| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
7. д̣̇уд̇ияааван̣н̣аарахасуд̇д̇ам̣
7. Dutiyaavaṇṇārahasuttaṃ
237. ‘‘бан̃жахи , бхигкавз, д̇хаммзхи саманнааг̇ад̇о ааваасиго бхигку яат̇аабхад̇ам̣ нигкид̇д̇о звам̣ нираяз. гад̇амзхи бан̃жахи? ананувижжа абарияог̇аахзд̇ваа аван̣н̣аарахасса ван̣н̣ам̣ бхаасад̇и; ананувижжа абарияог̇аахзд̇ваа ван̣н̣аарахасса аван̣н̣ам̣ бхаасад̇и; ааваасамажчарий ход̇и ааваасабалиг̇зд̇хий; гуламажчарий ход̇и гулабалиг̇зд̇хий; сад̣̇д̇хаад̣̇зяяам̣ винибаад̇зд̇и. имзхи ко, бхигкавз, бан̃жахи д̇хаммзхи саманнааг̇ад̇о ааваасиго бхигку яат̇аабхад̇ам̣ нигкид̇д̇о звам̣ нираяз.
237. ‘‘Pañcahi , bhikkhave, dhammehi samannāgato āvāsiko bhikkhu yathābhataṃ nikkhitto evaṃ niraye. Katamehi pañcahi? Ananuvicca apariyogāhetvā avaṇṇārahassa vaṇṇaṃ bhāsati; ananuvicca apariyogāhetvā vaṇṇārahassa avaṇṇaṃ bhāsati; āvāsamaccharī hoti āvāsapaligedhī; kulamaccharī hoti kulapaligedhī; saddhādeyyaṃ vinipāteti. Imehi kho, bhikkhave, pañcahi dhammehi samannāgato āvāsiko bhikkhu yathābhataṃ nikkhitto evaṃ niraye.
‘‘бан̃жахи, бхигкавз, д̇хаммзхи саманнааг̇ад̇о ааваасиго бхигку яат̇аабхад̇ам̣ нигкид̇д̇о звам̣ саг̇г̇з. гад̇амзхи бан̃жахи? анувижжа барияог̇аахзд̇ваа аван̣н̣аарахасса аван̣н̣ам̣ бхаасад̇и; анувижжа барияог̇аахзд̇ваа ван̣н̣аарахасса ван̣н̣ам̣ бхаасад̇и; на ааваасамажчарий ход̇и на ааваасабалиг̇зд̇хий; на гуламажчарий ход̇и на гулабалиг̇зд̇хий; сад̣̇д̇хаад̣̇зяяам̣ на винибаад̇зд̇и. имзхи ко, бхигкавз, бан̃жахи д̇хаммзхи саманнааг̇ад̇о ааваасиго бхигку яат̇аабхад̇ам̣ нигкид̇д̇о звам̣ саг̇г̇з’’д̇и. сад̇д̇амам̣.
‘‘Pañcahi, bhikkhave, dhammehi samannāgato āvāsiko bhikkhu yathābhataṃ nikkhitto evaṃ sagge. Katamehi pañcahi? Anuvicca pariyogāhetvā avaṇṇārahassa avaṇṇaṃ bhāsati; anuvicca pariyogāhetvā vaṇṇārahassa vaṇṇaṃ bhāsati; na āvāsamaccharī hoti na āvāsapaligedhī; na kulamaccharī hoti na kulapaligedhī; saddhādeyyaṃ na vinipāteti. Imehi kho, bhikkhave, pañcahi dhammehi samannāgato āvāsiko bhikkhu yathābhataṃ nikkhitto evaṃ sagge’’ti. Sattamaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 7. д̣̇уд̇ияааван̣н̣аарахасуд̇д̇аван̣н̣анаа • 7. Dutiyaavaṇṇārahasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1-10. батамад̣̇ийгхажааригасуд̇д̇аад̣̇иван̣н̣анаа • 1-10. Paṭhamadīghacārikasuttādivaṇṇanā
