| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya |
੩. ਦੁਤਿਯਅਸ੍ਸਾਦਸੁਤ੍ਤਂ
3. Dutiyaassādasuttaṃ
੧੦੬. ‘‘ਨੋ ਚੇਦਂ 1, ਭਿਕ੍ਖવੇ, ਲੋਕੇ ਅਸ੍ਸਾਦੋ ਅਭવਿਸ੍ਸ, ਨਯਿਦਂ ਸਤ੍ਤਾ ਲੋਕੇ ਸਾਰਜ੍ਜੇਯ੍ਯੁਂ। ਯਸ੍ਮਾ ਚ ਖੋ, ਭਿਕ੍ਖવੇ, ਅਤ੍ਥਿ ਲੋਕੇ ਅਸ੍ਸਾਦੋ, ਤਸ੍ਮਾ ਸਤ੍ਤਾ ਲੋਕੇ ਸਾਰਜ੍ਜਨ੍ਤਿ। ਨੋ ਚੇਦਂ, ਭਿਕ੍ਖવੇ, ਲੋਕੇ ਆਦੀਨવੋ ਅਭવਿਸ੍ਸ, ਨਯਿਦਂ ਸਤ੍ਤਾ ਲੋਕੇ ਨਿਬ੍ਬਿਨ੍ਦੇਯ੍ਯੁਂ। ਯਸ੍ਮਾ ਚ ਖੋ, ਭਿਕ੍ਖવੇ, ਅਤ੍ਥਿ ਲੋਕੇ ਆਦੀਨવੋ, ਤਸ੍ਮਾ ਸਤ੍ਤਾ ਲੋਕੇ ਨਿਬ੍ਬਿਨ੍ਦਨ੍ਤਿ। ਨੋ ਚੇਦਂ, ਭਿਕ੍ਖવੇ, ਲੋਕੇ ਨਿਸ੍ਸਰਣਂ ਅਭવਿਸ੍ਸ, ਨਯਿਦਂ ਸਤ੍ਤਾ ਲੋਕਮ੍ਹਾ 2 ਨਿਸ੍ਸਰੇਯ੍ਯੁਂ। ਯਸ੍ਮਾ ਚ ਖੋ, ਭਿਕ੍ਖવੇ, ਅਤ੍ਥਿ ਲੋਕੇ ਨਿਸ੍ਸਰਣਂ, ਤਸ੍ਮਾ ਸਤ੍ਤਾ ਲੋਕਮ੍ਹਾ ਨਿਸ੍ਸਰਨ੍ਤਿ। ਯਾવਕੀવਞ੍ਚ, ਭਿਕ੍ਖવੇ, ਸਤ੍ਤਾ ਲੋਕਸ੍ਸ ਅਸ੍ਸਾਦਞ੍ਚ ਅਸ੍ਸਾਦਤੋ ਆਦੀਨવਞ੍ਚ ਆਦੀਨવਤੋ ਨਿਸ੍ਸਰਣਞ੍ਚ ਨਿਸ੍ਸਰਣਤੋ ਯਥਾਭੂਤਂ ਨਾਬ੍ਭਞ੍ਞਾਸੁਂ 3, ਨੇવ ਤਾવ, ਭਿਕ੍ਖવੇ, ਸਤ੍ਤਾ ਸਦੇવਕਾ ਲੋਕਾ ਸਮਾਰਕਾ ਸਬ੍ਰਹ੍ਮਕਾ ਸਸ੍ਸਮਣਬ੍ਰਾਹ੍ਮਣਿਯਾ ਪਜਾਯ ਸਦੇવਮਨੁਸ੍ਸਾਯ ਨਿਸ੍ਸਟਾ વਿਸਂਯੁਤ੍ਤਾ વਿਪ੍ਪਮੁਤ੍ਤਾ 4 વਿਮਰਿਯਾਦੀਕਤੇਨ 5 ਚੇਤਸਾ વਿਹਰਿਂਸੁ। ਯਤੋ ਚ ਖੋ, ਭਿਕ੍ਖવੇ, ਸਤ੍ਤਾ ਲੋਕਸ੍ਸ ਅਸ੍ਸਾਦਞ੍ਚ ਅਸ੍ਸਾਦਤੋ ਆਦੀਨવਞ੍ਚ ਆਦੀਨવਤੋ ਨਿਸ੍ਸਰਣਞ੍ਚ ਨਿਸ੍ਸਰਣਤੋ ਯਥਾਭੂਤਂ ਅਬ੍ਭਞ੍ਞਾਸੁਂ, ਅਥ, ਭਿਕ੍ਖવੇ, ਸਤ੍ਤਾ ਸਦੇવਕਾ ਲੋਕਾ ਸਮਾਰਕਾ ਸਬ੍ਰਹ੍ਮਕਾ ਸਸ੍ਸਮਣਬ੍ਰਾਹ੍ਮਣਿਯਾ ਪਜਾਯ ਸਦੇવਮਨੁਸ੍ਸਾਯ ਨਿਸ੍ਸਟਾ વਿਸਂਯੁਤ੍ਤਾ વਿਪ੍ਪਮੁਤ੍ਤਾ વਿਮਰਿਯਾਦੀਕਤੇਨ ਚੇਤਸਾ વਿਹਰਨ੍ਤੀ’’ਤਿ। ਤਤਿਯਂ।
106. ‘‘No cedaṃ 6, bhikkhave, loke assādo abhavissa, nayidaṃ sattā loke sārajjeyyuṃ. Yasmā ca kho, bhikkhave, atthi loke assādo, tasmā sattā loke sārajjanti. No cedaṃ, bhikkhave, loke ādīnavo abhavissa, nayidaṃ sattā loke nibbindeyyuṃ. Yasmā ca kho, bhikkhave, atthi loke ādīnavo, tasmā sattā loke nibbindanti. No cedaṃ, bhikkhave, loke nissaraṇaṃ abhavissa, nayidaṃ sattā lokamhā 7 nissareyyuṃ. Yasmā ca kho, bhikkhave, atthi loke nissaraṇaṃ, tasmā sattā lokamhā nissaranti. Yāvakīvañca, bhikkhave, sattā lokassa assādañca assādato ādīnavañca ādīnavato nissaraṇañca nissaraṇato yathābhūtaṃ nābbhaññāsuṃ 8, neva tāva, bhikkhave, sattā sadevakā lokā samārakā sabrahmakā sassamaṇabrāhmaṇiyā pajāya sadevamanussāya nissaṭā visaṃyuttā vippamuttā 9 vimariyādīkatena 10 cetasā vihariṃsu. Yato ca kho, bhikkhave, sattā lokassa assādañca assādato ādīnavañca ādīnavato nissaraṇañca nissaraṇato yathābhūtaṃ abbhaññāsuṃ, atha, bhikkhave, sattā sadevakā lokā samārakā sabrahmakā sassamaṇabrāhmaṇiyā pajāya sadevamanussāya nissaṭā visaṃyuttā vippamuttā vimariyādīkatena cetasā viharantī’’ti. Tatiyaṃ.
Footnotes:
Related texts:
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੧-੩. ਪੁਬ੍ਬੇવਸਮ੍ਬੋਧਸੁਤ੍ਤਾਦਿવਣ੍ਣਨਾ • 1-3. Pubbevasambodhasuttādivaṇṇanā
