| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
10. д̣̇уд̇ияаааяусуд̇д̇ам̣
10. Dutiyaāyusuttaṃ
146. звам̣ мз суд̇ам̣ – згам̣ самаяам̣ бхаг̇аваа рааж̇аг̇ахз вихарад̇и взл̣уванз галанд̣̇аганиваабз. д̇ад̇ра ко бхаг̇аваа…бз… зд̇ад̣̇авожа –
146. Evaṃ me sutaṃ – ekaṃ samayaṃ bhagavā rājagahe viharati veḷuvane kalandakanivāpe. Tatra kho bhagavā…pe… etadavoca –
‘‘аббамид̣̇ам̣, бхигкавз, мануссаанам̣ ааяу. г̇аманийяо самбарааяо, гад̇д̇аб̣б̣ам̣ гусалам̣, жарид̇аб̣б̣ам̣ б̣рахмажарияам̣. над̇т̇и ж̇аад̇асса амаран̣ам̣. яо, бхигкавз, жирам̣ ж̇ийвад̇и, со вассасад̇ам̣ аббам̣ ваа бхияяо’’д̇и.
‘‘Appamidaṃ, bhikkhave, manussānaṃ āyu. Gamanīyo samparāyo, kattabbaṃ kusalaṃ, caritabbaṃ brahmacariyaṃ. Natthi jātassa amaraṇaṃ. Yo, bhikkhave, ciraṃ jīvati, so vassasataṃ appaṃ vā bhiyyo’’ti.
ат̇а ко мааро баабимаа язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ г̇аат̇ааяа аж̇жхабхааси –
Atha kho māro pāpimā yena bhagavā tenupasaṅkami; upasaṅkamitvā bhagavantaṃ gāthāya ajjhabhāsi –
‘‘наажжаяанд̇и ахорад̇д̇аа, ж̇ийвид̇ам̣ нуубаруж̇жхад̇и;
‘‘Nāccayanti ahorattā, jīvitaṃ nūparujjhati;
ааяу анубарияааяад̇и, мажжаанам̣ нзмийва рат̇агуб̣б̣ара’’нд̇и.
Āyu anupariyāyati, maccānaṃ nemīva rathakubbara’’nti.
‘‘ажжаяанд̇и ахорад̇д̇аа, ж̇ийвид̇ам̣ убаруж̇жхад̇и;
‘‘Accayanti ahorattā, jīvitaṃ uparujjhati;
ааяу кийяад̇и мажжаанам̣, гуннад̣̇ийнам̣ва од̣̇ага’’нд̇и.
Āyu khīyati maccānaṃ, kunnadīnaṃva odaka’’nti.
ат̇а ко мааро баабимаа ‘‘ж̇аанаад̇и мам̣ бхаг̇аваа, ж̇аанаад̇и мам̣ суг̇ад̇о’’д̇и д̣̇угкий д̣̇уммано д̇ад̇т̇званд̇арад̇хааяийд̇и.
Atha kho māro pāpimā ‘‘jānāti maṃ bhagavā, jānāti maṃ sugato’’ti dukkhī dummano tatthevantaradhāyīti.
батамо ваг̇г̇о.
Paṭhamo vaggo.
д̇ассуд̣̇д̣̇аанам̣ –
Tassuddānaṃ –
д̇абогамман̃жа нааг̇о жа, субхам̣ баасзна д̇з д̣̇увз;
Tapokammañca nāgo ca, subhaṃ pāsena te duve;
саббо субад̇и нанд̣̇анам̣, ааяунаа абарз д̣̇увзд̇и.
Sappo supati nandanaṃ, āyunā apare duveti.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 10. д̣̇уд̇ияаааяусуд̇д̇аван̣н̣анаа • 10. Dutiyaāyusuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 10. д̣̇уд̇ияаааяусуд̇д̇аван̣н̣анаа • 10. Dutiyaāyusuttavaṇṇanā
