| Library / Tipiṭaka / तिपिटक • Tipiṭaka / इतिवुत्तकपाळि • Itivuttakapāḷi |
८. दुतियआसवसुत्तं
8. Dutiyaāsavasuttaṃ
५७. वुत्तञ्हेतं भगवता, वुत्तमरहताति मे सुतं –
57. Vuttañhetaṃ bhagavatā, vuttamarahatāti me sutaṃ –
‘‘तयोमे, भिक्खवे, आसवा। कतमे तयो? कामासवो, भवासवो, अविज्जासवो – इमे खो, भिक्खवे, तयो आसवा’’ति। एतमत्थं भगवा अवोच। तत्थेतं इति वुच्चति –
‘‘Tayome, bhikkhave, āsavā. Katame tayo? Kāmāsavo, bhavāsavo, avijjāsavo – ime kho, bhikkhave, tayo āsavā’’ti. Etamatthaṃ bhagavā avoca. Tatthetaṃ iti vuccati –
‘‘यस्स कामासवो खीणो, अविज्जा च विराजिता।
‘‘Yassa kāmāsavo khīṇo, avijjā ca virājitā;
भवासवो परिक्खीणो, विप्पमुत्तो निरूपधि।
Bhavāsavo parikkhīṇo, vippamutto nirūpadhi;
धारेति अन्तिमं देहं, जेत्वा मारं सवाहिनि’’न्ति 1॥
Dhāreti antimaṃ dehaṃ, jetvā māraṃ savāhini’’nti 2.
अयम्पि अत्थो वुत्तो भगवता, इति मे सुतन्ति। अट्ठमं।
Ayampi attho vutto bhagavatā, iti me sutanti. Aṭṭhamaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / इतिवुत्तक-अट्ठकथा • Itivuttaka-aṭṭhakathā / ७-८. आसवसुत्तद्वयवण्णना • 7-8. Āsavasuttadvayavaṇṇanā
