| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੨. ਦੁਤਿਯਅਸ੍ਸੁਤવਾਸੁਤ੍ਤવਣ੍ਣਨਾ
2. Dutiyaassutavāsuttavaṇṇanā
੬੨. ਦੁਤਿਯੇ ਸੁਖવੇਦਨਿਯਨ੍ਤਿ ਸੁਖવੇਦਨਾਯ ਪਚ੍ਚਯਂ। ਫਸ੍ਸਨ੍ਤਿ ਚਕ੍ਖੁਸਮ੍ਫਸ੍ਸਾਦਿਂ। ਨਨੁ ਚ ਚਕ੍ਖੁਸਮ੍ਫਸ੍ਸੋ ਸੁਖવੇਦਨਾਯ ਪਚ੍ਚਯੋ ਨ ਹੋਤੀਤਿ? ਸਹਜਾਤਪਚ੍ਚਯੇਨ ਨ ਹੋਤਿ, ਉਪਨਿਸ੍ਸਯਪਚ੍ਚਯੇਨ ਪਨ ਜવਨવੇਦਨਾਯ ਹੋਤਿ , ਤਂ ਸਨ੍ਧਾਯੇਤਂ વੁਤ੍ਤਂ। ਸੋਤਸਮ੍ਫਸ੍ਸਾਦੀਸੁਪਿ ਏਸੇવ ਨਯੋ। ਤਜ੍ਜਨ੍ਤਿ ਤਜ੍ਜਾਤਿਕਂ ਤਸ੍ਸਾਰੁਪ੍ਪਂ, ਤਸ੍ਸ ਫਸ੍ਸਸ੍ਸ ਅਨੁਰੂਪਨ੍ਤਿ ਅਤ੍ਥੋ। ਦੁਕ੍ਖવੇਦਨਿਯਨ੍ਤਿਆਦਿ વੁਤ੍ਤਨਯੇਨੇવ વੇਦਿਤਬ੍ਬਂ। ਸਙ੍ਘਟ੍ਟਨਸਮੋਧਾਨਾਤਿ ਸਙ੍ਘਟ੍ਟਨੇਨ ਚੇવ ਸਮੋਧਾਨੇਨ ਚ, ਸਙ੍ਘਟ੍ਟਨਸਮ੍ਪਿਣ੍ਡਨੇਨਾਤਿ ਅਤ੍ਥੋ। ਉਸ੍ਮਾਤਿ ਉਣ੍ਹਾਕਾਰੋ। ਤੇਜੋ ਅਭਿਨਿਬ੍ਬਤ੍ਤਤੀਤਿ ਅਗ੍ਗਿਚੁਣ੍ਣੋ ਨਿਕ੍ਖਮਤੀਤਿ ਨ ਗਹੇਤਬ੍ਬਂ, ਉਸ੍ਮਾਕਾਰਸ੍ਸੇવ ਪਨ ਏਤਂ વੇવਚਨਂ। ਤਤ੍ਥ ਦ੍વਿਨ੍ਨਂ ਕਟ੍ਠਾਨਨ੍ਤਿ ਦ੍વਿਨ੍ਨਂ ਅਰਣੀਨਂ। ਤਤ੍ਥ ਅਧੋਅਰਣੀ વਿਯ વਤ੍ਥੁ, ਉਤ੍ਤਰਾਰਣੀ વਿਯ ਆਰਮ੍ਮਣਂ, ਸਙ੍ਘਟ੍ਟਨਂ વਿਯ ਫਸ੍ਸੋ, ਉਸ੍ਮਾਧਾਤੁ વਿਯ વੇਦਨਾ। ਦੁਤਿਯਂ।
62. Dutiye sukhavedaniyanti sukhavedanāya paccayaṃ. Phassanti cakkhusamphassādiṃ. Nanu ca cakkhusamphasso sukhavedanāya paccayo na hotīti? Sahajātapaccayena na hoti, upanissayapaccayena pana javanavedanāya hoti , taṃ sandhāyetaṃ vuttaṃ. Sotasamphassādīsupi eseva nayo. Tajjanti tajjātikaṃ tassāruppaṃ, tassa phassassa anurūpanti attho. Dukkhavedaniyantiādi vuttanayeneva veditabbaṃ. Saṅghaṭṭanasamodhānāti saṅghaṭṭanena ceva samodhānena ca, saṅghaṭṭanasampiṇḍanenāti attho. Usmāti uṇhākāro. Tejo abhinibbattatīti aggicuṇṇo nikkhamatīti na gahetabbaṃ, usmākārasseva pana etaṃ vevacanaṃ. Tattha dvinnaṃ kaṭṭhānanti dvinnaṃ araṇīnaṃ. Tattha adhoaraṇī viya vatthu, uttarāraṇī viya ārammaṇaṃ, saṅghaṭṭanaṃ viya phasso, usmādhātu viya vedanā. Dutiyaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੨. ਦੁਤਿਯਅਸ੍ਸੁਤવਾਸੁਤ੍ਤਂ • 2. Dutiyaassutavāsuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੨. ਦੁਤਿਯਅਸ੍ਸੁਤવਾਸੁਤ੍ਤવਣ੍ਣਨਾ • 2. Dutiyaassutavāsuttavaṇṇanā
