| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੮. ਦੁਤਿਯਬਲਸੁਤ੍ਤવਣ੍ਣਨਾ
8. Dutiyabalasuttavaṇṇanā
੨੮. ਅਟ੍ਠਮੇ ਬਲਾਨੀਤਿ ਞਾਣਬਲਾਨਿ। ਆਸવਾਨਂ ਖਯਂ ਪਟਿਜਾਨਾਤੀਤਿ ਅਰਹਤ੍ਤਂ ਪਟਿਜਾਨਾਤਿ। ਅਨਿਚ੍ਚਤੋਤਿ ਹੁਤ੍વਾ ਅਭਾવਾਕਾਰੇਨ। ਯਥਾਭੂਤਨ੍ਤਿ ਯਥਾਸਭਾવਤੋ। ਸਮ੍ਮਪ੍ਪਞ੍ਞਾਯਾਤਿ ਸਹવਿਪਸ੍ਸਨਾਯ ਮਗ੍ਗਪਞ੍ਞਾਯ। ਅਙ੍ਗਾਰਕਾਸੂਪਮਾਤਿ ਸਨ੍ਤਾਪਨਟ੍ਠੇਨ ਅਙ੍ਗਾਰਕਾਸੁਯਾ ਉਪਮਿਤਾ ਇਮੇ ਕਾਮਾਤਿ। વਿવੇਕਨਿਨ੍ਨਨ੍ਤਿ ਫਲਸਮਾਪਤ੍ਤਿવਸੇਨ ਨਿਬ੍ਬਾਨਨਿਨ੍ਨਂ। વਿવੇਕਟ੍ਠਨ੍ਤਿ ਕਿਲੇਸੇਹਿ વਜ੍ਜਿਤਂ ਦੂਰੀਭੂਤਂ વਾ। ਨੇਕ੍ਖਮ੍ਮਾਭਿਰਤਨ੍ਤਿ ਪਬ੍ਬਜ੍ਜਾਭਿਰਤਂ। ਬ੍ਯਨ੍ਤਿਭੂਤਨ੍ਤਿ વਿਗਤਨ੍ਤਭੂਤਂ ਏਕਦੇਸੇਨਾਪਿ ਅਨਲ੍ਲੀਨਂ વਿਸਂਯੁਤ੍ਤਂ વਿਸਂਸਟ੍ਠਂ। ਆਸવਟ੍ਠਾਨਿਯੇਹੀਤਿ ਸਮ੍ਪਯੋਗવਸੇਨ ਆਸવਾਨਂ ਕਾਰਣਭੂਤੇਹਿ, ਕਿਲੇਸਧਮ੍ਮੇਹੀਤਿ ਅਤ੍ਥੋ। ਅਥ વਾ ਬ੍ਯਨ੍ਤਿਭੂਤਨ੍ਤਿ વਿਗਤવਾਯਨ੍ਤਿ ਅਤ੍ਥੋ। ਕੁਤੋ? ਸਬ੍ਬਸੋ ਆਸવਟ੍ਠਾਨਿਯੇਹਿ ਧਮ੍ਮੇਹਿ, ਸਬ੍ਬੇਹਿ ਤੇਭੂਮਕਧਮ੍ਮੇਹੀਤਿ ਅਤ੍ਥੋ। ਇਮਸ੍ਮਿਂ ਸੁਤ੍ਤੇ ਅਰਿਯਮਗ੍ਗੋ ਲੋਕਿਯਲੋਕੁਤ੍ਤਰੋ ਕਥਿਤੋ।
28. Aṭṭhame balānīti ñāṇabalāni. Āsavānaṃ khayaṃ paṭijānātīti arahattaṃ paṭijānāti. Aniccatoti hutvā abhāvākārena. Yathābhūtanti yathāsabhāvato. Sammappaññāyāti sahavipassanāya maggapaññāya. Aṅgārakāsūpamāti santāpanaṭṭhena aṅgārakāsuyā upamitā ime kāmāti. Vivekaninnanti phalasamāpattivasena nibbānaninnaṃ. Vivekaṭṭhanti kilesehi vajjitaṃ dūrībhūtaṃ vā. Nekkhammābhiratanti pabbajjābhirataṃ. Byantibhūtanti vigatantabhūtaṃ ekadesenāpi anallīnaṃ visaṃyuttaṃ visaṃsaṭṭhaṃ. Āsavaṭṭhāniyehīti sampayogavasena āsavānaṃ kāraṇabhūtehi, kilesadhammehīti attho. Atha vā byantibhūtanti vigatavāyanti attho. Kuto? Sabbaso āsavaṭṭhāniyehi dhammehi, sabbehi tebhūmakadhammehīti attho. Imasmiṃ sutte ariyamaggo lokiyalokuttaro kathito.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੮. ਦੁਤਿਯਬਲਸੁਤ੍ਤਂ • 8. Dutiyabalasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੮. ਦੁਤਿਯਬਲਸੁਤ੍ਤવਣ੍ਣਨਾ • 8. Dutiyabalasuttavaṇṇanā
