| Library / Tipiṭaka / ติปิฎก • Tipiṭaka / สํยุตฺตนิกาย (อฎฺฐกถา) • Saṃyuttanikāya (aṭṭhakathā) |
๒. ทุติยอสฺสุตวาสุตฺตวณฺณนา
2. Dutiyaassutavāsuttavaṇṇanā
๖๒. ทุติเย สุขเวทนิยนฺติ สุขเวทนาย ปจฺจยํฯ ผสฺสนฺติ จกฺขุสมฺผสฺสาทิํฯ นนุ จ จกฺขุสมฺผโสฺส สุขเวทนาย ปจฺจโย น โหตีติ? สหชาตปจฺจเยน น โหติ, อุปนิสฺสยปจฺจเยน ปน ชวนเวทนาย โหติ , ตํ สนฺธาเยตํ วุตฺตํฯ โสตสมฺผสฺสาทีสุปิ เอเสว นโยฯ ตชฺชนฺติ ตชฺชาติกํ ตสฺสารุปฺปํ, ตสฺส ผสฺสสฺส อนุรูปนฺติ อโตฺถฯ ทุกฺขเวทนิยนฺติอาทิ วุตฺตนเยเนว เวทิตพฺพํฯ สงฺฆฎฺฎนสโมธานาติ สงฺฆฎฺฎเนน เจว สโมธาเนน จ, สงฺฆฎฺฎนสมฺปิณฺฑเนนาติ อโตฺถฯ อุสฺมาติ อุณฺหากาโรฯ เตโช อภินิพฺพตฺตตีติ อคฺคิจุโณฺณ นิกฺขมตีติ น คเหตพฺพํ, อุสฺมาการเสฺสว ปน เอตํ เววจนํฯ ตตฺถ ทฺวินฺนํ กฎฺฐานนฺติ ทฺวินฺนํ อรณีนํฯ ตตฺถ อโธอรณี วิย วตฺถุ, อุตฺตรารณี วิย อารมฺมณํ, สงฺฆฎฺฎนํ วิย ผโสฺส, อุสฺมาธาตุ วิย เวทนาฯ ทุติยํฯ
62. Dutiye sukhavedaniyanti sukhavedanāya paccayaṃ. Phassanti cakkhusamphassādiṃ. Nanu ca cakkhusamphasso sukhavedanāya paccayo na hotīti? Sahajātapaccayena na hoti, upanissayapaccayena pana javanavedanāya hoti , taṃ sandhāyetaṃ vuttaṃ. Sotasamphassādīsupi eseva nayo. Tajjanti tajjātikaṃ tassāruppaṃ, tassa phassassa anurūpanti attho. Dukkhavedaniyantiādi vuttanayeneva veditabbaṃ. Saṅghaṭṭanasamodhānāti saṅghaṭṭanena ceva samodhānena ca, saṅghaṭṭanasampiṇḍanenāti attho. Usmāti uṇhākāro. Tejo abhinibbattatīti aggicuṇṇo nikkhamatīti na gahetabbaṃ, usmākārasseva pana etaṃ vevacanaṃ. Tattha dvinnaṃ kaṭṭhānanti dvinnaṃ araṇīnaṃ. Tattha adhoaraṇī viya vatthu, uttarāraṇī viya ārammaṇaṃ, saṅghaṭṭanaṃ viya phasso, usmādhātu viya vedanā. Dutiyaṃ.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๒. ทุติยอสฺสุตวาสุตฺตํ • 2. Dutiyaassutavāsuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā) / ๒. ทุติยอสฺสุตวาสุตฺตวณฺณนา • 2. Dutiyaassutavāsuttavaṇṇanā
