| Library / Tipiṭaka / តិបិដក • Tipiṭaka / សំយុត្តនិកាយ (ដីកា) • Saṃyuttanikāya (ṭīkā) |
៧. ទុតិយអវិជ្ជាបហានសុត្តវណ្ណនា
7. Dutiyaavijjāpahānasuttavaṇṇanā
៨០. អនិច្ចាទិវសេន អភិនិវិសនំ អភិនិវេសោ, សោ ឯវ ធម្មសភាវំ អតិក្កមិត្វា បរតោ អាមសនតោ បរាមាសោ, សោ ឯវ គាហោ។ តេន អភិនិវេសបរាមាសគ្គាហេន គណ្ហិតុំ ន យុត្តា អនិច្ចាទិសភាវត្តា។ សង្ខារា ឯវ បវត្តិយា ការណភាវតោ សង្ខារនិមិត្តានិ។ យោ សង្ខារេសុ អបរិញ្ញាតាភិនិវេសេន បស្សិតព្ពោ អត្តាការោ, សោ ន ហោតីតិ អញ្ញោ អនត្តាការោ, តតោ អញ្ញតោ បស្សតិ។ បរិញ្ញាតាភិនិវេសោតិ តីរណបរិញ្ញាយ បរិច្ឆិជ្ជ ញាតមិច្ឆាភិនិវេសោ។ បរិញ្ញាតាភិនិវេសោតិ វា បរិញ្ញាតវិបស្សនាភិនិវេសោ។ វិបស្សនាតិ អរូបសត្តកវសេន វិបស្សនាយ បរិជានិតព្ពា។
80. Aniccādivasena abhinivisanaṃ abhiniveso, so eva dhammasabhāvaṃ atikkamitvā parato āmasanato parāmāso, so eva gāho. Tena abhinivesaparāmāsaggāhena gaṇhituṃ na yuttā aniccādisabhāvattā. Saṅkhārā eva pavattiyā kāraṇabhāvato saṅkhāranimittāni. Yo saṅkhāresu apariññātābhinivesena passitabbo attākāro, so na hotīti añño anattākāro, tato aññato passati. Pariññātābhinivesoti tīraṇapariññāya paricchijja ñātamicchābhiniveso. Pariññātābhinivesoti vā pariññātavipassanābhiniveso. Vipassanāti arūpasattakavasena vipassanāya parijānitabbā.
ទុតិយអវិជ្ជាបហានសុត្តវណ្ណនា និដ្ឋិតា។
Dutiyaavijjāpahānasuttavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / សំយុត្តនិកាយ • Saṃyuttanikāya / ៧. ទុតិយអវិជ្ជាបហានសុត្តំ • 7. Dutiyaavijjāpahānasuttaṃ
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / សំយុត្តនិកាយ (អដ្ឋកថា) • Saṃyuttanikāya (aṭṭhakathā) / ៧. ទុតិយអវិជ្ជាបហានសុត្តវណ្ណនា • 7. Dutiyaavijjāpahānasuttavaṇṇanā
