| Library / Tipiṭaka / តិបិដក • Tipiṭaka / អង្គុត្តរនិកាយ • Aṅguttaranikāya |
៨. ទុតិយពន្ធនសុត្តំ
8. Dutiyabandhanasuttaṃ
១៨. ‘‘អដ្ឋហិ, ភិក្ខវេ, អាការេហិ បុរិសោ ឥត្ថិំ ពន្ធតិ។ កតមេហិ អដ្ឋហិ? រុណ្ណេន, ភិក្ខវេ, បុរិសោ ឥត្ថិំ ពន្ធតិ; ហសិតេន, ភិក្ខវេ, បុរិសោ ឥត្ថិំ ពន្ធតិ; ភណិតេន, ភិក្ខវេ, បុរិសោ ឥត្ថិំ ពន្ធតិ; អាកប្បេន, ភិក្ខវេ, បុរិសោ ឥត្ថិំ ពន្ធតិ; វនភង្គេន, ភិក្ខវេ, បុរិសោ ឥត្ថិំ ពន្ធតិ; គន្ធេន, ភិក្ខវេ, បុរិសោ ឥត្ថិំ ពន្ធតិ; រសេន, ភិក្ខវេ , បុរិសោ ឥត្ថិំ ពន្ធតិ; ផស្សេន, ភិក្ខវេ, បុរិសោ ឥត្ថិំ ពន្ធតិ។ ឥមេហិ ខោ, ភិក្ខវេ, អដ្ឋហាការេហិ បុរិសោ ឥត្ថិំ ពន្ធតិ។ តេ, ភិក្ខវេ, សត្តា សុពទ្ធា, យេ ផស្សេន ពទ្ធា’’តិ។ អដ្ឋមំ។
18. ‘‘Aṭṭhahi, bhikkhave, ākārehi puriso itthiṃ bandhati. Katamehi aṭṭhahi? Ruṇṇena, bhikkhave, puriso itthiṃ bandhati; hasitena, bhikkhave, puriso itthiṃ bandhati; bhaṇitena, bhikkhave, puriso itthiṃ bandhati; ākappena, bhikkhave, puriso itthiṃ bandhati; vanabhaṅgena, bhikkhave, puriso itthiṃ bandhati; gandhena, bhikkhave, puriso itthiṃ bandhati; rasena, bhikkhave , puriso itthiṃ bandhati; phassena, bhikkhave, puriso itthiṃ bandhati. Imehi kho, bhikkhave, aṭṭhahākārehi puriso itthiṃ bandhati. Te, bhikkhave, sattā subaddhā, ye phassena baddhā’’ti. Aṭṭhamaṃ.
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / អង្គុត្តរនិកាយ (អដ្ឋកថា) • Aṅguttaranikāya (aṭṭhakathā) / ៧-៨. ពន្ធនសុត្តទ្វយវណ្ណនា • 7-8. Bandhanasuttadvayavaṇṇanā
ដីកា • Tīkā / សុត្តបិដក (ដីកា) • Suttapiṭaka (ṭīkā) / អង្គុត្តរនិកាយ (ដីកា) • Aṅguttaranikāya (ṭīkā) / ៥-៨. មលសុត្តាទិវណ្ណនា • 5-8. Malasuttādivaṇṇanā
