇д̇аббаяуд̇д̇аад̇и сад̇ибадтаанабхааванааяа яуд̇д̇аа жзва баяуд̇д̇аа жа. д̇асмин̃хи (д̣̇ий. ни. адта. 2.373; ма. ни. адта. 1.106) ж̇анабад̣̇з жад̇ассо барисаа багад̇ияаава сад̇ибадтаанабхааванаануяог̇амануяуд̇д̇аа вихаранд̇и, анд̇амасо д̣̇аасагаммагарабариж̇анааби сад̇ибадтаанаббадисам̣яуд̇д̇амзва гат̇ам̣ гат̇знд̇и. уд̣̇агад̇ид̇т̇асуд̇д̇аганд̇анадтаанаад̣̇ийсуби нирад̇т̇агагат̇аа наама наббавад̇д̇ад̇и. сажз гаажи ид̇т̇ий, ‘‘амма, д̇вам̣ гад̇арам̣ сад̇ибадтаанабхааванам̣ манаси гаросий’’д̇и бужчид̇аа ‘‘на гин̃жий’’д̇и вад̣̇ад̇и, д̇ам̣ г̇араханд̇и ‘‘д̇хийрад̇т̇у д̇ава ж̇ийвид̇ам̣, ж̇ийвамаанааби д̇вам̣ мад̇асад̣̇исаа’’д̇и. ат̇а нам̣ ‘‘маа д̣̇аани буна звамагаасий’’д̇и овад̣̇ид̇ваа ан̃н̃ад̇арам̣ сад̇ибадтаанам̣ уг̇г̇ан̣хаабзнд̇и. яаа бана ‘‘ахам̣ асугам̣ сад̇ибадтаанам̣ наама манаси гаромий’’д̇и вад̣̇ад̇и, д̇ассаа ‘‘саад̇ху саад̇хуу’’д̇и саад̇хугаарам̣ д̣̇ад̇ваа ‘‘д̇ава ж̇ийвид̇ам̣ суж̇ийвид̇ам̣, д̇вам̣ наама мануссад̇д̇ам̣ бад̇д̇аа, д̇авад̇т̇ааяа саммаасамб̣уд̣̇д̇хо уббанно’’д̇иаад̣̇ийхи басам̣санд̇и. на гзвалан̃жзд̇т̇а мануссаж̇аад̇игааязва сад̇ибадтаанаманасигаараяуд̇д̇аа, д̇з ниссааяа вихаранд̇аа д̇иражчаанаг̇ад̇ааби.
Yuttappayuttāti satipaṭṭhānabhāvanāya yuttā ceva payuttā ca. Tasmiñhi (dī. ni. aṭṭha. 2.373; ma. ni. aṭṭha. 1.106) janapade catasso parisā pakatiyāva satipaṭṭhānabhāvanānuyogamanuyuttā viharanti, antamaso dāsakammakaraparijanāpi satipaṭṭhānappaṭisaṃyuttameva kathaṃ kathenti. Udakatitthasuttakantanaṭṭhānādīsupi niratthakakathā nāma nappavattati. Sace kāci itthī, ‘‘amma, tvaṃ kataraṃ satipaṭṭhānabhāvanaṃ manasi karosī’’ti pucchitā ‘‘na kiñcī’’ti vadati, taṃ garahanti ‘‘dhīratthu tava jīvitaṃ, jīvamānāpi tvaṃ matasadisā’’ti. Atha naṃ ‘‘mā dāni puna evamakāsī’’ti ovaditvā aññataraṃ satipaṭṭhānaṃ uggaṇhāpenti. Yā pana ‘‘ahaṃ asukaṃ satipaṭṭhānaṃ nāma manasi karomī’’ti vadati, tassā ‘‘sādhu sādhū’’ti sādhukāraṃ datvā ‘‘tava jīvitaṃ sujīvitaṃ, tvaṃ nāma manussattaṃ pattā, tavatthāya sammāsambuddho uppanno’’tiādīhi pasaṃsanti. Na kevalañcettha manussajātikāyeva satipaṭṭhānamanasikārayuttā, te nissāya viharantā tiracchānagatāpi.
д̇ад̇рид̣̇ам̣ вад̇т̇у – зго гира надаго сувабод̇агам̣ г̇ахзд̇ваа сигкаабзнд̇о вижарад̇и. со бхигкуниубассаяам̣ убаниссааяа васид̇ваа г̇аманагаалз сувабод̇агам̣ бамуссид̇ваа г̇ад̇о. д̇ам̣ сааман̣зрияо г̇ахзд̇ваа бадиж̇аг̇г̇им̣су, ‘‘б̣уд̣̇д̇харагкид̇о’’д̇и жасса наамам̣ агам̣су. д̇ам̣ згад̣̇ивасам̣ бурад̇о нисиннам̣ д̣̇исваа махаат̇зрий ааха ‘‘б̣уд̣̇д̇харагкид̇аа’’д̇и. гим̣, аяяод̇и. ад̇т̇и д̇з гожи бхааванааманасигаарод̇и? над̇т̇аяязд̇и. аавусо , баб̣б̣аж̇ид̇аанам̣ санд̇игз васанд̇зна наама виссадтаад̇д̇абхаавзна бхавид̇ум̣ на ваддад̇и, гожид̣̇зва манасигааро ижчид̇аб̣б̣о, д̇вам̣ бана ан̃н̃ам̣ на сагкиссаси, ‘‘адти адтий’’д̇и саж̇жхааяам̣ гарохийд̇и. со т̇зрияаа оваад̣̇з тад̇ваа ‘‘адти адтий’’д̇и саж̇жхааяанд̇о жарад̇и.
Tatridaṃ vatthu – eko kira naṭako suvapotakaṃ gahetvā sikkhāpento vicarati. So bhikkhuniupassayaṃ upanissāya vasitvā gamanakāle suvapotakaṃ pamussitvā gato. Taṃ sāmaṇeriyo gahetvā paṭijaggiṃsu, ‘‘buddharakkhito’’ti cassa nāmaṃ akaṃsu. Taṃ ekadivasaṃ purato nisinnaṃ disvā mahātherī āha ‘‘buddharakkhitā’’ti. Kiṃ, ayyoti. Atthi te koci bhāvanāmanasikāroti? Natthayyeti. Āvuso , pabbajitānaṃ santike vasantena nāma vissaṭṭhaattabhāvena bhavituṃ na vaṭṭati, kocideva manasikāro icchitabbo, tvaṃ pana aññaṃ na sakkhissasi, ‘‘aṭṭhi aṭṭhī’’ti sajjhāyaṃ karohīti. So theriyā ovāde ṭhatvā ‘‘aṭṭhi aṭṭhī’’ti sajjhāyanto carati.
д̇ам̣ згад̣̇ивасам̣ баад̇ова д̇оран̣аг̇г̇з нисийд̣̇ид̇ваа б̣аалаад̇абам̣ д̇абамаанам̣ зго сагун̣о накабан̃ж̇арзна аг̇г̇ахзси. со ‘‘гири гирий’’д̇и сад̣̇д̣̇амагааси. сааман̣зрияо суд̇ваа, ‘‘аяяз, б̣уд̣̇д̇харагкид̇о сагун̣зна г̇ахид̇о, можзма на’’нд̇и лзд̣д̣уаад̣̇ийни г̇ахзд̇ваа ануб̣анд̇хид̇ваа можзсум̣. д̇ам̣ аанзд̇ваа бурад̇о табид̇ам̣ т̇зрий ааха, ‘‘б̣уд̣̇д̇харагкид̇а, сагун̣зна г̇ахид̇агаалз гим̣ жинд̇зсий’’д̇и. аяяз, на ан̃н̃ам̣ жинд̇зсим̣, ‘‘адтибун̃ж̇ова адтибун̃ж̇ам̣ г̇ахзд̇ваа г̇ажчад̇и, гад̇арасмим̣ таанз виббагириссад̇ий’’д̇и звам̣, аяяз, адтибун̃ж̇амзва жинд̇зсинд̇и. саад̇ху саад̇ху, б̣уд̣̇д̇харагкид̇а , анааг̇ад̇з бхавагкаяасса д̇з бажжаяо бхависсад̇ийд̇и. звам̣ д̇ад̇т̇а д̇иражчаанаг̇ад̇ааби сад̇ибадтаанаманасигаараяуд̇д̇аа.
Taṃ ekadivasaṃ pātova toraṇagge nisīditvā bālātapaṃ tapamānaṃ eko sakuṇo nakhapañjarena aggahesi. So ‘‘kiri kirī’’ti saddamakāsi. Sāmaṇeriyo sutvā, ‘‘ayye, buddharakkhito sakuṇena gahito, mocema na’’nti leḍḍuādīni gahetvā anubandhitvā mocesuṃ. Taṃ ānetvā purato ṭhapitaṃ therī āha, ‘‘buddharakkhita, sakuṇena gahitakāle kiṃ cintesī’’ti. Ayye, na aññaṃ cintesiṃ, ‘‘aṭṭhipuñjova aṭṭhipuñjaṃ gahetvā gacchati, katarasmiṃ ṭhāne vippakirissatī’’ti evaṃ, ayye, aṭṭhipuñjameva cintesinti. Sādhu sādhu, buddharakkhita , anāgate bhavakkhayassa te paccayo bhavissatīti. Evaṃ tattha tiracchānagatāpi satipaṭṭhānamanasikārayuttā.
д̣̇ийгханигааяаад̣̇ийсу махаанид̣̇аанаад̣̇ийнийд̇и д̣̇ийгханигааяз махаанид̣̇аанам̣ (д̣̇ий. ни. 2.95 аад̣̇аяо) сад̇ибадтаанам̣ (д̣̇ий. ни. 2.372 аад̣̇аяо) маж̇жхиманигааяз сад̇ибадтаанам̣ (ма. ни. 1.105 аад̣̇аяо) сааробамам̣ (ма. ни. 1.307 аад̣̇аяо) ругкобамам̣ радтабаалам̣ мааг̇ан̣д̣ияам̣ аанзн̃ж̇асаббааяанд̇и (ма. ни. 3.66 аад̣̇аяо) звамаад̣̇ийни.
Dīghanikāyādīsu mahānidānādīnīti dīghanikāye mahānidānaṃ (dī. ni. 2.95 ādayo) satipaṭṭhānaṃ (dī. ni. 2.372 ādayo) majjhimanikāye satipaṭṭhānaṃ (ma. ni. 1.105 ādayo) sāropamaṃ (ma. ni. 1.307 ādayo) rukkhopamaṃ raṭṭhapālaṃ māgaṇḍiyaṃ āneñjasappāyanti (ma. ni. 3.66 ādayo) evamādīni.
н̃аан̣аад̣̇аяод̇и н̃аан̣ан̃жзва д̇ам̣самбаяуд̇д̇ад̇хаммаа жа. д̇знааха ‘‘н̃аан̣анд̇и вуд̇д̇з’’д̇иаад̣̇и. н̃аан̣асамбаяуд̇д̇ажид̇д̇аани лаб̣бханд̇и д̇зхи винаа самбаж̇аанад̇ааяа асамбхавад̇о. махаажид̇д̇аанийд̇и адтаби махаагирияажид̇д̇аани лаб̣бханд̇и ‘‘сад̇ад̇авихаараа’’д̇и важанад̇о н̃аан̣уббад̇д̇ибажжаяарахид̇агаалзби бавад̇д̇иж̇од̇анад̇о. д̣̇аса жид̇д̇аанийд̇и адта махаагирияажид̇д̇аани хасид̇уббаад̣̇аводтаб̣б̣анажид̇д̇зхи сад̣̇д̇хим̣ д̣̇аса жид̇д̇аани лаб̣бханд̇и. араж̇ж̇анаад̣̇уссанавасзна бавад̇д̇и д̇зсамби саад̇хааран̣аад̇и. ‘‘убзгкаго вихарад̇ий’’д̇и важанад̇о чал̣ан̇г̇убзгкаавасзна ааг̇ад̇аанам̣ имзсам̣ сад̇ад̇авихаараанам̣ соманассам̣ гат̇ам̣ лаб̣бхад̇ийд̇и ааха ‘‘аасзванавасзна лаб̣бхад̇ий’’д̇и. гин̃жааби кийн̣аасаво идтаанидтзби аарамман̣з маж̇жхад̇д̇о вияа б̣ахулам̣ убзгкаго вихарад̇и ад̇д̇ано барисуд̣̇д̇хабагад̇ибхааваавиж̇аханад̇о. гад̣̇аажи бана д̇ат̇аа жзд̇обхисан̇каараабхаавз яам̣ д̇ам̣ сабхаавад̇о идтам̣ аарамман̣ам̣ , д̇ад̇т̇а яаат̇аавасабхааваг̇г̇ахан̣авасзнаби арахад̇о жид̇д̇ам̣ соманассасахаг̇ад̇ам̣ худ̇ваа бавад̇д̇ад̇зва, д̇ан̃жа ко буб̣б̣аасзванавасзна. д̇зна вуд̇д̇ам̣ ‘‘аасзванавасзна лаб̣бхад̇ий’’д̇и. аарагкагижжам̣ саад̇хзд̇и сад̇ивзбуллаббад̇д̇ад̇д̇аа. жарад̇од̇иаад̣̇инаа нижжасамаад̣̇аанам̣ д̣̇ассзд̇и, д̇ам̣ вигкзбаабхаавзна д̣̇адтаб̣б̣ам̣.
Ñāṇādayoti ñāṇañceva taṃsampayuttadhammā ca. Tenāha ‘‘ñāṇanti vutte’’tiādi. Ñāṇasampayuttacittāni labbhanti tehi vinā sampajānatāya asambhavato. Mahācittānīti aṭṭhapi mahākiriyacittāni labbhanti ‘‘satatavihārā’’ti vacanato ñāṇuppattipaccayarahitakālepi pavattijotanato. Dasa cittānīti aṭṭha mahākiriyacittāni hasituppādavoṭṭhabbanacittehi saddhiṃ dasa cittāni labbhanti. Arajjanādussanavasena pavatti tesampi sādhāraṇāti. ‘‘Upekkhako viharatī’’ti vacanato chaḷaṅgupekkhāvasena āgatānaṃ imesaṃ satatavihārānaṃ somanassaṃ kathaṃ labbhatīti āha ‘‘āsevanavasena labbhatī’’ti. Kiñcāpi khīṇāsavo iṭṭhāniṭṭhepi ārammaṇe majjhatto viya bahulaṃ upekkhako viharati attano parisuddhapakatibhāvāvijahanato. Kadāci pana tathā cetobhisaṅkhārābhāve yaṃ taṃ sabhāvato iṭṭhaṃ ārammaṇaṃ , tattha yāthāvasabhāvaggahaṇavasenapi arahato cittaṃ somanassasahagataṃ hutvā pavattateva, tañca kho pubbāsevanavasena. Tena vuttaṃ ‘‘āsevanavasena labbhatī’’ti. Ārakkhakiccaṃ sādheti sativepullappattattā. Caratotiādinā niccasamādānaṃ dasseti, taṃ vikkhepābhāvena daṭṭhabbaṃ.
баб̣б̣аж̇ж̇уубаг̇ад̇аад̇и яам̣ гин̃жи баб̣б̣аж̇ж̇ам̣ убаг̇ад̇аа, на самид̇абаабаа. бховаад̣̇инод̇и ж̇аад̇имад̇д̇аб̣раахман̣з вад̣̇ад̇и. баадзггасажжаанийд̇и д̇зхи д̇зхи д̣̇идтиг̇ад̇игзхи баадиязггам̣ г̇ахид̇аани ‘‘ид̣̇амзва сажжа’’нд̇и абхинивидтаани д̣̇идтисажжаад̣̇ийни. д̇ааниби хи ‘‘ид̣̇амзва сажжа’’нд̇и г̇ахан̣ам̣ убаад̣̇ааяа ‘‘сажжааний’’д̇и вохарийяанд̇и. д̇знааха ‘‘ид̣̇амзваа’’д̇иаад̣̇и. нийхадаанийд̇и ад̇д̇ано санд̇аанад̇о нийхарид̇аани абанийд̇аани. г̇ахид̇аг̇г̇ахан̣ассаад̇и арияамаг̇г̇аад̇хиг̇амад̇о буб̣б̣з г̇ахид̇асса д̣̇идтиг̇г̇аахасса. виссадтабхаававзважанаанийд̇и арияамаг̇г̇зна саб̣б̣асо барижжааг̇абхаавасса ад̇хиважанаани.
Pabbajjūpagatāti yaṃ kiñci pabbajjaṃ upagatā, na samitapāpā. Bhovādinoti jātimattabrāhmaṇe vadati. Pāṭekkasaccānīti tehi tehi diṭṭhigatikehi pāṭiyekkaṃ gahitāni ‘‘idameva sacca’’nti abhiniviṭṭhāni diṭṭhisaccādīni. Tānipi hi ‘‘idameva sacca’’nti gahaṇaṃ upādāya ‘‘saccānī’’ti voharīyanti. Tenāha ‘‘idamevā’’tiādi. Nīhaṭānīti attano santānato nīharitāni apanītāni. Gahitaggahaṇassāti ariyamaggādhigamato pubbe gahitassa diṭṭhiggāhassa. Vissaṭṭhabhāvavevacanānīti ariyamaggena sabbaso pariccāgabhāvassa adhivacanāni.
над̇т̇и зд̇аасам̣ ваяо взгалланд̇и аваяаад̇и ааха ‘‘ануунаа’’д̇и, анавасзсод̇и ад̇т̇о. зсанаад̇и гаамзсанаад̣̇аяо. маг̇г̇асса гижжанибпад̇д̇и гат̇ид̇аа рааг̇аад̣̇ийнам̣ бахийнабхаавад̣̇ийбанад̇о. бажжавзгкан̣апалам̣ гат̇ид̇анд̇и бажжавзгкан̣амукзна арияапалам̣ гат̇ид̇ам̣. ад̇хиг̇ад̇з хи аг̇г̇апалз саб̣б̣асо рааг̇аад̣̇ийнам̣ ануббаад̣̇ад̇хаммад̇ам̣ баж̇аанаад̇и, д̇ан̃жа баж̇аананам̣ бажжавзгкан̣ан̃аан̣анд̇и.
Natthi etāsaṃ vayo vekallanti avayāti āha ‘‘anūnā’’ti, anavasesoti attho. Esanāti kāmesanādayo. Maggassa kiccanipphatti kathitā rāgādīnaṃ pahīnabhāvadīpanato. Paccavekkhaṇaphalaṃ kathitanti paccavekkhaṇamukhena ariyaphalaṃ kathitaṃ. Adhigate hi aggaphale sabbaso rāgādīnaṃ anuppādadhammataṃ pajānāti, tañca pajānanaṃ paccavekkhaṇañāṇanti.
д̣̇уд̇ияаарияааваасасуд̇д̇аван̣н̣анаа нидтид̇аа.
Dutiyaariyāvāsasuttavaṇṇanā niṭṭhitā.
наат̇аваг̇г̇аван̣н̣анаа нидтид̇аа.
Nāthavaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 10. д̣̇уд̇ияаарияааваасасуд̇д̇ам̣ • 10. Dutiyaariyāvāsasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 10. д̣̇уд̇ияаарияааваасасуд̇д̇аван̣н̣анаа • 10. Dutiyaariyāvāsasuttavaṇṇanā
