| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
8. д̣̇уд̇ияаб̣аласуд̇д̇аван̣н̣анаа
8. Dutiyabalasuttavaṇṇanā
28. адтамз б̣алаанийд̇и н̃аан̣аб̣алаани. аасаваанам̣ каяам̣ бадиж̇аанаад̇ийд̇и арахад̇д̇ам̣ бадиж̇аанаад̇и. анижжад̇од̇и худ̇ваа абхааваагаарзна. яат̇аабхууд̇анд̇и яат̇аасабхаавад̇о. саммаббан̃н̃ааяаад̇и сахавибассанааяа маг̇г̇абан̃н̃ааяа. ан̇г̇аарагаасуубамаад̇и санд̇аабанадтзна ан̇г̇аарагаасуяаа убамид̇аа имз гаамаад̇и. вивзганиннанд̇и паласамаабад̇д̇ивасзна ниб̣б̣аананиннам̣. вивзгадтанд̇и гилзсзхи важ̇ж̇ид̇ам̣ д̣̇уурийбхууд̇ам̣ ваа. нзгкаммаабхирад̇анд̇и баб̣б̣аж̇ж̇аабхирад̇ам̣. б̣яанд̇ибхууд̇анд̇и виг̇ад̇анд̇абхууд̇ам̣ згад̣̇зсзнааби аналлийнам̣ висам̣яуд̇д̇ам̣ висам̣садтам̣. аасавадтааниязхийд̇и самбаяог̇авасзна аасаваанам̣ гааран̣абхууд̇зхи, гилзсад̇хаммзхийд̇и ад̇т̇о. ат̇а ваа б̣яанд̇ибхууд̇анд̇и виг̇ад̇авааяанд̇и ад̇т̇о. гуд̇о? саб̣б̣асо аасавадтааниязхи д̇хаммзхи, саб̣б̣зхи д̇збхуумагад̇хаммзхийд̇и ад̇т̇о. имасмим̣ суд̇д̇з арияамаг̇г̇о логияалогуд̇д̇аро гат̇ид̇о.
28. Aṭṭhame balānīti ñāṇabalāni. Āsavānaṃ khayaṃ paṭijānātīti arahattaṃ paṭijānāti. Aniccatoti hutvā abhāvākārena. Yathābhūtanti yathāsabhāvato. Sammappaññāyāti sahavipassanāya maggapaññāya. Aṅgārakāsūpamāti santāpanaṭṭhena aṅgārakāsuyā upamitā ime kāmāti. Vivekaninnanti phalasamāpattivasena nibbānaninnaṃ. Vivekaṭṭhanti kilesehi vajjitaṃ dūrībhūtaṃ vā. Nekkhammābhiratanti pabbajjābhirataṃ. Byantibhūtanti vigatantabhūtaṃ ekadesenāpi anallīnaṃ visaṃyuttaṃ visaṃsaṭṭhaṃ. Āsavaṭṭhāniyehīti sampayogavasena āsavānaṃ kāraṇabhūtehi, kilesadhammehīti attho. Atha vā byantibhūtanti vigatavāyanti attho. Kuto? Sabbaso āsavaṭṭhāniyehi dhammehi, sabbehi tebhūmakadhammehīti attho. Imasmiṃ sutte ariyamaggo lokiyalokuttaro kathito.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 8. д̣̇уд̇ияаб̣аласуд̇д̇ам̣ • 8. Dutiyabalasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 8. д̣̇уд̇ияаб̣аласуд̇д̇аван̣н̣анаа • 8. Dutiyabalasuttavaṇṇanā
