| Library / Tipiṭaka / ติปิฎก • Tipiṭaka / องฺคุตฺตรนิกาย • Aṅguttaranikāya |
๘. ทุติยพนฺธนสุตฺตํ
8. Dutiyabandhanasuttaṃ
๑๘. ‘‘อฎฺฐหิ, ภิกฺขเว, อากาเรหิ ปุริโส อิตฺถิํ พนฺธติฯ กตเมหิ อฎฺฐหิ? รุเณฺณน, ภิกฺขเว, ปุริโส อิตฺถิํ พนฺธติ; หสิเตน, ภิกฺขเว, ปุริโส อิตฺถิํ พนฺธติ; ภณิเตน, ภิกฺขเว, ปุริโส อิตฺถิํ พนฺธติ; อากเปฺปน, ภิกฺขเว, ปุริโส อิตฺถิํ พนฺธติ; วนภเงฺคน, ภิกฺขเว, ปุริโส อิตฺถิํ พนฺธติ; คเนฺธน, ภิกฺขเว, ปุริโส อิตฺถิํ พนฺธติ; รเสน, ภิกฺขเว , ปุริโส อิตฺถิํ พนฺธติ; ผเสฺสน, ภิกฺขเว, ปุริโส อิตฺถิํ พนฺธติฯ อิเมหิ โข, ภิกฺขเว, อฎฺฐหากาเรหิ ปุริโส อิตฺถิํ พนฺธติฯ เต, ภิกฺขเว, สตฺตา สุพทฺธา, เย ผเสฺสน พทฺธา’’ติฯ อฎฺฐมํฯ
18. ‘‘Aṭṭhahi, bhikkhave, ākārehi puriso itthiṃ bandhati. Katamehi aṭṭhahi? Ruṇṇena, bhikkhave, puriso itthiṃ bandhati; hasitena, bhikkhave, puriso itthiṃ bandhati; bhaṇitena, bhikkhave, puriso itthiṃ bandhati; ākappena, bhikkhave, puriso itthiṃ bandhati; vanabhaṅgena, bhikkhave, puriso itthiṃ bandhati; gandhena, bhikkhave, puriso itthiṃ bandhati; rasena, bhikkhave , puriso itthiṃ bandhati; phassena, bhikkhave, puriso itthiṃ bandhati. Imehi kho, bhikkhave, aṭṭhahākārehi puriso itthiṃ bandhati. Te, bhikkhave, sattā subaddhā, ye phassena baddhā’’ti. Aṭṭhamaṃ.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) / ๗-๘. พนฺธนสุตฺตทฺวยวณฺณนา • 7-8. Bandhanasuttadvayavaṇṇanā
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๕-๘. มลสุตฺตาทิวณฺณนา • 5-8. Malasuttādivaṇṇanā
