| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ • Saṃyuttanikāya |
੬. ਦੁਤਿਯਅਸ੍ਸਾਦਸੁਤ੍ਤਂ
6. Dutiyaassādasuttaṃ
੨੭. ਸਾવਤ੍ਥਿਨਿਦਾਨਂ । ‘‘ਰੂਪਸ੍ਸਾਹਂ, ਭਿਕ੍ਖવੇ, ਅਸ੍ਸਾਦਪਰਿਯੇਸਨਂ ਅਚਰਿਂ। ਯੋ ਰੂਪਸ੍ਸ ਅਸ੍ਸਾਦੋ ਤਦਜ੍ਝਗਮਂ। ਯਾવਤਾ ਰੂਪਸ੍ਸ ਅਸ੍ਸਾਦੋ ਪਞ੍ਞਾਯ ਮੇ ਸੋ ਸੁਦਿਟ੍ਠੋ। ਰੂਪਸ੍ਸਾਹਂ, ਭਿਕ੍ਖવੇ, ਆਦੀਨવਪਰਿਯੇਸਨਂ ਅਚਰਿਂ। ਯੋ ਰੂਪਸ੍ਸ ਆਦੀਨવੋ ਤਦਜ੍ਝਗਮਂ। ਯਾવਤਾ ਰੂਪਸ੍ਸ ਆਦੀਨવੋ ਪਞ੍ਞਾਯ ਮੇ ਸੋ ਸੁਦਿਟ੍ਠੋ। ਰੂਪਸ੍ਸਾਹਂ, ਭਿਕ੍ਖવੇ, ਨਿਸ੍ਸਰਣਪਰਿਯੇਸਨਂ ਅਚਰਿਂ। ਯਂ ਰੂਪਸ੍ਸ ਨਿਸ੍ਸਰਣਂ ਤਦਜ੍ਝਗਮਂ। ਯਾવਤਾ ਰੂਪਸ੍ਸ ਨਿਸ੍ਸਰਣਂ ਪਞ੍ਞਾਯ ਮੇ ਤਂ ਸੁਦਿਟ੍ਠਂ। વੇਦਨਾਯਾਹਂ, ਭਿਕ੍ਖવੇ… ਸਞ੍ਞਾਯਾਹਂ, ਭਿਕ੍ਖવੇ… ਸਙ੍ਖਾਰਾਨਾਹਂ , ਭਿਕ੍ਖવੇ… વਿਞ੍ਞਾਣਸ੍ਸਾਹਂ, ਭਿਕ੍ਖવੇ, ਅਸ੍ਸਾਦਪਰਿਯੇਸਨਂ ਅਚਰਿਂ। ਯੋ વਿਞ੍ਞਾਣਸ੍ਸ ਅਸ੍ਸਾਦੋ ਤਦਜ੍ਝਗਮਂ। ਯਾવਤਾ વਿਞ੍ਞਾਣਸ੍ਸ ਅਸ੍ਸਾਦੋ ਪਞ੍ਞਾਯ ਮੇ ਸੋ ਸੁਦਿਟ੍ਠੋ। વਿਞ੍ਞਾਣਸ੍ਸਾਹਂ, ਭਿਕ੍ਖવੇ, ਆਦੀਨવਪਰਿਯੇਸਨਂ ਅਚਰਿਂ। ਯੋ વਿਞ੍ਞਾਣਸ੍ਸ ਆਦੀਨવੋ ਤਦਜ੍ਝਗਮਂ। ਯਾવਤਾ વਿਞ੍ਞਾਣਸ੍ਸ ਆਦੀਨવੋ ਪਞ੍ਞਾਯ ਮੇ ਸੋ ਸੁਦਿਟ੍ਠੋ। વਿਞ੍ਞਾਣਸ੍ਸਾਹਂ, ਭਿਕ੍ਖવੇ, ਨਿਸ੍ਸਰਣਪਰਿਯੇਸਨਂ ਅਚਰਿਂ। ਯਂ વਿਞ੍ਞਾਣਸ੍ਸ ਨਿਸ੍ਸਰਣਂ ਤਦਜ੍ਝਗਮਂ। ਯਾવਤਾ વਿਞ੍ਞਾਣਸ੍ਸ ਨਿਸ੍ਸਰਣਂ ਪਞ੍ਞਾਯ ਮੇ ਤਂ ਸੁਦਿਟ੍ਠਂ। ਯਾવਕੀવਞ੍ਚਾਹਂ, ਭਿਕ੍ਖવੇ, ਇਮੇਸਂ ਪਞ੍ਚਨ੍ਨਂ ਉਪਾਦਾਨਕ੍ਖਨ੍ਧਾਨਂ ਅਸ੍ਸਾਦਞ੍ਚ ਅਸ੍ਸਾਦਤੋ ਆਦੀਨવਞ੍ਚ ਆਦੀਨવਤੋ ਨਿਸ੍ਸਰਣਞ੍ਚ ਨਿਸ੍ਸਰਣਤੋ ਯਥਾਭੂਤਂ ਨਾਬ੍ਭਞ੍ਞਾਸਿਂ…ਪੇ॰… ਅਬ੍ਭਞ੍ਞਾਸਿਂ। ਞਾਣਞ੍ਚ ਪਨ ਮੇ ਦਸ੍ਸਨਂ ਉਦਪਾਦਿ – ‘ਅਕੁਪ੍ਪਾ ਮੇ વਿਮੁਤ੍ਤਿ 1; ਅਯਮਨ੍ਤਿਮਾ ਜਾਤਿ; ਨਤ੍ਥਿ ਦਾਨਿ ਪੁਨਬ੍ਭવੋ’’’ਤਿ। ਛਟ੍ਠਂ।
27. Sāvatthinidānaṃ . ‘‘Rūpassāhaṃ, bhikkhave, assādapariyesanaṃ acariṃ. Yo rūpassa assādo tadajjhagamaṃ. Yāvatā rūpassa assādo paññāya me so sudiṭṭho. Rūpassāhaṃ, bhikkhave, ādīnavapariyesanaṃ acariṃ. Yo rūpassa ādīnavo tadajjhagamaṃ. Yāvatā rūpassa ādīnavo paññāya me so sudiṭṭho. Rūpassāhaṃ, bhikkhave, nissaraṇapariyesanaṃ acariṃ. Yaṃ rūpassa nissaraṇaṃ tadajjhagamaṃ. Yāvatā rūpassa nissaraṇaṃ paññāya me taṃ sudiṭṭhaṃ. Vedanāyāhaṃ, bhikkhave… saññāyāhaṃ, bhikkhave… saṅkhārānāhaṃ , bhikkhave… viññāṇassāhaṃ, bhikkhave, assādapariyesanaṃ acariṃ. Yo viññāṇassa assādo tadajjhagamaṃ. Yāvatā viññāṇassa assādo paññāya me so sudiṭṭho. Viññāṇassāhaṃ, bhikkhave, ādīnavapariyesanaṃ acariṃ. Yo viññāṇassa ādīnavo tadajjhagamaṃ. Yāvatā viññāṇassa ādīnavo paññāya me so sudiṭṭho. Viññāṇassāhaṃ, bhikkhave, nissaraṇapariyesanaṃ acariṃ. Yaṃ viññāṇassa nissaraṇaṃ tadajjhagamaṃ. Yāvatā viññāṇassa nissaraṇaṃ paññāya me taṃ sudiṭṭhaṃ. Yāvakīvañcāhaṃ, bhikkhave, imesaṃ pañcannaṃ upādānakkhandhānaṃ assādañca assādato ādīnavañca ādīnavato nissaraṇañca nissaraṇato yathābhūtaṃ nābbhaññāsiṃ…pe… abbhaññāsiṃ. Ñāṇañca pana me dassanaṃ udapādi – ‘akuppā me vimutti 2; ayamantimā jāti; natthi dāni punabbhavo’’’ti. Chaṭṭhaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੪-੯. ਛਨ੍ਦਰਾਗਸੁਤ੍ਤਾਦਿવਣ੍ਣਨਾ • 4-9. Chandarāgasuttādivaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੪-੯. ਛਨ੍ਦਰਾਗਸੁਤ੍ਤਾਦਿવਣ੍ਣਨਾ • 4-9. Chandarāgasuttādivaṇṇanā
