| Library / Tipiṭaka / തിപിടക • Tipiṭaka / സംയുത്തനികായ (അട്ഠകഥാ) • Saṃyuttanikāya (aṭṭhakathā) |
൨. ദുതിയഅസ്സുതവാസുത്തവണ്ണനാ
2. Dutiyaassutavāsuttavaṇṇanā
൬൨. ദുതിയേ സുഖവേദനിയന്തി സുഖവേദനായ പച്ചയം. ഫസ്സന്തി ചക്ഖുസമ്ഫസ്സാദിം. നനു ച ചക്ഖുസമ്ഫസ്സോ സുഖവേദനായ പച്ചയോ ന ഹോതീതി? സഹജാതപച്ചയേന ന ഹോതി, ഉപനിസ്സയപച്ചയേന പന ജവനവേദനായ ഹോതി , തം സന്ധായേതം വുത്തം. സോതസമ്ഫസ്സാദീസുപി ഏസേവ നയോ. തജ്ജന്തി തജ്ജാതികം തസ്സാരുപ്പം, തസ്സ ഫസ്സസ്സ അനുരൂപന്തി അത്ഥോ. ദുക്ഖവേദനിയന്തിആദി വുത്തനയേനേവ വേദിതബ്ബം. സങ്ഘട്ടനസമോധാനാതി സങ്ഘട്ടനേന ചേവ സമോധാനേന ച, സങ്ഘട്ടനസമ്പിണ്ഡനേനാതി അത്ഥോ. ഉസ്മാതി ഉണ്ഹാകാരോ. തേജോ അഭിനിബ്ബത്തതീതി അഗ്ഗിചുണ്ണോ നിക്ഖമതീതി ന ഗഹേതബ്ബം, ഉസ്മാകാരസ്സേവ പന ഏതം വേവചനം. തത്ഥ ദ്വിന്നം കട്ഠാനന്തി ദ്വിന്നം അരണീനം. തത്ഥ അധോഅരണീ വിയ വത്ഥു, ഉത്തരാരണീ വിയ ആരമ്മണം, സങ്ഘട്ടനം വിയ ഫസ്സോ, ഉസ്മാധാതു വിയ വേദനാ. ദുതിയം.
62. Dutiye sukhavedaniyanti sukhavedanāya paccayaṃ. Phassanti cakkhusamphassādiṃ. Nanu ca cakkhusamphasso sukhavedanāya paccayo na hotīti? Sahajātapaccayena na hoti, upanissayapaccayena pana javanavedanāya hoti , taṃ sandhāyetaṃ vuttaṃ. Sotasamphassādīsupi eseva nayo. Tajjanti tajjātikaṃ tassāruppaṃ, tassa phassassa anurūpanti attho. Dukkhavedaniyantiādi vuttanayeneva veditabbaṃ. Saṅghaṭṭanasamodhānāti saṅghaṭṭanena ceva samodhānena ca, saṅghaṭṭanasampiṇḍanenāti attho. Usmāti uṇhākāro. Tejo abhinibbattatīti aggicuṇṇo nikkhamatīti na gahetabbaṃ, usmākārasseva pana etaṃ vevacanaṃ. Tattha dvinnaṃ kaṭṭhānanti dvinnaṃ araṇīnaṃ. Tattha adhoaraṇī viya vatthu, uttarāraṇī viya ārammaṇaṃ, saṅghaṭṭanaṃ viya phasso, usmādhātu viya vedanā. Dutiyaṃ.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / സംയുത്തനികായ • Saṃyuttanikāya / ൨. ദുതിയഅസ്സുതവാസുത്തം • 2. Dutiyaassutavāsuttaṃ
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / സംയുത്തനികായ (ടീകാ) • Saṃyuttanikāya (ṭīkā) / ൨. ദുതിയഅസ്സുതവാസുത്തവണ്ണനാ • 2. Dutiyaassutavāsuttavaṇṇanā
