| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
৬. দুতিযঅস্সাদসুত্তং
6. Dutiyaassādasuttaṃ
২৭. সাৰত্থিনিদানং । ‘‘রূপস্সাহং, ভিক্খৰে, অস্সাদপরিযেসনং অচরিং। যো রূপস্স অস্সাদো তদজ্ঝগমং। যাৰতা রূপস্স অস্সাদো পঞ্ঞায মে সো সুদিট্ঠো। রূপস্সাহং, ভিক্খৰে, আদীনৰপরিযেসনং অচরিং। যো রূপস্স আদীনৰো তদজ্ঝগমং। যাৰতা রূপস্স আদীনৰো পঞ্ঞায মে সো সুদিট্ঠো। রূপস্সাহং, ভিক্খৰে, নিস্সরণপরিযেসনং অচরিং। যং রূপস্স নিস্সরণং তদজ্ঝগমং। যাৰতা রূপস্স নিস্সরণং পঞ্ঞায মে তং সুদিট্ঠং। ৰেদনাযাহং, ভিক্খৰে… সঞ্ঞাযাহং, ভিক্খৰে… সঙ্খারানাহং , ভিক্খৰে… ৰিঞ্ঞাণস্সাহং, ভিক্খৰে, অস্সাদপরিযেসনং অচরিং। যো ৰিঞ্ঞাণস্স অস্সাদো তদজ্ঝগমং। যাৰতা ৰিঞ্ঞাণস্স অস্সাদো পঞ্ঞায মে সো সুদিট্ঠো। ৰিঞ্ঞাণস্সাহং, ভিক্খৰে, আদীনৰপরিযেসনং অচরিং। যো ৰিঞ্ঞাণস্স আদীনৰো তদজ্ঝগমং। যাৰতা ৰিঞ্ঞাণস্স আদীনৰো পঞ্ঞায মে সো সুদিট্ঠো। ৰিঞ্ঞাণস্সাহং, ভিক্খৰে, নিস্সরণপরিযেসনং অচরিং। যং ৰিঞ্ঞাণস্স নিস্সরণং তদজ্ঝগমং। যাৰতা ৰিঞ্ঞাণস্স নিস্সরণং পঞ্ঞায মে তং সুদিট্ঠং। যাৰকীৰঞ্চাহং, ভিক্খৰে, ইমেসং পঞ্চন্নং উপাদানক্খন্ধানং অস্সাদঞ্চ অস্সাদতো আদীনৰঞ্চ আদীনৰতো নিস্সরণঞ্চ নিস্সরণতো যথাভূতং নাব্ভঞ্ঞাসিং…পে॰… অব্ভঞ্ঞাসিং। ঞাণঞ্চ পন মে দস্সনং উদপাদি – ‘অকুপ্পা মে ৰিমুত্তি 1; অযমন্তিমা জাতি; নত্থি দানি পুনব্ভৰো’’’তি। ছট্ঠং।
27. Sāvatthinidānaṃ . ‘‘Rūpassāhaṃ, bhikkhave, assādapariyesanaṃ acariṃ. Yo rūpassa assādo tadajjhagamaṃ. Yāvatā rūpassa assādo paññāya me so sudiṭṭho. Rūpassāhaṃ, bhikkhave, ādīnavapariyesanaṃ acariṃ. Yo rūpassa ādīnavo tadajjhagamaṃ. Yāvatā rūpassa ādīnavo paññāya me so sudiṭṭho. Rūpassāhaṃ, bhikkhave, nissaraṇapariyesanaṃ acariṃ. Yaṃ rūpassa nissaraṇaṃ tadajjhagamaṃ. Yāvatā rūpassa nissaraṇaṃ paññāya me taṃ sudiṭṭhaṃ. Vedanāyāhaṃ, bhikkhave… saññāyāhaṃ, bhikkhave… saṅkhārānāhaṃ , bhikkhave… viññāṇassāhaṃ, bhikkhave, assādapariyesanaṃ acariṃ. Yo viññāṇassa assādo tadajjhagamaṃ. Yāvatā viññāṇassa assādo paññāya me so sudiṭṭho. Viññāṇassāhaṃ, bhikkhave, ādīnavapariyesanaṃ acariṃ. Yo viññāṇassa ādīnavo tadajjhagamaṃ. Yāvatā viññāṇassa ādīnavo paññāya me so sudiṭṭho. Viññāṇassāhaṃ, bhikkhave, nissaraṇapariyesanaṃ acariṃ. Yaṃ viññāṇassa nissaraṇaṃ tadajjhagamaṃ. Yāvatā viññāṇassa nissaraṇaṃ paññāya me taṃ sudiṭṭhaṃ. Yāvakīvañcāhaṃ, bhikkhave, imesaṃ pañcannaṃ upādānakkhandhānaṃ assādañca assādato ādīnavañca ādīnavato nissaraṇañca nissaraṇato yathābhūtaṃ nābbhaññāsiṃ…pe… abbhaññāsiṃ. Ñāṇañca pana me dassanaṃ udapādi – ‘akuppā me vimutti 2; ayamantimā jāti; natthi dāni punabbhavo’’’ti. Chaṭṭhaṃ.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৪-৯. ছন্দরাগসুত্তাদিৰণ্ণনা • 4-9. Chandarāgasuttādivaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ৪-৯. ছন্দরাগসুত্তাদিৰণ্ণনা • 4-9. Chandarāgasuttādivaṇṇanā
