| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) |
༨. དུཏིཡབལསུཏྟཝཎྞནཱ
8. Dutiyabalasuttavaṇṇanā
༢༨. ཨཊྛམེ བལཱནཱིཏི ཉཱཎབལཱནི། ཨཱསཝཱནཾ ཁཡཾ པཊིཛཱནཱཏཱིཏི ཨརཧཏྟཾ པཊིཛཱནཱཏི། ཨནིཙྩཏོཏི ཧུཏྭཱ ཨབྷཱཝཱཀཱརེན། ཡཐཱབྷཱུཏནྟི ཡཐཱསབྷཱཝཏོ། སམྨཔྤཉྙཱཡཱཏི སཧཝིཔསྶནཱཡ མགྒཔཉྙཱཡ། ཨངྒཱརཀཱསཱུཔམཱཏི སནྟཱཔནཊྛེན ཨངྒཱརཀཱསུཡཱ ཨུཔམིཏཱ ཨིམེ ཀཱམཱཏི། ཝིཝེཀནིནྣནྟི ཕལསམཱཔཏྟིཝསེན ནིབྦཱནནིནྣཾ། ཝིཝེཀཊྛནྟི ཀིལེསེཧི ཝཛྫིཏཾ དཱུརཱིབྷཱུཏཾ ཝཱ། ནེཀྑམྨཱབྷིརཏནྟི པབྦཛྫཱབྷིརཏཾ། བྱནྟིབྷཱུཏནྟི ཝིགཏནྟབྷཱུཏཾ ཨེཀདེསེནཱཔི ཨནལླཱིནཾ ཝིསཾཡུཏྟཾ ཝིསཾསཊྛཾ། ཨཱསཝཊྛཱནིཡེཧཱིཏི སམྤཡོགཝསེན ཨཱསཝཱནཾ ཀཱརཎབྷཱུཏེཧི, ཀིལེསདྷམྨེཧཱིཏི ཨཏྠོ། ཨཐ ཝཱ བྱནྟིབྷཱུཏནྟི ཝིགཏཝཱཡནྟི ཨཏྠོ། ཀུཏོ? སབྦསོ ཨཱསཝཊྛཱནིཡེཧི དྷམྨེཧི, སབྦེཧི ཏེབྷཱུམཀདྷམྨེཧཱིཏི ཨཏྠོ། ཨིམསྨིཾ སུཏྟེ ཨརིཡམགྒོ ལོཀིཡལོཀུཏྟརོ ཀཐིཏོ།
28. Aṭṭhame balānīti ñāṇabalāni. Āsavānaṃ khayaṃ paṭijānātīti arahattaṃ paṭijānāti. Aniccatoti hutvā abhāvākārena. Yathābhūtanti yathāsabhāvato. Sammappaññāyāti sahavipassanāya maggapaññāya. Aṅgārakāsūpamāti santāpanaṭṭhena aṅgārakāsuyā upamitā ime kāmāti. Vivekaninnanti phalasamāpattivasena nibbānaninnaṃ. Vivekaṭṭhanti kilesehi vajjitaṃ dūrībhūtaṃ vā. Nekkhammābhiratanti pabbajjābhirataṃ. Byantibhūtanti vigatantabhūtaṃ ekadesenāpi anallīnaṃ visaṃyuttaṃ visaṃsaṭṭhaṃ. Āsavaṭṭhāniyehīti sampayogavasena āsavānaṃ kāraṇabhūtehi, kilesadhammehīti attho. Atha vā byantibhūtanti vigatavāyanti attho. Kuto? Sabbaso āsavaṭṭhāniyehi dhammehi, sabbehi tebhūmakadhammehīti attho. Imasmiṃ sutte ariyamaggo lokiyalokuttaro kathito.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཨངྒུཏྟརནིཀཱཡ • Aṅguttaranikāya / ༨. དུཏིཡབལསུཏྟཾ • 8. Dutiyabalasuttaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༨. དུཏིཡབལསུཏྟཝཎྞནཱ • 8. Dutiyabalasuttavaṇṇanā
