| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੧੦. ਦੁਤਿਯਅਰਿਯਾવਾਸਸੁਤ੍ਤવਣ੍ਣਨਾ
10. Dutiyaariyāvāsasuttavaṇṇanā
੨੦. ਦਸਮਂ ਯਸ੍ਮਾ ਕੁਰੁਰਟ੍ਠવਾਸਿਨੋ ਭਿਕ੍ਖੂ ਗਮ੍ਭੀਰਪਞ੍ਞਾਕਾਰਕਾ ਯੁਤ੍ਤਪ੍ਪਯੁਤ੍ਤਾ, ਤਸ੍ਮਾ ਯਥਾ ਤੇਸਂ ਦੀਘਨਿਕਾਯਾਦੀਸੁ ਮਹਾਨਿਦਾਨਾਦੀਨਿ ਕਥਿਤਾਨਿ, ਏવਮਿਦਮ੍ਪਿ ਗਮ੍ਭੀਰਂ ਸੁਖੁਮਂ ਤਿਲਕ੍ਖਣਾਹਤਂ ਸੁਤ੍ਤਂ ਤਤ੍ਥੇવ ਅવੋਚ। ਤਤ੍ਥ ਪਞ੍ਚਙ੍ਗવਿਪ੍ਪਹੀਨੋਤਿ ਪਞ੍ਚਹਿ ਅਙ੍ਗੇਹਿ વਿਪ੍ਪਯੁਤ੍ਤੋ ਹੁਤ੍વਾ ਖੀਣਾਸવੋ ਅવਸਿ વਸਤਿ વਸਿਸ੍ਸਤਿ। ਤਸ੍ਮਾ ਅਯਂ ਪਞ੍ਚਙ੍ਗવਿਪ੍ਪਹੀਨਤਾ ਅਰਿਯਾવਾਸੋਤਿ વੁਤ੍ਤੋ। ਏਸ ਨਯੋ ਸਬ੍ਬਤ੍ਥ। ਏવਂ ਖੋ, ਭਿਕ੍ਖવੇ, ਭਿਕ੍ਖੁ ਛਲ਼ਙ੍ਗਸਮਨ੍ਨਾਗਤੋ ਹੋਤੀਤਿ ਛਲ਼ਙ੍ਗੁਪੇਕ੍ਖਾਯ ਸਮਨ੍ਨਾਗਤੋ ਹੋਤਿ। ਛਲ਼ਙ੍ਗੁਪੇਕ੍ਖਾ ਧਮ੍ਮਾ ਨਾਮ ਕੇਤਿ? ਞਾਣਾਦਯੋ। ‘‘ਞਾਣ’’ਨ੍ਤਿ વੁਤ੍ਤੇ ਕਿਰਿਯਤੋ ਚਤ੍ਤਾਰਿ ਞਾਣਸਮ੍ਪਯੁਤ੍ਤਚਿਤ੍ਤਾਨਿ ਲਬ੍ਭਨ੍ਤਿ, ‘‘ਸਤਤવਿਹਾਰੋ’’ਤਿ વੁਤ੍ਤੇ ਅਟ੍ਠ ਮਹਾਚਿਤ੍ਤਾਨਿ, ‘‘ਰਜ੍ਜਨਦੁਸ੍ਸਨਂ ਨਤ੍ਥੀ’’ਤਿ વੁਤ੍ਤੇ ਦਸ ਚਿਤ੍ਤਾਨਿ ਲਬ੍ਭਨ੍ਤਿ। ਸੋਮਨਸ੍ਸਂ ਆਸੇવਨવਸੇਨ ਲਬ੍ਭਤਿ। ਸਤਾਰਕ੍ਖੇਨ ਚੇਤਸਾਤਿ ਖੀਣਾਸવਸ੍ਸ ਹਿ ਤੀਸੁ ਦ੍વਾਰੇਸੁ ਸਬ੍ਬਕਾਲੇ ਸਤਿ ਆਰਕ੍ਖਕਿਚ੍ਚਂ ਸਾਧੇਤਿ। ਤੇਨੇવਸ੍ਸ ਚਰਤੋ ਚ ਤਿਟ੍ਠਤੋ ਚ ਸੁਤ੍ਤਸ੍ਸ ਚ ਜਾਗਰਸ੍ਸ ਚ ਸਤਤਂ ਸਮਿਤਂ ਞਾਣਦਸ੍ਸਨਂ ਪਚ੍ਚੁਪਟ੍ਠਿਤਂ ਹੋਤੀਤਿ વੁਚ੍ਚਤਿ।
20. Dasamaṃ yasmā kururaṭṭhavāsino bhikkhū gambhīrapaññākārakā yuttappayuttā, tasmā yathā tesaṃ dīghanikāyādīsu mahānidānādīni kathitāni, evamidampi gambhīraṃ sukhumaṃ tilakkhaṇāhataṃ suttaṃ tattheva avoca. Tattha pañcaṅgavippahīnoti pañcahi aṅgehi vippayutto hutvā khīṇāsavo avasi vasati vasissati. Tasmā ayaṃ pañcaṅgavippahīnatā ariyāvāsoti vutto. Esa nayo sabbattha. Evaṃ kho, bhikkhave, bhikkhu chaḷaṅgasamannāgato hotīti chaḷaṅgupekkhāya samannāgato hoti. Chaḷaṅgupekkhā dhammā nāma keti? Ñāṇādayo. ‘‘Ñāṇa’’nti vutte kiriyato cattāri ñāṇasampayuttacittāni labbhanti, ‘‘satatavihāro’’ti vutte aṭṭha mahācittāni, ‘‘rajjanadussanaṃ natthī’’ti vutte dasa cittāni labbhanti. Somanassaṃ āsevanavasena labbhati. Satārakkhena cetasāti khīṇāsavassa hi tīsu dvāresu sabbakāle sati ārakkhakiccaṃ sādheti. Tenevassa carato ca tiṭṭhato ca suttassa ca jāgarassa ca satataṃ samitaṃ ñāṇadassanaṃ paccupaṭṭhitaṃ hotīti vuccati.
ਪੁਥੁਸਮਣਬ੍ਰਾਹ੍ਮਣਾਨਨ੍ਤਿ ਬਹੂਨਂ ਸਮਣਬ੍ਰਾਹ੍ਮਣਾਨਂ। ਏਤ੍ਥ ਸਮਣਾਤਿ ਪਬ੍ਬਜ੍ਜੂਪਗਤਾ, ਬ੍ਰਾਹ੍ਮਣਾਤਿ ਭੋવਾਦਿਨੋ। ਪੁਥੁਪਚ੍ਚੇਕਸਚ੍ਚਾਨੀਤਿ ਬਹੂਨਿ ਪਾਟੇਕ੍ਕਸਚ੍ਚਾਨਿ। ‘‘ਇਦਮੇવ ਦਸ੍ਸਨਂ ਸਚ੍ਚਂ, ਇਦਮੇવ ਸਚ੍ਚ’’ਨ੍ਤਿ ਏવਂ ਪਾਟਿਯੇਕ੍ਕਂ ਗਹਿਤਾਨਿ ਬਹੂਨਿ ਸਚ੍ਚਾਨੀਤਿ ਅਤ੍ਥੋ। ਨੁਣ੍ਣਾਨੀਤਿ ਨੀਹਟਾਨਿ। ਪਨੁਣ੍ਣਾਨੀਤਿ ਸੁਟ੍ਠੁ ਨੀਹਟਾਨਿ। ਚਤ੍ਤਾਨੀਤਿ વਿਸ੍ਸਟ੍ਠਾਨਿ। વਨ੍ਤਾਨੀਤਿ વਮਿਤਾਨਿ। ਮੁਤ੍ਤਾਨੀਤਿ ਛਿਨ੍ਨਬਨ੍ਧਨਾਨਿ ਕਤਾਨਿ। ਪਹੀਨਾਨੀਤਿ ਪਜਹਿਤਾਨਿ। ਪਟਿਨਿਸ੍ਸਟ੍ਠਾਨੀਤਿ ਯਥਾ ਨ ਪੁਨ ਚਿਤ੍ਤਂ ਆਰੋਹਨ੍ਤਿ, ਏવਂ ਪਟਿਨਿਸ੍ਸਜ੍ਜਿਤਾਨਿ। ਸਬ੍ਬਾਨੇવ ਤਾਨਿ ਗਹਿਤਗ੍ਗਹਣਸ੍ਸ વਿਸ੍ਸਟ੍ਠਭਾવવੇવਚਨਾਨਿ।
Puthusamaṇabrāhmaṇānanti bahūnaṃ samaṇabrāhmaṇānaṃ. Ettha samaṇāti pabbajjūpagatā, brāhmaṇāti bhovādino. Puthupaccekasaccānīti bahūni pāṭekkasaccāni. ‘‘Idameva dassanaṃ saccaṃ, idameva sacca’’nti evaṃ pāṭiyekkaṃ gahitāni bahūni saccānīti attho. Nuṇṇānīti nīhaṭāni. Panuṇṇānīti suṭṭhu nīhaṭāni. Cattānīti vissaṭṭhāni. Vantānīti vamitāni. Muttānīti chinnabandhanāni katāni. Pahīnānīti pajahitāni. Paṭinissaṭṭhānīti yathā na puna cittaṃ ārohanti, evaṃ paṭinissajjitāni. Sabbāneva tāni gahitaggahaṇassa vissaṭṭhabhāvavevacanāni.
ਸਮવਯਸਟ੍ਠੇਸਨੋਤਿ ਏਤ੍ਥ ਅવਯਾਤਿ ਅਨੂਨਾ, ਸਟ੍ਠਾਤਿ વਿਸ੍ਸਟ੍ਠਾ। ਸਮ੍ਮਾ ਅવਯਾ ਸਟ੍ਠਾ ਏਸਨਾ ਅਸ੍ਸਾਤਿ ਸਮવਯਸਟ੍ਠੇਸਨੋ, ਸੁਟ੍ਠੁવਿਸ੍ਸਟ੍ਠਸਬ੍ਬਏਸਨੋਤਿ ਅਤ੍ਥੋ। ਰਾਗਾ ਚਿਤ੍ਤਂ વਿਮੁਤ੍ਤਨ੍ਤਿਆਦੀਹਿ ਮਗ੍ਗਸ੍ਸ ਕਿਚ੍ਚਨਿਪ੍ਫਤ੍ਤਿ ਕਥਿਤਾ। ਰਾਗੋ ਮੇ ਪਹੀਨੋਤਿਆਦੀਹਿ ਪਚ੍ਚવੇਕ੍ਖਣਫਲਂ ਕਥਿਤਂ। ਸੇਸਂ ਸਬ੍ਬਤ੍ਥ ਉਤ੍ਤਾਨਤ੍ਥਮੇવਾਤਿ।
Samavayasaṭṭhesanoti ettha avayāti anūnā, saṭṭhāti vissaṭṭhā. Sammā avayā saṭṭhā esanā assāti samavayasaṭṭhesano, suṭṭhuvissaṭṭhasabbaesanoti attho. Rāgā cittaṃ vimuttantiādīhi maggassa kiccanipphatti kathitā. Rāgo me pahīnotiādīhi paccavekkhaṇaphalaṃ kathitaṃ. Sesaṃ sabbattha uttānatthamevāti.
ਨਾਥવਗ੍ਗੋ ਦੁਤਿਯੋ।
Nāthavaggo dutiyo.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੧੦. ਦੁਤਿਯਅਰਿਯਾવਾਸਸੁਤ੍ਤਂ • 10. Dutiyaariyāvāsasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੧੦. ਦੁਤਿਯਅਰਿਯਾવਾਸਸੁਤ੍ਤવਣ੍ਣਨਾ • 10. Dutiyaariyāvāsasuttavaṇṇanā
