| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
2. து³தியஅஸ்ஸுதவாஸுத்தவண்ணனா
2. Dutiyaassutavāsuttavaṇṇanā
62. து³தியே ஸுக²வேத³னியந்தி ஸுக²வேத³னாய பச்சயங். ப²ஸ்ஸந்தி சக்கு²ஸம்ப²ஸ்ஸாதி³ங். நனு ச சக்கு²ஸம்ப²ஸ்ஸோ ஸுக²வேத³னாய பச்சயோ ந ஹோதீதி? ஸஹஜாதபச்சயேன ந ஹோதி, உபனிஸ்ஸயபச்சயேன பன ஜவனவேத³னாய ஹோதி , தங் ஸந்தா⁴யேதங் வுத்தங். ஸோதஸம்ப²ஸ்ஸாதீ³ஸுபி ஏஸேவ நயோ. தஜ்ஜந்தி தஜ்ஜாதிகங் தஸ்ஸாருப்பங், தஸ்ஸ ப²ஸ்ஸஸ்ஸ அனுரூபந்தி அத்தோ². து³க்க²வேத³னியந்திஆதி³ வுத்தனயேனேவ வேதி³தப்³ப³ங். ஸங்க⁴ட்டனஸமோதா⁴னாதி ஸங்க⁴ட்டனேன சேவ ஸமோதா⁴னேன ச, ஸங்க⁴ட்டனஸம்பிண்ட³னேனாதி அத்தோ². உஸ்மாதி உண்ஹாகாரோ. தேஜோ அபி⁴னிப்³ப³த்ததீதி அக்³கி³சுண்ணோ நிக்க²மதீதி ந க³ஹேதப்³ப³ங், உஸ்மாகாரஸ்ஸேவ பன ஏதங் வேவசனங். தத்த² த்³வின்னங் கட்டா²னந்தி த்³வின்னங் அரணீனங். தத்த² அதோ⁴அரணீ விய வத்து², உத்தராரணீ விய ஆரம்மணங், ஸங்க⁴ட்டனங் விய ப²ஸ்ஸோ, உஸ்மாதா⁴து விய வேத³னா. து³தியங்.
62. Dutiye sukhavedaniyanti sukhavedanāya paccayaṃ. Phassanti cakkhusamphassādiṃ. Nanu ca cakkhusamphasso sukhavedanāya paccayo na hotīti? Sahajātapaccayena na hoti, upanissayapaccayena pana javanavedanāya hoti , taṃ sandhāyetaṃ vuttaṃ. Sotasamphassādīsupi eseva nayo. Tajjanti tajjātikaṃ tassāruppaṃ, tassa phassassa anurūpanti attho. Dukkhavedaniyantiādi vuttanayeneva veditabbaṃ. Saṅghaṭṭanasamodhānāti saṅghaṭṭanena ceva samodhānena ca, saṅghaṭṭanasampiṇḍanenāti attho. Usmāti uṇhākāro. Tejo abhinibbattatīti aggicuṇṇo nikkhamatīti na gahetabbaṃ, usmākārasseva pana etaṃ vevacanaṃ. Tattha dvinnaṃ kaṭṭhānanti dvinnaṃ araṇīnaṃ. Tattha adhoaraṇī viya vatthu, uttarāraṇī viya ārammaṇaṃ, saṅghaṭṭanaṃ viya phasso, usmādhātu viya vedanā. Dutiyaṃ.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 2. து³தியஅஸ்ஸுதவாஸுத்தங் • 2. Dutiyaassutavāsuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 2. து³தியஅஸ்ஸுதவாஸுத்தவண்ணனா • 2. Dutiyaassutavāsuttavaṇṇanā
