| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
2. д̣̇уд̇ияаассуд̇аваасуд̇д̇аван̣н̣анаа
2. Dutiyaassutavāsuttavaṇṇanā
62. д̣̇уд̇ияз сукавзд̣̇анияанд̇и сукавзд̣̇анааяа бажжаяам̣. пассанд̇и жагкусампассаад̣̇им̣. нану жа жагкусампассо сукавзд̣̇анааяа бажжаяо на ход̇ийд̇и? сахаж̇аад̇абажжаязна на ход̇и, убаниссаяабажжаязна бана ж̇аванавзд̣̇анааяа ход̇и , д̇ам̣ санд̇хааязд̇ам̣ вуд̇д̇ам̣. сод̇асампассаад̣̇ийсуби зсзва наяо. д̇аж̇ж̇анд̇и д̇аж̇ж̇аад̇игам̣ д̇ассааруббам̣, д̇асса пассасса ануруубанд̇и ад̇т̇о. д̣̇угкавзд̣̇анияанд̇иаад̣̇и вуд̇д̇анаязнзва взд̣̇ид̇аб̣б̣ам̣. сан̇гхадданасамод̇хаанаад̇и сан̇гхадданзна жзва самод̇хаанзна жа, сан̇гхадданасамбин̣д̣анзнаад̇и ад̇т̇о. усмаад̇и ун̣хаагааро. д̇зж̇о абхиниб̣б̣ад̇д̇ад̇ийд̇и аг̇г̇ижун̣н̣о нигкамад̇ийд̇и на г̇ахзд̇аб̣б̣ам̣, усмаагаарассзва бана зд̇ам̣ взважанам̣. д̇ад̇т̇а д̣̇виннам̣ гадтаананд̇и д̣̇виннам̣ аран̣ийнам̣. д̇ад̇т̇а ад̇хоаран̣ий вияа вад̇т̇у, уд̇д̇арааран̣ий вияа аарамман̣ам̣, сан̇гхадданам̣ вияа пассо, усмаад̇хаад̇у вияа взд̣̇анаа. д̣̇уд̇ияам̣.
62. Dutiye sukhavedaniyanti sukhavedanāya paccayaṃ. Phassanti cakkhusamphassādiṃ. Nanu ca cakkhusamphasso sukhavedanāya paccayo na hotīti? Sahajātapaccayena na hoti, upanissayapaccayena pana javanavedanāya hoti , taṃ sandhāyetaṃ vuttaṃ. Sotasamphassādīsupi eseva nayo. Tajjanti tajjātikaṃ tassāruppaṃ, tassa phassassa anurūpanti attho. Dukkhavedaniyantiādi vuttanayeneva veditabbaṃ. Saṅghaṭṭanasamodhānāti saṅghaṭṭanena ceva samodhānena ca, saṅghaṭṭanasampiṇḍanenāti attho. Usmāti uṇhākāro. Tejo abhinibbattatīti aggicuṇṇo nikkhamatīti na gahetabbaṃ, usmākārasseva pana etaṃ vevacanaṃ. Tattha dvinnaṃ kaṭṭhānanti dvinnaṃ araṇīnaṃ. Tattha adhoaraṇī viya vatthu, uttarāraṇī viya ārammaṇaṃ, saṅghaṭṭanaṃ viya phasso, usmādhātu viya vedanā. Dutiyaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 2. д̣̇уд̇ияаассуд̇аваасуд̇д̇ам̣ • 2. Dutiyaassutavāsuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 2. д̣̇уд̇ияаассуд̇аваасуд̇д̇аван̣н̣анаа • 2. Dutiyaassutavāsuttavaṇṇanā
