| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
10. து³தியபா³ஹிரப²ஸ்ஸனானத்தஸுத்தங்
10. Dutiyabāhiraphassanānattasuttaṃ
94. ஸாவத்தி²யங் விஹரதி…பே॰… ‘‘தா⁴துனானத்தங், பி⁴க்க²வே, படிச்ச உப்பஜ்ஜதி ஸஞ்ஞானானத்தங், ஸஞ்ஞானானத்தங் படிச்ச உப்பஜ்ஜதி ஸங்கப்பனானத்தங் , ப²ஸ்ஸ… வேத³னா… ச²ந்த³… பரிளாஹ… பரியேஸனானானத்தங் படிச்ச உப்பஜ்ஜதி லாப⁴னானத்தங்; நோ லாப⁴னானத்தங் படிச்ச உப்பஜ்ஜதி பரியேஸனானானத்தங், நோ பரியேஸனானானத்தங் படிச்ச உப்பஜ்ஜதி பரிளாஹனானத்தங், நோ பரிளாஹனானத்தங் படிச்ச உப்பஜ்ஜதி…பே॰… ச²ந்த³… வேத³னா… ப²ஸ்ஸ… ஸங்கப்ப… ஸஞ்ஞானானத்தங் , நோ ஸஞ்ஞானானத்தங் படிச்ச உப்பஜ்ஜதி தா⁴துனானத்தங். கதமஞ்ச, பி⁴க்க²வே, தா⁴துனானத்தங்? ரூபதா⁴து…பே॰… த⁴ம்மதா⁴து – இத³ங் வுச்சதி, பி⁴க்க²வே, தா⁴துனானத்தங்’’.
94. Sāvatthiyaṃ viharati…pe… ‘‘dhātunānattaṃ, bhikkhave, paṭicca uppajjati saññānānattaṃ, saññānānattaṃ paṭicca uppajjati saṅkappanānattaṃ , phassa… vedanā… chanda… pariḷāha… pariyesanānānattaṃ paṭicca uppajjati lābhanānattaṃ; no lābhanānattaṃ paṭicca uppajjati pariyesanānānattaṃ, no pariyesanānānattaṃ paṭicca uppajjati pariḷāhanānattaṃ, no pariḷāhanānattaṃ paṭicca uppajjati…pe… chanda… vedanā… phassa… saṅkappa… saññānānattaṃ , no saññānānattaṃ paṭicca uppajjati dhātunānattaṃ. Katamañca, bhikkhave, dhātunānattaṃ? Rūpadhātu…pe… dhammadhātu – idaṃ vuccati, bhikkhave, dhātunānattaṃ’’.
‘‘கத²ஞ்ச, பி⁴க்க²வே, தா⁴துனானத்தங் படிச்ச உப்பஜ்ஜதி ஸஞ்ஞானானத்தங், ஸஞ்ஞானானத்தங் படிச்ச உப்பஜ்ஜதி ஸங்கப்பனானத்தங்? ப²ஸ்ஸ… வேத³னா… ச²ந்த³… பரிளாஹ… பரியேஸனா… லாப⁴… நோ லாப⁴னானத்தங் படிச்ச உப்பஜ்ஜதி பரியேஸனானானத்தங், நோ பரியேஸனானானத்தங் படிச்ச உப்பஜ்ஜதி பரிளாஹ… ச²ந்த³… வேத³னா… ப²ஸ்ஸ… நோ ஸங்கப்பனானத்தங் படிச்ச உப்பஜ்ஜதி ஸஞ்ஞானானத்தங், நோ ஸஞ்ஞானானத்தங் படிச்ச உப்பஜ்ஜதி தா⁴துனானத்தங்?
‘‘Kathañca, bhikkhave, dhātunānattaṃ paṭicca uppajjati saññānānattaṃ, saññānānattaṃ paṭicca uppajjati saṅkappanānattaṃ? Phassa… vedanā… chanda… pariḷāha… pariyesanā… lābha… no lābhanānattaṃ paṭicca uppajjati pariyesanānānattaṃ, no pariyesanānānattaṃ paṭicca uppajjati pariḷāha… chanda… vedanā… phassa… no saṅkappanānattaṃ paṭicca uppajjati saññānānattaṃ, no saññānānattaṃ paṭicca uppajjati dhātunānattaṃ?
‘‘ரூபதா⁴துங், பி⁴க்க²வே, படிச்ச உப்பஜ்ஜதி ரூபஸஞ்ஞா…பே॰… த⁴ம்மதா⁴துங் படிச்ச உப்பஜ்ஜதி த⁴ம்மஸஞ்ஞா, த⁴ம்மஸஞ்ஞங் படிச்ச உப்பஜ்ஜதி…பே॰… த⁴ம்மபரியேஸனா, த⁴ம்மபரியேஸனங் படிச்ச உப்பஜ்ஜதி த⁴ம்மலாபோ⁴; நோ த⁴ம்மலாப⁴ங் படிச்ச உப்பஜ்ஜதி த⁴ம்மபரியேஸனா, நோ த⁴ம்மபரியேஸனங் படிச்ச உப்பஜ்ஜதி த⁴ம்மபரிளாஹோ , நோ த⁴ம்மபரிளாஹங் படிச்ச உப்பஜ்ஜதி த⁴ம்மச்ச²ந்தோ³, நோ த⁴ம்மச்ச²ந்த³ங் படிச்ச உப்பஜ்ஜதி த⁴ம்மஸம்ப²ஸ்ஸஜா வேத³னா, நோ த⁴ம்மஸம்ப²ஸ்ஸஜங் வேத³னங் படிச்ச உப்பஜ்ஜதி த⁴ம்மஸம்ப²ஸ்ஸோ, நோ த⁴ம்மஸம்ப²ஸ்ஸங் படிச்ச உப்பஜ்ஜதி த⁴ம்மஸங்கப்போ, நோ த⁴ம்மஸங்கப்பங் படிச்ச உப்பஜ்ஜதி த⁴ம்மஸஞ்ஞா, நோ த⁴ம்மஸஞ்ஞங் படிச்ச உப்பஜ்ஜதி த⁴ம்மதா⁴து.
‘‘Rūpadhātuṃ, bhikkhave, paṭicca uppajjati rūpasaññā…pe… dhammadhātuṃ paṭicca uppajjati dhammasaññā, dhammasaññaṃ paṭicca uppajjati…pe… dhammapariyesanā, dhammapariyesanaṃ paṭicca uppajjati dhammalābho; no dhammalābhaṃ paṭicca uppajjati dhammapariyesanā, no dhammapariyesanaṃ paṭicca uppajjati dhammapariḷāho , no dhammapariḷāhaṃ paṭicca uppajjati dhammacchando, no dhammacchandaṃ paṭicca uppajjati dhammasamphassajā vedanā, no dhammasamphassajaṃ vedanaṃ paṭicca uppajjati dhammasamphasso, no dhammasamphassaṃ paṭicca uppajjati dhammasaṅkappo, no dhammasaṅkappaṃ paṭicca uppajjati dhammasaññā, no dhammasaññaṃ paṭicca uppajjati dhammadhātu.
‘‘ஏவங் கோ², பி⁴க்க²வே, தா⁴துனானத்தங் படிச்ச உப்பஜ்ஜதி ஸஞ்ஞானானத்தங், ஸஞ்ஞானானத்தங் படிச்ச உப்பஜ்ஜதி…பே॰… ஸங்கப்ப… ப²ஸ்ஸ… வேத³னா… ச²ந்த³… பரிளாஹ… பரியேஸனா… லாப⁴… நோ லாப⁴னானத்தங் படிச்ச உப்பஜ்ஜதி பரியேஸனானானத்தங், நோ பரியேஸனானானத்தங் படிச்ச உப்பஜ்ஜதி பரிளாஹனானத்தங், நோ பரிளாஹனானத்தங் படிச்ச உப்பஜ்ஜதி ச²ந்த³னானத்தங், நோ ச²ந்த³னானத்தங் படிச்ச உப்பஜ்ஜதி வேத³னானானத்தங், நோ வேத³னானானத்தங் படிச்ச உப்பஜ்ஜதி ப²ஸ்ஸனானத்தங், நோ ப²ஸ்ஸனானத்தங் படிச்ச உப்பஜ்ஜதி ஸங்கப்பனானத்தங், நோ ஸங்கப்பனானத்தங் படிச்ச உப்பஜ்ஜதி ஸஞ்ஞானானத்தங், நோ ஸஞ்ஞானானத்தங் படிச்ச உப்பஜ்ஜதி தா⁴துனானத்த’’ந்தி. த³ஸமங்.
‘‘Evaṃ kho, bhikkhave, dhātunānattaṃ paṭicca uppajjati saññānānattaṃ, saññānānattaṃ paṭicca uppajjati…pe… saṅkappa… phassa… vedanā… chanda… pariḷāha… pariyesanā… lābha… no lābhanānattaṃ paṭicca uppajjati pariyesanānānattaṃ, no pariyesanānānattaṃ paṭicca uppajjati pariḷāhanānattaṃ, no pariḷāhanānattaṃ paṭicca uppajjati chandanānattaṃ, no chandanānattaṃ paṭicca uppajjati vedanānānattaṃ, no vedanānānattaṃ paṭicca uppajjati phassanānattaṃ, no phassanānattaṃ paṭicca uppajjati saṅkappanānattaṃ, no saṅkappanānattaṃ paṭicca uppajjati saññānānattaṃ, no saññānānattaṃ paṭicca uppajjati dhātunānatta’’nti. Dasamaṃ.
நானத்தவக்³கோ³ பட²மோ.
Nānattavaggo paṭhamo.
தஸ்ஸுத்³தா³னங் –
Tassuddānaṃ –
தா⁴துப²ஸ்ஸஞ்ச நோ சேதங், வேத³னா அபரே து³வே;
Dhātuphassañca no cetaṃ, vedanā apare duve;
ஏதங் அஜ்ஜ²த்தபஞ்சகங், தா⁴துஸஞ்ஞஞ்ச நோ சேதங்;
Etaṃ ajjhattapañcakaṃ, dhātusaññañca no cetaṃ;
ப²ஸ்ஸஸ்ஸ அபரே து³வே, ஏதங் பா³ஹிரபஞ்சகந்தி.
Phassassa apare duve, etaṃ bāhirapañcakanti.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 9. பா³ஹிரப²ஸ்ஸனானத்தஸுத்தாதி³வண்ணனா • 9. Bāhiraphassanānattasuttādivaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 9. பா³ஹிரப²ஸ்ஸனானத்தஸுத்தாதி³வண்ணனா • 9. Bāhiraphassanānattasuttādivaṇṇanā
