| Library / Tipiṭaka / തിപിടക • Tipiṭaka / സംയുത്തനികായ (ടീകാ) • Saṃyuttanikāya (ṭīkā) |
൭. ദുതിയഅവിജ്ജാപഹാനസുത്തവണ്ണനാ
7. Dutiyaavijjāpahānasuttavaṇṇanā
൮൦. അനിച്ചാദിവസേന അഭിനിവിസനം അഭിനിവേസോ, സോ ഏവ ധമ്മസഭാവം അതിക്കമിത്വാ പരതോ ആമസനതോ പരാമാസോ, സോ ഏവ ഗാഹോ. തേന അഭിനിവേസപരാമാസഗ്ഗാഹേന ഗണ്ഹിതും ന യുത്താ അനിച്ചാദിസഭാവത്താ. സങ്ഖാരാ ഏവ പവത്തിയാ കാരണഭാവതോ സങ്ഖാരനിമിത്താനി. യോ സങ്ഖാരേസു അപരിഞ്ഞാതാഭിനിവേസേന പസ്സിതബ്ബോ അത്താകാരോ, സോ ന ഹോതീതി അഞ്ഞോ അനത്താകാരോ, തതോ അഞ്ഞതോ പസ്സതി. പരിഞ്ഞാതാഭിനിവേസോതി തീരണപരിഞ്ഞായ പരിച്ഛിജ്ജ ഞാതമിച്ഛാഭിനിവേസോ. പരിഞ്ഞാതാഭിനിവേസോതി വാ പരിഞ്ഞാതവിപസ്സനാഭിനിവേസോ. വിപസ്സനാതി അരൂപസത്തകവസേന വിപസ്സനായ പരിജാനിതബ്ബാ.
80. Aniccādivasena abhinivisanaṃ abhiniveso, so eva dhammasabhāvaṃ atikkamitvā parato āmasanato parāmāso, so eva gāho. Tena abhinivesaparāmāsaggāhena gaṇhituṃ na yuttā aniccādisabhāvattā. Saṅkhārā eva pavattiyā kāraṇabhāvato saṅkhāranimittāni. Yo saṅkhāresu apariññātābhinivesena passitabbo attākāro, so na hotīti añño anattākāro, tato aññato passati. Pariññātābhinivesoti tīraṇapariññāya paricchijja ñātamicchābhiniveso. Pariññātābhinivesoti vā pariññātavipassanābhiniveso. Vipassanāti arūpasattakavasena vipassanāya parijānitabbā.
ദുതിയഅവിജ്ജാപഹാനസുത്തവണ്ണനാ നിട്ഠിതാ.
Dutiyaavijjāpahānasuttavaṇṇanā niṭṭhitā.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / സംയുത്തനികായ • Saṃyuttanikāya / ൭. ദുതിയഅവിജ്ജാപഹാനസുത്തം • 7. Dutiyaavijjāpahānasuttaṃ
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / സംയുത്തനികായ (അട്ഠകഥാ) • Saṃyuttanikāya (aṭṭhakathā) / ൭. ദുതിയഅവിജ്ജാപഹാനസുത്തവണ്ണനാ • 7. Dutiyaavijjāpahānasuttavaṇṇanā
