| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
4. து³தியஅஸ்ஸாத³பரியேஸனஸுத்தங்
4. Dutiyaassādapariyesanasuttaṃ
16. ‘‘ரூபானாஹங், பி⁴க்க²வே, அஸ்ஸாத³பரியேஸனங் அசரிங். யோ ரூபானங் அஸ்ஸாதோ³ தத³ஜ்ஜ²க³மங். யாவதா ரூபானங் அஸ்ஸாதோ³ பஞ்ஞாய மே ஸோ ஸுதி³ட்டோ². ரூபானாஹங், பி⁴க்க²வே, ஆதீ³னவபரியேஸனங் அசரிங். யோ ரூபானங் ஆதீ³னவோ தத³ஜ்ஜ²க³மங். யாவதா ரூபானங் ஆதீ³னவோ பஞ்ஞாய மே ஸோ ஸுதி³ட்டோ². ரூபானாஹங், பி⁴க்க²வே, நிஸ்ஸரணபரியேஸனங் அசரிங். யங் ரூபானங் நிஸ்ஸரணங் தத³ஜ்ஜ²க³மங். யாவதா ரூபானங் நிஸ்ஸரணங், பஞ்ஞாய மே தங் ஸுதி³ட்ட²ங். ஸத்³தா³னாஹங், பி⁴க்க²வே… க³ந்தா⁴னாஹங், பி⁴க்க²வே… ரஸானாஹங், பி⁴க்க²வே… பொ²ட்ட²ப்³பா³னாஹங், பி⁴க்க²வே… த⁴ம்மானாஹங், பி⁴க்க²வே, அஸ்ஸாத³பரியேஸனங் அசரிங். யோ த⁴ம்மானங் அஸ்ஸாதோ³ தத³ஜ்ஜ²க³மங். யாவதா த⁴ம்மானங் அஸ்ஸாதோ³ பஞ்ஞாய மே ஸோ ஸுதி³ட்டோ². த⁴ம்மானாஹங், பி⁴க்க²வே, ஆதீ³னவபரியேஸனங் அசரிங். யோ த⁴ம்மானங் ஆதீ³னவோ தத³ஜ்ஜ²க³மங். யாவதா த⁴ம்மானங் ஆதீ³னவோ பஞ்ஞாய மே ஸோ ஸுதி³ட்டோ². த⁴ம்மானாஹங், பி⁴க்க²வே, நிஸ்ஸரணபரியேஸனங் அசரிங். யங் த⁴ம்மானங் நிஸ்ஸரணங் தத³ஜ்ஜ²க³மங். யாவதா த⁴ம்மானங் நிஸ்ஸரணங், பஞ்ஞாய மே தங் ஸுதி³ட்ட²ங்.
16. ‘‘Rūpānāhaṃ, bhikkhave, assādapariyesanaṃ acariṃ. Yo rūpānaṃ assādo tadajjhagamaṃ. Yāvatā rūpānaṃ assādo paññāya me so sudiṭṭho. Rūpānāhaṃ, bhikkhave, ādīnavapariyesanaṃ acariṃ. Yo rūpānaṃ ādīnavo tadajjhagamaṃ. Yāvatā rūpānaṃ ādīnavo paññāya me so sudiṭṭho. Rūpānāhaṃ, bhikkhave, nissaraṇapariyesanaṃ acariṃ. Yaṃ rūpānaṃ nissaraṇaṃ tadajjhagamaṃ. Yāvatā rūpānaṃ nissaraṇaṃ, paññāya me taṃ sudiṭṭhaṃ. Saddānāhaṃ, bhikkhave… gandhānāhaṃ, bhikkhave… rasānāhaṃ, bhikkhave… phoṭṭhabbānāhaṃ, bhikkhave… dhammānāhaṃ, bhikkhave, assādapariyesanaṃ acariṃ. Yo dhammānaṃ assādo tadajjhagamaṃ. Yāvatā dhammānaṃ assādo paññāya me so sudiṭṭho. Dhammānāhaṃ, bhikkhave, ādīnavapariyesanaṃ acariṃ. Yo dhammānaṃ ādīnavo tadajjhagamaṃ. Yāvatā dhammānaṃ ādīnavo paññāya me so sudiṭṭho. Dhammānāhaṃ, bhikkhave, nissaraṇapariyesanaṃ acariṃ. Yaṃ dhammānaṃ nissaraṇaṃ tadajjhagamaṃ. Yāvatā dhammānaṃ nissaraṇaṃ, paññāya me taṃ sudiṭṭhaṃ.
‘‘யாவகீவஞ்சாஹங், பி⁴க்க²வே, இமேஸங் ச²ன்னங் பா³ஹிரானங் ஆயதனானங் அஸ்ஸாத³ஞ்ச அஸ்ஸாத³தோ, ஆதீ³னவஞ்ச ஆதீ³னவதோ, நிஸ்ஸரணஞ்ச நிஸ்ஸரணதோ யதா²பூ⁴தங் நாப்³ப⁴ஞ்ஞாஸிங்…பே॰… பச்சஞ்ஞாஸிங். ஞாணஞ்ச பன மே த³ஸ்ஸனங் உத³பாதி³ – ‘அகுப்பா மே விமுத்தி, அயமந்திமா ஜாதி, நத்தி² தா³னி புனப்³ப⁴வோ’’’தி. சதுத்த²ங்.
‘‘Yāvakīvañcāhaṃ, bhikkhave, imesaṃ channaṃ bāhirānaṃ āyatanānaṃ assādañca assādato, ādīnavañca ādīnavato, nissaraṇañca nissaraṇato yathābhūtaṃ nābbhaññāsiṃ…pe… paccaññāsiṃ. Ñāṇañca pana me dassanaṃ udapādi – ‘akuppā me vimutti, ayamantimā jāti, natthi dāni punabbhavo’’’ti. Catutthaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 1-4. பட²மபுப்³பே³ஸம்போ³த⁴ஸுத்தாதி³வண்ணனா • 1-4. Paṭhamapubbesambodhasuttādivaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 1-4. பட²மபுப்³பே³ஸம்போ³த⁴ஸுத்தாதி³வண்ணனா • 1-4. Paṭhamapubbesambodhasuttādivaṇṇanā
