| Library / Tipiṭaka / ติปิฎก • Tipiṭaka / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) |
๘. ทุติยพลสุตฺตวณฺณนา
8. Dutiyabalasuttavaṇṇanā
๒๘. อฎฺฐเม พลานีติ ญาณพลานิฯ อาสวานํ ขยํ ปฎิชานาตีติ อรหตฺตํ ปฎิชานาติฯ อนิจฺจโตติ หุตฺวา อภาวากาเรนฯ ยถาภูตนฺติ ยถาสภาวโตฯ สมฺมปฺปญฺญายาติ สหวิปสฺสนาย มคฺคปญฺญายฯ องฺคารกาสูปมาติ สนฺตาปนเฎฺฐน องฺคารกาสุยา อุปมิตา อิเม กามาติฯ วิเวกนินฺนนฺติ ผลสมาปตฺติวเสน นิพฺพานนินฺนํฯ วิเวกฎฺฐนฺติ กิเลเสหิ วชฺชิตํ ทูรีภูตํ วาฯ เนกฺขมฺมาภิรตนฺติ ปพฺพชฺชาภิรตํฯ พฺยนฺติภูตนฺติ วิคตนฺตภูตํ เอกเทเสนาปิ อนลฺลีนํ วิสํยุตฺตํ วิสํสฎฺฐํฯ อาสวฎฺฐานิเยหีติ สมฺปโยควเสน อาสวานํ การณภูเตหิ, กิเลสธเมฺมหีติ อโตฺถฯ อถ วา พฺยนฺติภูตนฺติ วิคตวายนฺติ อโตฺถฯ กุโต? สพฺพโส อาสวฎฺฐานิเยหิ ธเมฺมหิ, สเพฺพหิ เตภูมกธเมฺมหีติ อโตฺถฯ อิมสฺมิํ สุเตฺต อริยมโคฺค โลกิยโลกุตฺตโร กถิโตฯ
28. Aṭṭhame balānīti ñāṇabalāni. Āsavānaṃ khayaṃ paṭijānātīti arahattaṃ paṭijānāti. Aniccatoti hutvā abhāvākārena. Yathābhūtanti yathāsabhāvato. Sammappaññāyāti sahavipassanāya maggapaññāya. Aṅgārakāsūpamāti santāpanaṭṭhena aṅgārakāsuyā upamitā ime kāmāti. Vivekaninnanti phalasamāpattivasena nibbānaninnaṃ. Vivekaṭṭhanti kilesehi vajjitaṃ dūrībhūtaṃ vā. Nekkhammābhiratanti pabbajjābhirataṃ. Byantibhūtanti vigatantabhūtaṃ ekadesenāpi anallīnaṃ visaṃyuttaṃ visaṃsaṭṭhaṃ. Āsavaṭṭhāniyehīti sampayogavasena āsavānaṃ kāraṇabhūtehi, kilesadhammehīti attho. Atha vā byantibhūtanti vigatavāyanti attho. Kuto? Sabbaso āsavaṭṭhāniyehi dhammehi, sabbehi tebhūmakadhammehīti attho. Imasmiṃ sutte ariyamaggo lokiyalokuttaro kathito.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / องฺคุตฺตรนิกาย • Aṅguttaranikāya / ๘. ทุติยพลสุตฺตํ • 8. Dutiyabalasuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๘. ทุติยพลสุตฺตวณฺณนา • 8. Dutiyabalasuttavaṇṇanā
