Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya

    3. д̣̇уд̇ияаассаад̣̇асуд̇д̇ам̣

    3. Dutiyaassādasuttaṃ

    106. ‘‘но жзд̣̇ам̣ 1, бхигкавз, логз ассаад̣̇о абхависса, наяид̣̇ам̣ сад̇д̇аа логз саараж̇ж̇зяяум̣. яасмаа жа ко, бхигкавз, ад̇т̇и логз ассаад̣̇о, д̇асмаа сад̇д̇аа логз саараж̇ж̇анд̇и. но жзд̣̇ам̣, бхигкавз, логз аад̣̇ийнаво абхависса, наяид̣̇ам̣ сад̇д̇аа логз ниб̣б̣инд̣̇зяяум̣. яасмаа жа ко, бхигкавз, ад̇т̇и логз аад̣̇ийнаво, д̇асмаа сад̇д̇аа логз ниб̣б̣инд̣̇анд̇и. но жзд̣̇ам̣, бхигкавз, логз ниссаран̣ам̣ абхависса, наяид̣̇ам̣ сад̇д̇аа логамхаа 2 ниссарзяяум̣. яасмаа жа ко, бхигкавз, ад̇т̇и логз ниссаран̣ам̣, д̇асмаа сад̇д̇аа логамхаа ниссаранд̇и. яаавагийван̃жа, бхигкавз, сад̇д̇аа логасса ассаад̣̇ан̃жа ассаад̣̇ад̇о аад̣̇ийнаван̃жа аад̣̇ийнавад̇о ниссаран̣ан̃жа ниссаран̣ад̇о яат̇аабхууд̇ам̣ нааб̣бхан̃н̃аасум̣ 3, нзва д̇аава, бхигкавз, сад̇д̇аа сад̣̇звагаа логаа самаарагаа саб̣рахмагаа сассаман̣аб̣раахман̣ияаа баж̇ааяа сад̣̇звамануссааяа ниссадаа висам̣яуд̇д̇аа виббамуд̇д̇аа 4 вимарияаад̣̇ийгад̇зна 5 жзд̇асаа вихарим̣су. яад̇о жа ко, бхигкавз, сад̇д̇аа логасса ассаад̣̇ан̃жа ассаад̣̇ад̇о аад̣̇ийнаван̃жа аад̣̇ийнавад̇о ниссаран̣ан̃жа ниссаран̣ад̇о яат̇аабхууд̇ам̣ аб̣бхан̃н̃аасум̣, ат̇а, бхигкавз, сад̇д̇аа сад̣̇звагаа логаа самаарагаа саб̣рахмагаа сассаман̣аб̣раахман̣ияаа баж̇ааяа сад̣̇звамануссааяа ниссадаа висам̣яуд̇д̇аа виббамуд̇д̇аа вимарияаад̣̇ийгад̇зна жзд̇асаа вихаранд̇ий’’д̇и. д̇ад̇ияам̣.

    106. ‘‘No cedaṃ 6, bhikkhave, loke assādo abhavissa, nayidaṃ sattā loke sārajjeyyuṃ. Yasmā ca kho, bhikkhave, atthi loke assādo, tasmā sattā loke sārajjanti. No cedaṃ, bhikkhave, loke ādīnavo abhavissa, nayidaṃ sattā loke nibbindeyyuṃ. Yasmā ca kho, bhikkhave, atthi loke ādīnavo, tasmā sattā loke nibbindanti. No cedaṃ, bhikkhave, loke nissaraṇaṃ abhavissa, nayidaṃ sattā lokamhā 7 nissareyyuṃ. Yasmā ca kho, bhikkhave, atthi loke nissaraṇaṃ, tasmā sattā lokamhā nissaranti. Yāvakīvañca, bhikkhave, sattā lokassa assādañca assādato ādīnavañca ādīnavato nissaraṇañca nissaraṇato yathābhūtaṃ nābbhaññāsuṃ 8, neva tāva, bhikkhave, sattā sadevakā lokā samārakā sabrahmakā sassamaṇabrāhmaṇiyā pajāya sadevamanussāya nissaṭā visaṃyuttā vippamuttā 9 vimariyādīkatena 10 cetasā vihariṃsu. Yato ca kho, bhikkhave, sattā lokassa assādañca assādato ādīnavañca ādīnavato nissaraṇañca nissaraṇato yathābhūtaṃ abbhaññāsuṃ, atha, bhikkhave, sattā sadevakā lokā samārakā sabrahmakā sassamaṇabrāhmaṇiyā pajāya sadevamanussāya nissaṭā visaṃyuttā vippamuttā vimariyādīkatena cetasā viharantī’’ti. Tatiyaṃ.




    Next: 4. саман̣аб̣раахман̣асуд̇д̇ам̣ • 4. Samaṇabrāhmaṇasuttaṃ




    Footnotes:
    1. но жзд̇ам̣ (сяаа. гам̣. бий. га.) сам̣. ни. 3.28 бассид̇аб̣б̣ам̣
    2. логз (га.)
    3. нааб̣бхан̃н̃ам̣су (сам̣. ни. 3.28
    4. виббаяуд̇д̇аа (га.)
    5. вимарияаад̣̇игад̇зна (сий. бий. га.)
    6. no cetaṃ (syā. kaṃ. pī. ka.) saṃ. ni. 3.28 passitabbaṃ
    7. loke (ka.)
    8. nābbhaññaṃsu (saṃ. ni. 3.28
    9. vippayuttā (ka.)
    10. vimariyādikatena (sī. pī. ka.)



    Related texts:



    дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1-3. буб̣б̣звасамб̣од̇хасуд̇д̇аад̣̇иван̣н̣анаа • 1-3. Pubbevasambodhasuttādivaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact