| Library / Tipiṭaka / д̇ибидага • Tipiṭaka / жуул̣аваг̇г̇абаал̣и • Cūḷavaggapāḷi |
2. д̣̇уд̇ияабхаан̣авааро
2. Dutiyabhāṇavāro
453. ассосум̣ ко взсаалигаа важ̇ж̇ибуд̇д̇агаа бхигкуу – ‘‘яасо гира гааган̣д̣агабуд̇д̇о ид̣̇ам̣ ад̇хигаран̣ам̣ аад̣̇ияид̇угаамо багкам̣ бариязсад̇и, лабхад̇и жа гира багка’’нд̇и. ат̇а ко взсаалигаанам̣ важ̇ж̇ибуд̇д̇агаанам̣ бхигкуунам̣ зд̇ад̣̇ахоси – ‘‘ид̣̇ам̣ ко ад̇хигаран̣ам̣ гагкал̣ан̃жа ваал̣ан̃жа. гам̣ ну ко маяам̣ багкам̣ лабхзяяаама, язна маяам̣ имасмим̣ ад̇хигаран̣з б̣алаванд̇ад̇араа ассаамаа’’д̇и.
453. Assosuṃ kho vesālikā vajjiputtakā bhikkhū – ‘‘yaso kira kākaṇḍakaputto idaṃ adhikaraṇaṃ ādiyitukāmo pakkhaṃ pariyesati, labhati ca kira pakkha’’nti. Atha kho vesālikānaṃ vajjiputtakānaṃ bhikkhūnaṃ etadahosi – ‘‘idaṃ kho adhikaraṇaṃ kakkhaḷañca vāḷañca. Kaṃ nu kho mayaṃ pakkhaṃ labheyyāma, yena mayaṃ imasmiṃ adhikaraṇe balavantatarā assāmā’’ti.
ат̇а ко взсаалигаанам̣ важ̇ж̇ибуд̇д̇агаанам̣ бхигкуунам̣ зд̇ад̣̇ахоси – ‘‘аяам̣ ко ааяасмаа рзвад̇о б̣ахуссуд̇о ааг̇ад̇ааг̇амо д̇хаммад̇харо винаяад̇харо маад̇игаад̇харо бан̣д̣ид̇о вияад̇д̇о мзд̇хаавий лаж̇ж̇ий гуггужжаго сигкаагаамо. сажз маяам̣ ааяасманд̇ам̣ рзвад̇ам̣ багкам̣ лабхзяяаама, звам̣ маяам̣ имасмим̣ ад̇хигаран̣з б̣алаванд̇ад̇араа ассаамаа’’д̇и.
Atha kho vesālikānaṃ vajjiputtakānaṃ bhikkhūnaṃ etadahosi – ‘‘ayaṃ kho āyasmā revato bahussuto āgatāgamo dhammadharo vinayadharo mātikādharo paṇḍito viyatto medhāvī lajjī kukkuccako sikkhākāmo. Sace mayaṃ āyasmantaṃ revataṃ pakkhaṃ labheyyāma, evaṃ mayaṃ imasmiṃ adhikaraṇe balavantatarā assāmā’’ti.
ат̇а ко взсаалигаа важ̇ж̇ибуд̇д̇агаа бхигкуу бахууд̇ам̣ сааман̣агам̣ баригкаарам̣ бадияаад̣̇зсум̣ – бад̇д̇амби, жийварамби, нисийд̣̇анамби, суужигхарамби, гааяаб̣анд̇ханамби, бариссааванамби, д̇хаммагаран̣амби. ат̇а ко взсаалигаа важ̇ж̇ибуд̇д̇агаа бхигкуу д̇ам̣ сааман̣агам̣ баригкаарам̣ аад̣̇ааяа наавааяа сахаж̇аад̇им̣ уж̇ж̇авим̣су; наавааяа бажжорохид̇ваа ан̃н̃ад̇арасмим̣ ругкамуулз бхад̇д̇ависсаг̇г̇ам̣ гаронд̇и. ат̇а ко ааяасмад̇о саал̣хасса рахог̇ад̇асса бадисаллийнасса звам̣ жзд̇асо баривид̇агго уд̣̇абаад̣̇и – ‘‘гз ну ко д̇хаммаваад̣̇ино – баажийнагаа ваа бхигкуу, баавзяяагаа ваа’’д̇и? ат̇а ко ааяасмад̇о саал̣хасса, д̇хамман̃жа винаяан̃жа жзд̇асаа бажжавзгканд̇асса, зд̇ад̣̇ахоси – ‘‘ад̇хаммаваад̣̇ино баажийнагаа бхигкуу, д̇хаммаваад̣̇ино баавзяяагаа 1 бхигкуу’’д̇и.
Atha kho vesālikā vajjiputtakā bhikkhū pahūtaṃ sāmaṇakaṃ parikkhāraṃ paṭiyādesuṃ – pattampi, cīvarampi, nisīdanampi, sūcigharampi, kāyabandhanampi, parissāvanampi, dhammakaraṇampi. Atha kho vesālikā vajjiputtakā bhikkhū taṃ sāmaṇakaṃ parikkhāraṃ ādāya nāvāya sahajātiṃ ujjaviṃsu; nāvāya paccorohitvā aññatarasmiṃ rukkhamūle bhattavissaggaṃ karonti. Atha kho āyasmato sāḷhassa rahogatassa paṭisallīnassa evaṃ cetaso parivitakko udapādi – ‘‘ke nu kho dhammavādino – pācīnakā vā bhikkhū, pāveyyakā vā’’ti? Atha kho āyasmato sāḷhassa, dhammañca vinayañca cetasā paccavekkhantassa, etadahosi – ‘‘adhammavādino pācīnakā bhikkhū, dhammavādino pāveyyakā 2 bhikkhū’’ti.
ат̇а ко ан̃н̃ад̇араа суд̣̇д̇хааваасагааяигаа д̣̇звад̇аа ааяасмад̇о саал̣хасса жзд̇асаа жзд̇обаривид̇аггаман̃н̃ааяа – сзяяат̇ааби наама б̣алаваа бурисо самин̃ж̇ид̇ам̣ ваа б̣аахам̣ басаарзяяа, басаарид̇ам̣ ваа б̣аахам̣ саммин̃ж̇зяяа, звамзва суд̣̇д̇хааваасзсу д̣̇звзсу анд̇арахид̇аа – ааяасмад̇о саал̣хасса саммукз баад̇урахоси. ат̇а ко саа д̣̇звад̇аа ааяасманд̇ам̣ саал̣хам̣ зд̇ад̣̇авожа – ‘‘саад̇ху, бханд̇з саал̣ха, ад̇хаммаваад̣̇ий баажийнагаа бхигкуу, д̇хаммаваад̣̇ий баавзяяагаа бхигкуу. д̇зна хи, бханд̇з саал̣ха, яат̇аад̇хаммо д̇ат̇аа д̇идтаахий’’д̇и. ‘‘буб̣б̣зби жаахам̣, д̣̇звад̇з, зд̇арахи жа яат̇аад̇хаммо д̇ат̇аа тид̇о ; аби жаахам̣ на д̇аава д̣̇идтим̣ аави гароми, аббзва наама мам̣ имасмим̣ ад̇хигаран̣з самманнзяяаа’’д̇и.
Atha kho aññatarā suddhāvāsakāyikā devatā āyasmato sāḷhassa cetasā cetoparivitakkamaññāya – seyyathāpi nāma balavā puriso samiñjitaṃ vā bāhaṃ pasāreyya, pasāritaṃ vā bāhaṃ sammiñjeyya, evameva suddhāvāsesu devesu antarahitā – āyasmato sāḷhassa sammukhe pāturahosi. Atha kho sā devatā āyasmantaṃ sāḷhaṃ etadavoca – ‘‘sādhu, bhante sāḷha, adhammavādī pācīnakā bhikkhū, dhammavādī pāveyyakā bhikkhū. Tena hi, bhante sāḷha, yathādhammo tathā tiṭṭhāhī’’ti. ‘‘Pubbepi cāhaṃ, devate, etarahi ca yathādhammo tathā ṭhito ; api cāhaṃ na tāva diṭṭhiṃ āvi karomi, appeva nāma maṃ imasmiṃ adhikaraṇe sammanneyyā’’ti.
454. ат̇а ко взсаалигаа важ̇ж̇ибуд̇д̇агаа бхигкуу д̇ам̣ сааман̣агам̣ баригкаарам̣ аад̣̇ааяа язнааяасмаа рзвад̇о д̇знубасан̇гамим̣су, убасан̇гамид̇ваа ааяасманд̇ам̣ рзвад̇ам̣ зд̇ад̣̇авожум̣ – ‘‘бадиг̇г̇ан̣хаад̇у, бханд̇з, т̇зро сааман̣агам̣ баригкаарам̣ – бад̇д̇амби, жийварамби, нисийд̣̇анамби, суужигхарамби, гааяаб̣анд̇ханамби, бариссааванамби, д̇хаммагаран̣амбий’’д̇и. ‘‘алам̣, аавусо, барибун̣н̣ам̣ мз бад̇д̇ажийвара’’нд̇и на ижчи бадиг̇г̇ахзд̇ум̣.
454. Atha kho vesālikā vajjiputtakā bhikkhū taṃ sāmaṇakaṃ parikkhāraṃ ādāya yenāyasmā revato tenupasaṅkamiṃsu, upasaṅkamitvā āyasmantaṃ revataṃ etadavocuṃ – ‘‘paṭiggaṇhātu, bhante, thero sāmaṇakaṃ parikkhāraṃ – pattampi, cīvarampi, nisīdanampi, sūcigharampi, kāyabandhanampi, parissāvanampi, dhammakaraṇampī’’ti. ‘‘Alaṃ, āvuso, paripuṇṇaṃ me pattacīvara’’nti na icchi paṭiggahetuṃ.
д̇зна ко бана самаязна уд̇д̇аро наама бхигку вийсад̇ивассо ааяасмад̇о рзвад̇асса убадтааго ход̇и. ат̇а ко взсаалигаа важ̇ж̇ибуд̇д̇агаа бхигкуу язнааяасмаа уд̇д̇аро д̇знубасан̇гамим̣су, убасан̇гамид̇ваа ааяасманд̇ам̣ уд̇д̇арам̣ зд̇ад̣̇авожум̣ – ‘‘бадиг̇г̇ан̣хаад̇у ааяасмаа уд̇д̇аро сааман̣агам̣ баригкаарам̣ – бад̇д̇амби, жийварамби, нисийд̣̇анамби, суужигхарамби, гааяаб̣анд̇ханамби, бариссааванамби, д̇хаммагаран̣амбий’’д̇и. ‘‘алам̣, аавусо, барибун̣н̣ам̣ мз бад̇д̇ажийвара’’нд̇и на ижчи бадиг̇г̇ахзд̇ум̣. ‘‘мануссаа ко, аавусо уд̇д̇ара, бхаг̇авад̇о сааман̣агам̣ баригкаарам̣ убанаамзнд̇и. сажз бхаг̇аваа бадиг̇г̇ан̣хаад̇и, д̇знзва д̇з ад̇д̇аманаа хонд̇и. но жз бхаг̇аваа бадиг̇г̇ан̣хаад̇и, ааяасмад̇о 3 аананд̣̇асса убанаамзнд̇и – бадиг̇г̇ан̣хаад̇у, бханд̇з, т̇зро сааман̣агам̣ баригкаарам̣. яат̇аа бхаг̇авад̇аа бадиг̇г̇ахид̇о, звамзва со бхависсад̇ийд̇и. бадиг̇г̇ан̣хаад̇у ааяасмаа уд̇д̇аро сааман̣агам̣ баригкаарам̣. яат̇аа т̇зрзна бадиг̇г̇ахид̇о, звамзва со бхависсад̇ий’’д̇и. ат̇а ко ааяасмаа уд̇д̇аро взсаалигзхи важ̇ж̇ибуд̇д̇зхи бхигкуухи ниббийл̣ияамаано згам̣ жийварам̣ аг̇г̇ахзси. ‘‘вад̣̇зяяаат̇а, аавусо, язна ад̇т̇о’’д̇и. ‘‘зд̇д̇агам̣ ааяасмаа уд̇д̇аро т̇зрам̣ вад̣̇зд̇у; зд̇д̇аган̃жа, бханд̇з, т̇зро сан̇гхамаж̇жхз вад̣̇зд̇у – ‘бурад̇т̇имзсу ж̇анабад̣̇зсу б̣уд̣̇д̇хаа бхаг̇аванд̇о уббаж̇ж̇анд̇и. д̇хаммаваад̣̇ий баажийнагаа бхигкуу, ад̇хаммаваад̣̇ий баавзяяагаа бхигкуу’’’д̇и. ‘‘звамаавусо’’д̇и ко ааяасмаа уд̇д̇аро взсаалигаанам̣ важ̇ж̇ибуд̇д̇агаанам̣ бхигкуунам̣ бадиссуд̇ваа язнааяасмаа рзвад̇о д̇знубасан̇гами, убасан̇гамид̇ваа ааяасманд̇ам̣ рзвад̇ам̣ зд̇ад̣̇авожа – ‘‘зд̇д̇агам̣, бханд̇з, т̇зро сан̇гхамаж̇жхз вад̣̇зд̇у – ‘бурад̇т̇имзсу ж̇анабад̣̇зсу б̣уд̣̇д̇хаа бхаг̇аванд̇о уббаж̇ж̇анд̇и . д̇хаммаваад̣̇ий баажийнагаа бхигкуу, ад̇хаммаваад̣̇ий баавзяяагаа бхигкуу’’’д̇и. ‘‘ад̇хаммз мам̣ д̇вам̣, бхигку, нияож̇зсий’’д̇и т̇зро ааяасманд̇ам̣ уд̇д̇арам̣ бан̣аамзси.
Tena kho pana samayena uttaro nāma bhikkhu vīsativasso āyasmato revatassa upaṭṭhāko hoti. Atha kho vesālikā vajjiputtakā bhikkhū yenāyasmā uttaro tenupasaṅkamiṃsu, upasaṅkamitvā āyasmantaṃ uttaraṃ etadavocuṃ – ‘‘paṭiggaṇhātu āyasmā uttaro sāmaṇakaṃ parikkhāraṃ – pattampi, cīvarampi, nisīdanampi, sūcigharampi, kāyabandhanampi, parissāvanampi, dhammakaraṇampī’’ti. ‘‘Alaṃ, āvuso, paripuṇṇaṃ me pattacīvara’’nti na icchi paṭiggahetuṃ. ‘‘Manussā kho, āvuso uttara, bhagavato sāmaṇakaṃ parikkhāraṃ upanāmenti. Sace bhagavā paṭiggaṇhāti, teneva te attamanā honti. No ce bhagavā paṭiggaṇhāti, āyasmato 4 ānandassa upanāmenti – paṭiggaṇhātu, bhante, thero sāmaṇakaṃ parikkhāraṃ. Yathā bhagavatā paṭiggahito, evameva so bhavissatīti. Paṭiggaṇhātu āyasmā uttaro sāmaṇakaṃ parikkhāraṃ. Yathā therena paṭiggahito, evameva so bhavissatī’’ti. Atha kho āyasmā uttaro vesālikehi vajjiputtehi bhikkhūhi nippīḷiyamāno ekaṃ cīvaraṃ aggahesi. ‘‘Vadeyyātha, āvuso, yena attho’’ti. ‘‘Ettakaṃ āyasmā uttaro theraṃ vadetu; ettakañca, bhante, thero saṅghamajjhe vadetu – ‘puratthimesu janapadesu buddhā bhagavanto uppajjanti. Dhammavādī pācīnakā bhikkhū, adhammavādī pāveyyakā bhikkhū’’’ti. ‘‘Evamāvuso’’ti kho āyasmā uttaro vesālikānaṃ vajjiputtakānaṃ bhikkhūnaṃ paṭissutvā yenāyasmā revato tenupasaṅkami, upasaṅkamitvā āyasmantaṃ revataṃ etadavoca – ‘‘ettakaṃ, bhante, thero saṅghamajjhe vadetu – ‘puratthimesu janapadesu buddhā bhagavanto uppajjanti . Dhammavādī pācīnakā bhikkhū, adhammavādī pāveyyakā bhikkhū’’’ti. ‘‘Adhamme maṃ tvaṃ, bhikkhu, niyojesī’’ti thero āyasmantaṃ uttaraṃ paṇāmesi.
ат̇а ко взсаалигаа важ̇ж̇ибуд̇д̇агаа бхигкуу ааяасманд̇ам̣ уд̇д̇арам̣ зд̇ад̣̇авожум̣ – ‘‘гим̣, аавусо уд̇д̇ара, т̇зро аахаа’’д̇и? ‘‘баабигам̣ но, аавусо, гад̇ам̣. ‘ад̇хаммз мам̣ д̇вам̣, бхигку, нияож̇зсий’’’д̇и т̇зро мам̣ бан̣аамзсийд̇и. ‘‘нану д̇вам̣, аавусо 5, вуд̣дхо вийсад̇ивассосий’’д̇и? ‘‘аамаавусо, аби жа маяам̣ г̇аруниссаяам̣ г̇ан̣хаамаа’’д̇и.
Atha kho vesālikā vajjiputtakā bhikkhū āyasmantaṃ uttaraṃ etadavocuṃ – ‘‘kiṃ, āvuso uttara, thero āhā’’ti? ‘‘Pāpikaṃ no, āvuso, kataṃ. ‘Adhamme maṃ tvaṃ, bhikkhu, niyojesī’’’ti thero maṃ paṇāmesīti. ‘‘Nanu tvaṃ, āvuso 6, vuḍḍho vīsativassosī’’ti? ‘‘Āmāvuso, api ca mayaṃ garunissayaṃ gaṇhāmā’’ti.
455. ат̇а ко сан̇гхо д̇ам̣ ад̇хигаран̣ам̣ винижчинид̇угаамо саннибад̇и. ат̇а ко ааяасмаа рзвад̇о сан̇гхам̣ н̃аабзси –
455. Atha kho saṅgho taṃ adhikaraṇaṃ vinicchinitukāmo sannipati. Atha kho āyasmā revato saṅghaṃ ñāpesi –
‘‘сун̣аад̇у мз, аавусо, сан̇гхо. сажз маяам̣ имам̣ ад̇хигаран̣ам̣ ид̇ха вуубасамзссаама, сияааби муулаад̣̇ааяагаа 7 бхигкуу бунагаммааяа уггодзяяум̣. яад̣̇и сан̇гхасса бад̇д̇агаллам̣, яад̇т̇звимам̣ ад̇хигаран̣ам̣ самуббаннам̣, сан̇гхо д̇ад̇т̇звимам̣ ад̇хигаран̣ам̣ вуубасамзяяаа’’д̇и.
‘‘Suṇātu me, āvuso, saṅgho. Sace mayaṃ imaṃ adhikaraṇaṃ idha vūpasamessāma, siyāpi mūlādāyakā 8 bhikkhū punakammāya ukkoṭeyyuṃ. Yadi saṅghassa pattakallaṃ, yatthevimaṃ adhikaraṇaṃ samuppannaṃ, saṅgho tatthevimaṃ adhikaraṇaṃ vūpasameyyā’’ti.
ат̇а ко т̇зраа бхигкуу взсаалим̣ аг̇амам̣су – д̇ам̣ ад̇хигаран̣ам̣ винижчинид̇угаамаа.
Atha kho therā bhikkhū vesāliṃ agamaṃsu – taṃ adhikaraṇaṃ vinicchinitukāmā.
д̇зна ко бана самаязна саб̣б̣агаамий наама бат̇аб̣яаа сан̇гхад̇т̇зро вийсавассасад̇иго убасамбад̣̇ааяа, ааяасмад̇о аананд̣̇асса сад̣̇д̇хивихаариго, взсаалияам̣ бадивасад̇и. ат̇а ко ааяасмаа рзвад̇о ааяасманд̇ам̣ самбхууд̇ам̣ саан̣аваасим̣ зд̇ад̣̇авожа – ‘‘ахам̣, аавусо, яасмим̣ вихаарз саб̣б̣агаамий т̇зро вихарад̇и, д̇ам̣ вихаарам̣ убаг̇ажчаами. со д̇вам̣ гаалассзва ааяасманд̇ам̣ саб̣б̣агаамим̣ убасан̇гамид̇ваа имаани д̣̇аса вад̇т̇ууни бужчзяяаасий’’д̇и.
Tena kho pana samayena sabbakāmī nāma pathabyā saṅghatthero vīsavassasatiko upasampadāya, āyasmato ānandassa saddhivihāriko, vesāliyaṃ paṭivasati. Atha kho āyasmā revato āyasmantaṃ sambhūtaṃ sāṇavāsiṃ etadavoca – ‘‘ahaṃ, āvuso, yasmiṃ vihāre sabbakāmī thero viharati, taṃ vihāraṃ upagacchāmi. So tvaṃ kālasseva āyasmantaṃ sabbakāmiṃ upasaṅkamitvā imāni dasa vatthūni puccheyyāsī’’ti.
‘‘звам̣ бханд̇з’’д̇и ко ааяасмаа самбхууд̇о саан̣аваасий ааяасмад̇о рзвад̇асса бажжассоси. ат̇а ко ааяасмаа рзвад̇о, яасмим̣ вихаарз саб̣б̣агаамий т̇зро вихарад̇и, д̇ам̣ вихаарам̣ убаг̇ажчи. г̇аб̣бхз ааяасмад̇о саб̣б̣агаамисса сзнаасанам̣ бан̃н̃ад̇д̇ам̣ ход̇и, г̇аб̣бхаббамукз ааяасмад̇о рзвад̇асса. ат̇а ко ааяасмаа рзвад̇о – аяам̣ т̇зро махаллаго на нибаж̇ж̇ад̇ийд̇и – на сзяяам̣ габбзси. ааяасмаа саб̣б̣агаамий – аяам̣ бхигку ааг̇анд̇уго гиланд̇о на нибаж̇ж̇ад̇ийд̇и – на сзяяам̣ габбзси. ат̇а ко ааяасмаа саб̣б̣агаамий рад̇д̇ияаа бажжуусасамаяам̣ бажжудтааяа ааяасманд̇ам̣ рзвад̇ам̣ зд̇ад̣̇авожа – ‘‘гад̇амзна д̇вам̣ бхууми вихаарзна зд̇арахи б̣ахулам̣ вихарасий’’д̇и? ‘‘мзд̇д̇аавихаарзна ко ахам̣ , бханд̇з, зд̇арахи б̣ахулам̣ вихараамий’’д̇и. ‘‘гуллагавихаарзна гира д̇вам̣ бхууми зд̇арахи б̣ахулам̣ вихараси . гуллагавихааро зсо 9 бхууми яад̣̇ид̣̇ам̣ мзд̇д̇аа’’д̇и. ‘‘буб̣б̣зби мз, бханд̇з, г̇ихибхууд̇асса аажин̣н̣аа мзд̇д̇аа. д̇знаахам̣ зд̇арахиби мзд̇д̇аавихаарзна б̣ахулам̣ вихараами, аби жа ко маяаа жираббад̇д̇ам̣ арахад̇д̇а’’нд̇и. ‘‘т̇зро бана, бханд̇з, гад̇амзна вихаарзна зд̇арахи б̣ахулам̣ вихарад̇ий’’д̇и? ‘‘сун̃н̃ад̇аавихаарзна ко ахам̣ бхууми зд̇арахи б̣ахулам̣ вихараамий’’д̇и. ‘‘махаабурисавихаарзна гира, бханд̇з, т̇зро зд̇арахи б̣ахулам̣ вихарад̇и. махаабурисавихааро зсо, бханд̇з, яад̣̇ид̣̇ам̣ сун̃н̃ад̇аа’’д̇и. ‘‘буб̣б̣зби мз бхууми г̇ихибхууд̇асса аажин̣н̣аа сун̃н̃ад̇аа. д̇знаахам̣ зд̇арахиби сун̃н̃ад̇аавихаарзна б̣ахулам̣ вихараами, аби жа маяаа жираббад̇д̇ам̣ арахад̇д̇а’’нд̇и. аяан̃жарахи т̇зраанам̣ бхигкуунам̣ анд̇араагат̇аа виббагад̇аа, ат̇ааяасмаа самбхууд̇о саан̣аваасий д̇асмим̣ ануббад̇д̇о ход̇и. ат̇а ко ааяасмаа самбхууд̇о саан̣аваасий язнааяасмаа саб̣б̣агаамий д̇знубасан̇гами, убасан̇гамид̇ваа ааяасманд̇ам̣ саб̣б̣агаамим̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко ааяасмаа самбхууд̇о саан̣аваасий ааяасманд̇ам̣ саб̣б̣агаамим̣ зд̇ад̣̇авожа – ‘‘имз, бханд̇з, взсаалигаа важ̇ж̇ибуд̇д̇агаа бхигкуу взсаалияам̣ д̣̇аса вад̇т̇ууни д̣̇ийбзнд̇и – габбад̇и син̇г̇илон̣агаббо, габбад̇и д̣̇ван̇г̇улагаббо, габбад̇и г̇ааманд̇арагаббо, габбад̇и ааваасагаббо, габбад̇и анумад̇игаббо, габбад̇и аажин̣н̣агаббо, габбад̇и амат̇ид̇агаббо, габбад̇и ж̇ал̣ог̇им̣ , баад̇ум̣ габбад̇и ад̣̇асагам̣ нисийд̣̇анам̣, габбад̇и ж̇аад̇аруубараж̇ад̇анд̇и. т̇зрзна, бханд̇з, убаж̇жхааяасса муулз б̣ахуд̇хаммо жа винаяо жа барияад̇д̇о. т̇зрасса бханд̇з, д̇хамман̃жа винаяан̃жа бажжавзгканд̇асса гат̇ам̣ ход̇и? гз ну ко д̇хаммаваад̣̇ино – баажийнагаа ваа бхигкуу, баавзяяагаа ваа’’д̇и? ‘‘д̇аяааби ко, аавусо, убаж̇жхааяасса муулз б̣аху д̇хаммо жа винаяо жа барияад̇д̇о. д̇уяхам̣ бана, аавусо, д̇хамман̃жа винаяан̃жа бажжавзгканд̇асса гат̇ам̣ ход̇и? гз ну ко д̇хаммаваад̣̇ино – баажийнагаа ваа бхигкуу, баавзяяагаа ваа’’д̇и? ‘‘маяхам̣ ко, бханд̇з, д̇хамман̃жа винаяан̃жа бажжавзгканд̇асса звам̣ ход̇и – ад̇хаммаваад̣̇ий баажийнагаа бхигкуу, д̇хаммаваад̣̇ий баавзяяагаа бхигкууд̇и; аби жаахам̣ на д̇аава д̣̇идтим̣ аави гароми, аббзва наама мам̣ имасмим̣ ад̇хигаран̣з самманнзяяаа’’д̇и. ‘‘маяхамби ко, аавусо, д̇хамман̃жа винаяан̃жа бажжавзгканд̇асса звам̣ ход̇и – ад̇хаммаваад̣̇ий баажийнагаа бхигкуу, д̇хаммаваад̣̇ий баавзяяагаа бхигкууд̇и; аби жаахам̣ на д̇аава д̣̇идтим̣ аави гароми, аббзва наама мам̣ имасмим̣ ад̇хигаран̣з самманнзяяаа’’д̇и.
‘‘Evaṃ bhante’’ti kho āyasmā sambhūto sāṇavāsī āyasmato revatassa paccassosi. Atha kho āyasmā revato, yasmiṃ vihāre sabbakāmī thero viharati, taṃ vihāraṃ upagacchi. Gabbhe āyasmato sabbakāmissa senāsanaṃ paññattaṃ hoti, gabbhappamukhe āyasmato revatassa. Atha kho āyasmā revato – ayaṃ thero mahallako na nipajjatīti – na seyyaṃ kappesi. Āyasmā sabbakāmī – ayaṃ bhikkhu āgantuko kilanto na nipajjatīti – na seyyaṃ kappesi. Atha kho āyasmā sabbakāmī rattiyā paccūsasamayaṃ paccuṭṭhāya āyasmantaṃ revataṃ etadavoca – ‘‘katamena tvaṃ bhūmi vihārena etarahi bahulaṃ viharasī’’ti? ‘‘Mettāvihārena kho ahaṃ , bhante, etarahi bahulaṃ viharāmī’’ti. ‘‘Kullakavihārena kira tvaṃ bhūmi etarahi bahulaṃ viharasi . Kullakavihāro eso 10 bhūmi yadidaṃ mettā’’ti. ‘‘Pubbepi me, bhante, gihibhūtassa āciṇṇā mettā. Tenāhaṃ etarahipi mettāvihārena bahulaṃ viharāmi, api ca kho mayā cirappattaṃ arahatta’’nti. ‘‘Thero pana, bhante, katamena vihārena etarahi bahulaṃ viharatī’’ti? ‘‘Suññatāvihārena kho ahaṃ bhūmi etarahi bahulaṃ viharāmī’’ti. ‘‘Mahāpurisavihārena kira, bhante, thero etarahi bahulaṃ viharati. Mahāpurisavihāro eso, bhante, yadidaṃ suññatā’’ti. ‘‘Pubbepi me bhūmi gihibhūtassa āciṇṇā suññatā. Tenāhaṃ etarahipi suññatāvihārena bahulaṃ viharāmi, api ca mayā cirappattaṃ arahatta’’nti. Ayañcarahi therānaṃ bhikkhūnaṃ antarākathā vippakatā, athāyasmā sambhūto sāṇavāsī tasmiṃ anuppatto hoti. Atha kho āyasmā sambhūto sāṇavāsī yenāyasmā sabbakāmī tenupasaṅkami, upasaṅkamitvā āyasmantaṃ sabbakāmiṃ abhivādetvā ekamantaṃ nisīdi. Ekamantaṃ nisinno kho āyasmā sambhūto sāṇavāsī āyasmantaṃ sabbakāmiṃ etadavoca – ‘‘ime, bhante, vesālikā vajjiputtakā bhikkhū vesāliyaṃ dasa vatthūni dīpenti – kappati siṅgiloṇakappo, kappati dvaṅgulakappo, kappati gāmantarakappo, kappati āvāsakappo, kappati anumatikappo, kappati āciṇṇakappo, kappati amathitakappo, kappati jaḷogiṃ , pātuṃ kappati adasakaṃ nisīdanaṃ, kappati jātarūparajatanti. Therena, bhante, upajjhāyassa mūle bahudhammo ca vinayo ca pariyatto. Therassa bhante, dhammañca vinayañca paccavekkhantassa kathaṃ hoti? Ke nu kho dhammavādino – pācīnakā vā bhikkhū, pāveyyakā vā’’ti? ‘‘Tayāpi kho, āvuso, upajjhāyassa mūle bahu dhammo ca vinayo ca pariyatto. Tuyhaṃ pana, āvuso, dhammañca vinayañca paccavekkhantassa kathaṃ hoti? Ke nu kho dhammavādino – pācīnakā vā bhikkhū, pāveyyakā vā’’ti? ‘‘Mayhaṃ kho, bhante, dhammañca vinayañca paccavekkhantassa evaṃ hoti – adhammavādī pācīnakā bhikkhū, dhammavādī pāveyyakā bhikkhūti; api cāhaṃ na tāva diṭṭhiṃ āvi karomi, appeva nāma maṃ imasmiṃ adhikaraṇe sammanneyyā’’ti. ‘‘Mayhampi kho, āvuso, dhammañca vinayañca paccavekkhantassa evaṃ hoti – adhammavādī pācīnakā bhikkhū, dhammavādī pāveyyakā bhikkhūti; api cāhaṃ na tāva diṭṭhiṃ āvi karomi, appeva nāma maṃ imasmiṃ adhikaraṇe sammanneyyā’’ti.
456. ат̇а ко сан̇гхо д̇ам̣ ад̇хигаран̣ам̣ винижчинид̇угаамо саннибад̇и. д̇асмим̣ ко бана ад̇хигаран̣з винижчияамаанз анаг̇г̇аани жзва бхассаани ж̇ааяанд̇и, на жзгасса бхаасид̇асса ад̇т̇о вин̃н̃ааяад̇и. ат̇а ко ааяасмаа рзвад̇о сан̇гхам̣ н̃аабзси –
456. Atha kho saṅgho taṃ adhikaraṇaṃ vinicchinitukāmo sannipati. Tasmiṃ kho pana adhikaraṇe vinicchiyamāne anaggāni ceva bhassāni jāyanti, na cekassa bhāsitassa attho viññāyati. Atha kho āyasmā revato saṅghaṃ ñāpesi –
‘‘сун̣аад̇у мз, бханд̇з, сан̇гхо. амхаагам̣ имасмим̣ ад̇хигаран̣з винижчияамаанз анаг̇г̇аани жзва бхассаани ж̇ааяанд̇и, на жзгасса бхаасид̇асса ад̇т̇о вин̃н̃ааяад̇и. яад̣̇и сан̇гхасса бад̇д̇агаллам̣, сан̇гхо имам̣ ад̇хигаран̣ам̣ уб̣б̣аахигааяа вуубасамзяяаа’’д̇и. сан̇гхо жад̇д̇ааро баажийнагз бхигкуу, жад̇д̇ааро баавзяяагз бхигкуу ужжини. баажийнагаанам̣ бхигкуунам̣ – ааяасманд̇ан̃жа саб̣б̣агаамим̣, ааяасманд̇ан̃жа саал̣хам̣, ааяасманд̇ан̃жа куж̇ж̇асобхид̇ам̣, ааяасманд̇ан̃жа ваасабхаг̇аамигам̣; баавзяяагаанам̣ бхигкуунам̣ – ааяасманд̇ан̃жа рзвад̇ам̣, ааяасманд̇ан̃жа самбхууд̇ам̣ саан̣аваасим̣, ааяасманд̇ан̃жа яасам̣ гааган̣д̣агабуд̇д̇ам̣, ааяасманд̇ан̃жа сумананд̇и. ат̇а ко ааяасмаа рзвад̇о сан̇гхам̣ н̃аабзси –
‘‘Suṇātu me, bhante, saṅgho. Amhākaṃ imasmiṃ adhikaraṇe vinicchiyamāne anaggāni ceva bhassāni jāyanti, na cekassa bhāsitassa attho viññāyati. Yadi saṅghassa pattakallaṃ, saṅgho imaṃ adhikaraṇaṃ ubbāhikāya vūpasameyyā’’ti. Saṅgho cattāro pācīnake bhikkhū, cattāro pāveyyake bhikkhū uccini. Pācīnakānaṃ bhikkhūnaṃ – āyasmantañca sabbakāmiṃ, āyasmantañca sāḷhaṃ, āyasmantañca khujjasobhitaṃ, āyasmantañca vāsabhagāmikaṃ; pāveyyakānaṃ bhikkhūnaṃ – āyasmantañca revataṃ, āyasmantañca sambhūtaṃ sāṇavāsiṃ, āyasmantañca yasaṃ kākaṇḍakaputtaṃ, āyasmantañca sumananti. Atha kho āyasmā revato saṅghaṃ ñāpesi –
‘‘сун̣аад̇у мз, бханд̇з, сан̇гхо. амхаагам̣ имасмим̣ ад̇хигаран̣з винижчияамаанз анаг̇г̇аани жзва бхассаани ж̇ааяанд̇и, на жзгасса бхаасид̇асса ад̇т̇о вин̃н̃ааяад̇и. яад̣̇и сан̇гхасса бад̇д̇агаллам̣, сан̇гхо жад̇д̇ааро баажийнагз бхигкуу, жад̇д̇ааро баавзяяагз бхигкуу самманнзяяа уб̣б̣аахигааяа имам̣ ад̇хигаран̣ам̣ вуубасамзд̇ум̣. зсаа н̃ад̇д̇и.
‘‘Suṇātu me, bhante, saṅgho. Amhākaṃ imasmiṃ adhikaraṇe vinicchiyamāne anaggāni ceva bhassāni jāyanti, na cekassa bhāsitassa attho viññāyati. Yadi saṅghassa pattakallaṃ, saṅgho cattāro pācīnake bhikkhū, cattāro pāveyyake bhikkhū sammanneyya ubbāhikāya imaṃ adhikaraṇaṃ vūpasametuṃ. Esā ñatti.
‘‘сун̣аад̇у мз, бханд̇з, сан̇гхо. амхаагам̣ имасмим̣ ад̇хигаран̣з винижчияамаанз анаг̇г̇аани жзва бхассаани ж̇ааяанд̇и, на жзгасса бхаасид̇асса ад̇т̇о вин̃н̃ааяад̇и. сан̇гхо жад̇д̇ааро баажийнагз бхигкуу, жад̇д̇ааро баавзяяагз бхигкуу самманнад̇и уб̣б̣аахигааяа имам̣ ад̇хигаран̣ам̣ вуубасамзд̇ум̣. яассааяасмад̇о камад̇и жад̇уннам̣ баажийнагаанам̣ бхигкуунам̣, жад̇уннам̣ баавзяяагаанам̣ бхигкуунам̣ саммуд̇и, уб̣б̣аахигааяа имам̣ ад̇хигаран̣ам̣ вуубасамзд̇ум̣ , со д̇ун̣хасса; яасса нагкамад̇и, со бхаасзяяа.
‘‘Suṇātu me, bhante, saṅgho. Amhākaṃ imasmiṃ adhikaraṇe vinicchiyamāne anaggāni ceva bhassāni jāyanti, na cekassa bhāsitassa attho viññāyati. Saṅgho cattāro pācīnake bhikkhū, cattāro pāveyyake bhikkhū sammannati ubbāhikāya imaṃ adhikaraṇaṃ vūpasametuṃ. Yassāyasmato khamati catunnaṃ pācīnakānaṃ bhikkhūnaṃ, catunnaṃ pāveyyakānaṃ bhikkhūnaṃ sammuti, ubbāhikāya imaṃ adhikaraṇaṃ vūpasametuṃ , so tuṇhassa; yassa nakkhamati, so bhāseyya.
‘‘саммад̇аа сан̇гхзна жад̇д̇ааро баажийнагаа бхигкуу, жад̇д̇ааро баавзяяагаа бхигкуу, уб̣б̣аахигааяа имам̣ ад̇хигаран̣ам̣ вуубасамзд̇ум̣. камад̇и сан̇гхасса, д̇асмаа д̇ун̣хий, звамзд̇ам̣ д̇хаараяаамий’’д̇и.
‘‘Sammatā saṅghena cattāro pācīnakā bhikkhū, cattāro pāveyyakā bhikkhū, ubbāhikāya imaṃ adhikaraṇaṃ vūpasametuṃ. Khamati saṅghassa, tasmā tuṇhī, evametaṃ dhārayāmī’’ti.
д̇зна ко бана самаязна аж̇ид̇о наама бхигку д̣̇асавассо сан̇гхасса баад̇имогкуд̣̇д̣̇зсаго ход̇и. ат̇а ко сан̇гхо ааяасманд̇амби аж̇ид̇ам̣ самманнад̇и – т̇зраанам̣ бхигкуунам̣ аасанабан̃н̃аабагам̣. ат̇а ко т̇зраанам̣ бхигкуунам̣ зд̇ад̣̇ахоси – ‘‘гад̇т̇а ну ко маяам̣ имам̣ ад̇хигаран̣ам̣ вуубасамзяяаамаа’’д̇и? ат̇а ко т̇зраанам̣ бхигкуунам̣ зд̇ад̣̇ахоси – ‘‘аяам̣ ко ваалигаараамо раман̣ийяо аббасад̣̇д̣̇о аббаниг̇гхосо. яам̣нууна маяам̣ ваалигаараамз имам̣ ад̇хигаран̣ам̣ вуубасамзяяаамаа’’д̇и.
Tena kho pana samayena ajito nāma bhikkhu dasavasso saṅghassa pātimokkhuddesako hoti. Atha kho saṅgho āyasmantampi ajitaṃ sammannati – therānaṃ bhikkhūnaṃ āsanapaññāpakaṃ. Atha kho therānaṃ bhikkhūnaṃ etadahosi – ‘‘kattha nu kho mayaṃ imaṃ adhikaraṇaṃ vūpasameyyāmā’’ti? Atha kho therānaṃ bhikkhūnaṃ etadahosi – ‘‘ayaṃ kho vālikārāmo ramaṇīyo appasaddo appanigghoso. Yaṃnūna mayaṃ vālikārāme imaṃ adhikaraṇaṃ vūpasameyyāmā’’ti.
457. ат̇а ко т̇зраа бхигкуу ваалигаараамам̣ аг̇амам̣су – д̇ам̣ ад̇хигаран̣ам̣ винижчинид̇угаамаа. ат̇а ко ааяасмаа рзвад̇о сан̇гхам̣ н̃аабзси –
457. Atha kho therā bhikkhū vālikārāmaṃ agamaṃsu – taṃ adhikaraṇaṃ vinicchinitukāmā. Atha kho āyasmā revato saṅghaṃ ñāpesi –
‘‘сун̣аад̇у мз, бханд̇з, сан̇гхо. яад̣̇и сан̇гхасса бад̇д̇агаллам̣, ахам̣ ааяасманд̇ам̣ саб̣б̣агаамим̣ винаяам̣ бужчзяяа’’нд̇и.
‘‘Suṇātu me, bhante, saṅgho. Yadi saṅghassa pattakallaṃ, ahaṃ āyasmantaṃ sabbakāmiṃ vinayaṃ puccheyya’’nti.
ааяасмаа саб̣б̣агаамий сан̇гхам̣ н̃аабзси –
Āyasmā sabbakāmī saṅghaṃ ñāpesi –
‘‘сун̣аад̇у мз, аавусо, сан̇гхо. яад̣̇и сан̇гхасса бад̇д̇агаллам̣, ахам̣ рзвад̇зна винаяам̣ будто виссаж̇ж̇зяяа’’нд̇и.
‘‘Suṇātu me, āvuso, saṅgho. Yadi saṅghassa pattakallaṃ, ahaṃ revatena vinayaṃ puṭṭho vissajjeyya’’nti.
ат̇а ко ааяасмаа рзвад̇о ааяасманд̇ам̣ саб̣б̣агаамим̣ зд̇ад̣̇авожа – ‘‘габбад̇и, бханд̇з, син̇г̇илон̣агаббо’’д̇и? ‘‘го со, аавусо, син̇г̇илон̣агаббо’’д̇и? ‘‘габбад̇и, бханд̇з, син̇г̇инаа лон̣ам̣ барихарид̇ум̣ – яад̇т̇а алон̣агам̣ бхависсад̇и д̇ад̇т̇а барибхун̃ж̇иссаамаа’’д̇и? ‘‘наавусо, габбад̇ий’’д̇и. 11 ‘‘гад̇т̇а бадигкид̇д̇а’’нд̇и? ‘‘саавад̇т̇ияам̣, суд̇д̇авибхан̇г̇з’’д̇и. ‘‘гим̣ аабаж̇ж̇ад̇ий’’д̇и? ‘‘саннид̇хигаарагабхож̇анз баажид̇д̇ияа’’нд̇и.
Atha kho āyasmā revato āyasmantaṃ sabbakāmiṃ etadavoca – ‘‘kappati, bhante, siṅgiloṇakappo’’ti? ‘‘Ko so, āvuso, siṅgiloṇakappo’’ti? ‘‘Kappati, bhante, siṅginā loṇaṃ pariharituṃ – yattha aloṇakaṃ bhavissati tattha paribhuñjissāmā’’ti? ‘‘Nāvuso, kappatī’’ti. 12 ‘‘Kattha paṭikkhitta’’nti? ‘‘Sāvatthiyaṃ, suttavibhaṅge’’ti. ‘‘Kiṃ āpajjatī’’ti? ‘‘Sannidhikārakabhojane pācittiya’’nti.
‘‘сун̣аад̇у мз, бханд̇з, сан̇гхо. ид̣̇ам̣ батамам̣ вад̇т̇у сан̇гхзна винижчид̇ам̣. ид̇ибид̣̇ам̣ вад̇т̇у уд̣̇д̇хаммам̣, уб̣б̣инаяам̣, абаг̇ад̇асад̇т̇усаасанам̣. ид̣̇ам̣ батамам̣ салаагам̣ нигкибаами’’.
‘‘Suṇātu me, bhante, saṅgho. Idaṃ paṭhamaṃ vatthu saṅghena vinicchitaṃ. Itipidaṃ vatthu uddhammaṃ, ubbinayaṃ, apagatasatthusāsanaṃ. Idaṃ paṭhamaṃ salākaṃ nikkhipāmi’’.
‘‘габбад̇и, бханд̇з, д̣̇ван̇г̇улагаббо’’д̇и? ‘‘го со, аавусо, д̣̇ван̇г̇улагаббо’’д̇и? ‘‘габбад̇и, бханд̇з, д̣̇ван̇г̇улааяа чааяааяа вийд̇ивад̇д̇ааяа вигаалз бхож̇анам̣ бхун̃ж̇ид̇у’’нд̇и ? ‘‘наавусо, габбад̇ий’’д̇и 13. ‘‘гад̇т̇а бадигкид̇д̇а’’нд̇и? ‘‘рааж̇аг̇ахз, суд̇д̇авибхан̇г̇з’’д̇и. ‘‘гим̣ аабаж̇ж̇ад̇ий’’д̇и? вигаалабхож̇анз баажид̇д̇ияа’’нд̇и.
‘‘Kappati, bhante, dvaṅgulakappo’’ti? ‘‘Ko so, āvuso, dvaṅgulakappo’’ti? ‘‘Kappati, bhante, dvaṅgulāya chāyāya vītivattāya vikāle bhojanaṃ bhuñjitu’’nti ? ‘‘Nāvuso, kappatī’’ti 14. ‘‘Kattha paṭikkhitta’’nti? ‘‘Rājagahe, suttavibhaṅge’’ti. ‘‘Kiṃ āpajjatī’’ti? Vikālabhojane pācittiya’’nti.
‘‘сун̣аад̇у мз, бханд̇з, сан̇гхо. ид̣̇ам̣ д̣̇уд̇ияам̣ вад̇т̇у сан̇гхзна винижчид̇ам̣. ид̇ибид̣̇ам̣ вад̇т̇у уд̣̇д̇хаммам̣, уб̣б̣инаяам̣, абаг̇ад̇асад̇т̇усаасанам̣. ид̣̇ам̣ д̣̇уд̇ияам̣ салаагам̣ нигкибаами’’.
‘‘Suṇātu me, bhante, saṅgho. Idaṃ dutiyaṃ vatthu saṅghena vinicchitaṃ. Itipidaṃ vatthu uddhammaṃ, ubbinayaṃ, apagatasatthusāsanaṃ. Idaṃ dutiyaṃ salākaṃ nikkhipāmi’’.
‘‘габбад̇и, бханд̇з, г̇ааманд̇арагаббо’’д̇и? ‘‘го со, аавусо, г̇ааманд̇арагаббо’’д̇и? ‘‘габбад̇и, бханд̇з – ид̣̇аани г̇ааманд̇арам̣ г̇амиссаамийд̇и – бхуд̇д̇аавинаа баваарид̇зна анад̇ирид̇д̇ам̣ бхож̇анам̣ бхун̃ж̇ид̇у’’нд̇и? ‘‘наавусо, габбад̇ий’’д̇и 15. ‘‘гад̇т̇а бадигкид̇д̇а’’нд̇и? ‘‘саавад̇т̇ияам̣, суд̇д̇авибхан̇г̇з’’д̇и. ‘‘гим̣ аабаж̇ж̇ад̇ий’’д̇и? ‘‘анад̇ирид̇д̇абхож̇анз баажид̇д̇ияа’’нд̇и.
‘‘Kappati, bhante, gāmantarakappo’’ti? ‘‘Ko so, āvuso, gāmantarakappo’’ti? ‘‘Kappati, bhante – idāni gāmantaraṃ gamissāmīti – bhuttāvinā pavāritena anatirittaṃ bhojanaṃ bhuñjitu’’nti? ‘‘Nāvuso, kappatī’’ti 16. ‘‘Kattha paṭikkhitta’’nti? ‘‘Sāvatthiyaṃ, suttavibhaṅge’’ti. ‘‘Kiṃ āpajjatī’’ti? ‘‘Anatirittabhojane pācittiya’’nti.
‘‘сун̣аад̇у мз, бханд̇з, сан̇гхо. ид̣̇ам̣ д̇ад̇ияам̣ вад̇т̇у сан̇гхзна винижчид̇ам̣. ид̇ибид̣̇ам̣ вад̇т̇у уд̣̇д̇хаммам̣, уб̣б̣инаяам̣, абаг̇ад̇асад̇т̇усаасанам̣. ид̣̇ам̣ д̇ад̇ияам̣ салаагам̣ нигкибаами’’.
‘‘Suṇātu me, bhante, saṅgho. Idaṃ tatiyaṃ vatthu saṅghena vinicchitaṃ. Itipidaṃ vatthu uddhammaṃ, ubbinayaṃ, apagatasatthusāsanaṃ. Idaṃ tatiyaṃ salākaṃ nikkhipāmi’’.
‘‘габбад̇и , бханд̇з, ааваасагаббо’’д̇и? ‘‘го со, аавусо, ааваасагаббо’’д̇и? ‘‘габбад̇и бханд̇з, самб̣ахулаа ааваасаа самаанасиймаа наанубосат̇ам̣ гаад̇у’’нд̇и. ‘‘наавусо, габбад̇ий’’д̇и 17. ‘‘гад̇т̇а бадигкид̇д̇а’’нд̇и? ‘‘рааж̇аг̇ахз, убосат̇асам̣яуд̇д̇з’’д̇и. ‘‘гим̣ аабаж̇ж̇ад̇ий’’д̇и? ‘‘винаяаад̇исаарз д̣̇уггада’’нд̇и.
‘‘Kappati , bhante, āvāsakappo’’ti? ‘‘Ko so, āvuso, āvāsakappo’’ti? ‘‘Kappati bhante, sambahulā āvāsā samānasīmā nānuposathaṃ kātu’’nti. ‘‘Nāvuso, kappatī’’ti 18. ‘‘Kattha paṭikkhitta’’nti? ‘‘Rājagahe, uposathasaṃyutte’’ti. ‘‘Kiṃ āpajjatī’’ti? ‘‘Vinayātisāre dukkaṭa’’nti.
‘‘сун̣аад̇у мз, бханд̇з, сан̇гхо. ид̣̇ам̣ жад̇уд̇т̇ам̣ вад̇т̇у сан̇гхзна винижчид̇ам̣. ид̇ибид̣̇ам̣ вад̇т̇у уд̣̇д̇хаммам̣, уб̣б̣инаяам̣, абаг̇ад̇асад̇т̇усаасанам̣. ид̣̇ам̣ жад̇уд̇т̇ам̣ салаагам̣ нигкибаами’’.
‘‘Suṇātu me, bhante, saṅgho. Idaṃ catutthaṃ vatthu saṅghena vinicchitaṃ. Itipidaṃ vatthu uddhammaṃ, ubbinayaṃ, apagatasatthusāsanaṃ. Idaṃ catutthaṃ salākaṃ nikkhipāmi’’.
‘‘габбад̇и, бханд̇з, анумад̇игаббо’’д̇и? ‘‘го со, аавусо, анумад̇игаббо’’д̇и? ‘‘габбад̇и, бханд̇з, ваг̇г̇зна сан̇гхзна гаммам̣ гаад̇ум̣ – ааг̇ад̇з бхигкуу анумаанзссаамаа’’д̇и? ‘‘наавусо, габбад̇ий’’д̇и 19. ‘‘гад̇т̇а бадигкид̇д̇а’’нд̇и? ‘‘жамбзяяагз, винаяавад̇т̇усми’’нд̇и. ‘‘гим̣ аабаж̇ж̇ад̇ий’’д̇и? ‘‘винаяаад̇исаарз д̣̇уггада’’нд̇и.
‘‘Kappati, bhante, anumatikappo’’ti? ‘‘Ko so, āvuso, anumatikappo’’ti? ‘‘Kappati, bhante, vaggena saṅghena kammaṃ kātuṃ – āgate bhikkhū anumānessāmā’’ti? ‘‘Nāvuso, kappatī’’ti 20. ‘‘Kattha paṭikkhitta’’nti? ‘‘Campeyyake, vinayavatthusmi’’nti. ‘‘Kiṃ āpajjatī’’ti? ‘‘Vinayātisāre dukkaṭa’’nti.
‘‘сун̣аад̇у мз, бханд̇з, сан̇гхо. ид̣̇ам̣ бан̃жамам̣ вад̇т̇у сан̇гхзна винижчид̇ам̣. ид̇ибид̣̇ам̣ вад̇т̇у уд̣̇д̇хаммам̣, уб̣б̣инаяам̣, абаг̇ад̇асад̇т̇усаасанам̣. ид̣̇ам̣ бан̃жамам̣ салаагам̣ нигкибаами’’.
‘‘Suṇātu me, bhante, saṅgho. Idaṃ pañcamaṃ vatthu saṅghena vinicchitaṃ. Itipidaṃ vatthu uddhammaṃ, ubbinayaṃ, apagatasatthusāsanaṃ. Idaṃ pañcamaṃ salākaṃ nikkhipāmi’’.
‘‘габбад̇и, бханд̇з, аажин̣н̣агаббо’’д̇и? ‘‘го со, аавусо, аажин̣н̣агаббо’’д̇и? ‘‘габбад̇и, бханд̇з – ид̣̇ам̣ мз убаж̇жхааязна аж̇жхаажин̣н̣ам̣, ид̣̇ам̣ мз аажариязна аж̇жхаажин̣н̣ам̣ – д̇ам̣ аж̇жхаажарид̇у’’нд̇и? ‘‘аажин̣н̣агаббо ко, аавусо, згажжо габбад̇и, згажжо на габбад̇ий’’д̇и.
‘‘Kappati, bhante, āciṇṇakappo’’ti? ‘‘Ko so, āvuso, āciṇṇakappo’’ti? ‘‘Kappati, bhante – idaṃ me upajjhāyena ajjhāciṇṇaṃ, idaṃ me ācariyena ajjhāciṇṇaṃ – taṃ ajjhācaritu’’nti? ‘‘Āciṇṇakappo kho, āvuso, ekacco kappati, ekacco na kappatī’’ti.
‘‘сун̣аад̇у мз, бханд̇з, сан̇гхо. ид̣̇ам̣ чадтам̣ вад̇т̇у сан̇гхзна винижчид̇ам̣ . ид̇ибид̣̇ам̣ вад̇т̇у уд̣̇д̇хаммам̣, уб̣б̣инаяам̣, абаг̇ад̇асад̇т̇усаасанам̣. ид̣̇ам̣ чадтам̣ салаагам̣ нигкибаами’’.
‘‘Suṇātu me, bhante, saṅgho. Idaṃ chaṭṭhaṃ vatthu saṅghena vinicchitaṃ . Itipidaṃ vatthu uddhammaṃ, ubbinayaṃ, apagatasatthusāsanaṃ. Idaṃ chaṭṭhaṃ salākaṃ nikkhipāmi’’.
‘‘габбад̇и , бханд̇з, амат̇ид̇агаббо’’д̇и? ‘‘го со, аавусо, амат̇ид̇агаббо’’д̇и? ‘‘габбад̇и, бханд̇з, яам̣ д̇ам̣ кийрам̣ кийрабхаавам̣ виж̇ахид̇ам̣, асамбад̇д̇ам̣ д̣̇ад̇хибхаавам̣, д̇ам̣ бхуд̇д̇аавинаа баваарид̇зна анад̇ирид̇д̇ам̣ баад̇у’’нд̇и? ‘‘наавусо, габбад̇ий’’д̇и 21. ‘‘гад̇т̇а бадигкид̇д̇а’’нд̇и? ‘‘саавад̇т̇ияам̣, суд̇д̇авибхан̇г̇з’’д̇и. ‘‘гим̣ аабаж̇ж̇ад̇ий’’д̇и? ‘‘анад̇ирид̇д̇абхож̇анз баажид̇д̇ияа’’нд̇и.
‘‘Kappati , bhante, amathitakappo’’ti? ‘‘Ko so, āvuso, amathitakappo’’ti? ‘‘Kappati, bhante, yaṃ taṃ khīraṃ khīrabhāvaṃ vijahitaṃ, asampattaṃ dadhibhāvaṃ, taṃ bhuttāvinā pavāritena anatirittaṃ pātu’’nti? ‘‘Nāvuso, kappatī’’ti 22. ‘‘Kattha paṭikkhitta’’nti? ‘‘Sāvatthiyaṃ, suttavibhaṅge’’ti. ‘‘Kiṃ āpajjatī’’ti? ‘‘Anatirittabhojane pācittiya’’nti.
‘‘сун̣аад̇у мз, бханд̇з, сан̇гхо. ид̣̇ам̣ сад̇д̇амам̣ вад̇т̇у сан̇гхзна винижчид̇ам̣. ид̇ибид̣̇ам̣ вад̇т̇у уд̣̇д̇хаммам̣, уб̣б̣инаяам̣, абаг̇ад̇асад̇т̇усаасанам̣. ид̣̇ам̣ сад̇д̇амам̣ салаагам̣ нигкибаами’’.
‘‘Suṇātu me, bhante, saṅgho. Idaṃ sattamaṃ vatthu saṅghena vinicchitaṃ. Itipidaṃ vatthu uddhammaṃ, ubbinayaṃ, apagatasatthusāsanaṃ. Idaṃ sattamaṃ salākaṃ nikkhipāmi’’.
‘‘габбад̇и, бханд̇з, ж̇ал̣ог̇им̣ баад̇у’’нд̇и? ‘‘гаа саа, аавусо, ж̇ал̣ог̇ий’’д̇и? ‘‘габбад̇и, бханд̇з, яаа саа сураа аасуд̇аа асамбад̇д̇аа маж̇ж̇абхаавам̣, саа баад̇у’’нд̇и? ‘‘наавусо, габбад̇ий’’д̇и 23. ‘‘гад̇т̇а бадигкид̇д̇а’’нд̇и? ‘‘госамб̣ияам̣, суд̇д̇авибхан̇г̇з’’д̇и. ‘‘гим̣ аабаж̇ж̇ад̇ий’’д̇и. ‘‘сураамзраяабаанз баажид̇д̇ияа’’нд̇и.
‘‘Kappati, bhante, jaḷogiṃ pātu’’nti? ‘‘Kā sā, āvuso, jaḷogī’’ti? ‘‘Kappati, bhante, yā sā surā āsutā asampattā majjabhāvaṃ, sā pātu’’nti? ‘‘Nāvuso, kappatī’’ti 24. ‘‘Kattha paṭikkhitta’’nti? ‘‘Kosambiyaṃ, suttavibhaṅge’’ti. ‘‘Kiṃ āpajjatī’’ti. ‘‘Surāmerayapāne pācittiya’’nti.
‘‘сун̣аад̇у мз, бханд̇з, сан̇гхо. ид̣̇ам̣ адтамам̣ вад̇т̇у сан̇гхзна винижчид̇ам̣. ид̇ибид̣̇ам̣ вад̇т̇у уд̣̇д̇хаммам̣, уб̣б̣инаяам̣, абаг̇ад̇асад̇т̇усаасанам̣. ид̣̇ам̣ адтамам̣ салаагам̣ нигкибаами’’.
‘‘Suṇātu me, bhante, saṅgho. Idaṃ aṭṭhamaṃ vatthu saṅghena vinicchitaṃ. Itipidaṃ vatthu uddhammaṃ, ubbinayaṃ, apagatasatthusāsanaṃ. Idaṃ aṭṭhamaṃ salākaṃ nikkhipāmi’’.
‘‘габбад̇и, бханд̇з, ад̣̇асагам̣ нисийд̣̇ана’’нд̇и? ‘‘наавусо, габбад̇ий’’д̇и 25. ‘‘гад̇т̇а бадигкид̇д̇а’’нд̇и? ‘‘саавад̇т̇ияам̣, суд̇д̇авибхан̇г̇з’’д̇и. ‘‘гим̣ аабаж̇ж̇ад̇ий’’д̇и? ‘‘чзд̣̇анагз баажид̇д̇ияа’’нд̇и.
‘‘Kappati, bhante, adasakaṃ nisīdana’’nti? ‘‘Nāvuso, kappatī’’ti 26. ‘‘Kattha paṭikkhitta’’nti? ‘‘Sāvatthiyaṃ, suttavibhaṅge’’ti. ‘‘Kiṃ āpajjatī’’ti? ‘‘Chedanake pācittiya’’nti.
‘‘сун̣аад̇у мз, бханд̇з, сан̇гхо. ид̣̇ам̣ навамам̣ вад̇т̇у сан̇гхзна винижчид̇ам̣. ид̇ибид̣̇ам̣ вад̇т̇у уд̣̇д̇хаммам̣, уб̣б̣инаяам̣, абаг̇ад̇асад̇т̇усаасанам̣. ид̣̇ам̣ навамам̣ салаагам̣ нигкибаами’’.
‘‘Suṇātu me, bhante, saṅgho. Idaṃ navamaṃ vatthu saṅghena vinicchitaṃ. Itipidaṃ vatthu uddhammaṃ, ubbinayaṃ, apagatasatthusāsanaṃ. Idaṃ navamaṃ salākaṃ nikkhipāmi’’.
‘‘габбад̇и, бханд̇з, ж̇аад̇аруубараж̇ад̇а’’нд̇и? ‘‘наавусо, габбад̇ий’’д̇и 27. ‘‘гад̇т̇а бадигкид̇д̇а’’нд̇и. ‘‘рааж̇аг̇ахз, суд̇д̇авибхан̇г̇з’’д̇и. ‘‘гим̣ аабаж̇ж̇ад̇ий’’д̇и? ‘‘ж̇аад̇аруубараж̇ад̇абадиг̇г̇ахан̣з баажид̇д̇ияа’’нд̇и.
‘‘Kappati, bhante, jātarūparajata’’nti? ‘‘Nāvuso, kappatī’’ti 28. ‘‘Kattha paṭikkhitta’’nti. ‘‘Rājagahe, suttavibhaṅge’’ti. ‘‘Kiṃ āpajjatī’’ti? ‘‘Jātarūparajatapaṭiggahaṇe pācittiya’’nti.
‘‘сун̣аад̇у мз, бханд̇з, сан̇гхо. ид̣̇ам̣ д̣̇асамам̣ вад̇т̇у сан̇гхзна винижчид̇ам̣. ид̇ибид̣̇ам̣ вад̇т̇у уд̣̇д̇хаммам̣, уб̣б̣инаяам̣, абаг̇ад̇асад̇т̇усаасанам̣. ид̣̇ам̣ д̣̇асамам̣ салаагам̣ нигкибаами.
‘‘Suṇātu me, bhante, saṅgho. Idaṃ dasamaṃ vatthu saṅghena vinicchitaṃ. Itipidaṃ vatthu uddhammaṃ, ubbinayaṃ, apagatasatthusāsanaṃ. Idaṃ dasamaṃ salākaṃ nikkhipāmi.
‘‘сун̣аад̇у мз, бханд̇з, сан̇гхо. имаани д̣̇аса вад̇т̇ууни сан̇гхзна винижчид̇аани. ид̇ибимаани д̣̇асавад̇т̇ууни уд̣̇д̇хаммаани, уб̣б̣инаяаани, абаг̇ад̇асад̇т̇усаасанааний’’д̇и.
‘‘Suṇātu me, bhante, saṅgho. Imāni dasa vatthūni saṅghena vinicchitāni. Itipimāni dasavatthūni uddhammāni, ubbinayāni, apagatasatthusāsanānī’’ti.
458. ‘‘нихад̇амзд̇ам̣, аавусо, ад̇хигаран̣ам̣, санд̇ам̣ вуубасанд̇ам̣ сувуубасанд̇ам̣. аби жа мам̣ д̇вам̣, аавусо, сан̇гхамаж̇жхзби имаани д̣̇аса вад̇т̇ууни бужчзяяааси – д̇зсам̣ бхигкуунам̣ сан̃н̃ад̇д̇ияаа’’д̇и. ат̇а ко ааяасмаа рзвад̇о ааяасманд̇ам̣ саб̣б̣агаамим̣ сан̇гхамаж̇жхзби имаани д̣̇аса вад̇т̇ууни бужчи. будто будто ааяасмаа саб̣б̣агаамий виссаж̇ж̇зси. имааяа ко бана винаяасан̇г̇ийд̇ияаа сад̇д̇а бхигкусад̇аани ануунаани анад̇хигаани ахзсум̣, д̇асмааяам̣ винаяасан̇г̇ийд̇и ‘‘сад̇д̇асад̇игаа’’д̇и вужжад̇ийд̇и.
458. ‘‘Nihatametaṃ, āvuso, adhikaraṇaṃ, santaṃ vūpasantaṃ suvūpasantaṃ. Api ca maṃ tvaṃ, āvuso, saṅghamajjhepi imāni dasa vatthūni puccheyyāsi – tesaṃ bhikkhūnaṃ saññattiyā’’ti. Atha kho āyasmā revato āyasmantaṃ sabbakāmiṃ saṅghamajjhepi imāni dasa vatthūni pucchi. Puṭṭho puṭṭho āyasmā sabbakāmī vissajjesi. Imāya kho pana vinayasaṅgītiyā satta bhikkhusatāni anūnāni anadhikāni ahesuṃ, tasmāyaṃ vinayasaṅgīti ‘‘sattasatikā’’ti vuccatīti.
д̣̇уд̇ияабхаан̣авааро нидтид̇о.
Dutiyabhāṇavāro niṭṭhito.
сад̇д̇асад̇игагканд̇хаго д̣̇ваад̣̇асамо.
Sattasatikakkhandhako dvādasamo.
имамхи канд̇хагз вад̇т̇уу бан̃жавийсад̇и.
Imamhi khandhake vatthū pañcavīsati.
д̇ассуд̣̇д̣̇аанам̣ –
Tassuddānaṃ –
д̣̇аса вад̇т̇ууни буурзд̇ваа, гаммам̣ д̣̇ууд̇зна баависи;
Dasa vatthūni pūretvā, kammaṃ dūtena pāvisi;
жад̇д̇ааро буна руубан̃жа, госамб̣и жа баавзяяаго.
Cattāro puna rūpañca, kosambi ca pāveyyako.
маг̇г̇о сорзяяам̣ сан̇гассам̣, ган̣н̣агуж̇ж̇ам̣ уд̣̇умб̣арам̣;
Maggo soreyyaṃ saṅkassaṃ, kaṇṇakujjaṃ udumbaraṃ;
сахаж̇аад̇и жа маж̇жхзси, ассоси гам̣ ну ко маяам̣.
Sahajāti ca majjhesi, assosi kaṃ nu kho mayaṃ.
г̇ару 31 сан̇гхо жа взсаалим̣, мзд̇д̇аа сан̇гхо уб̣б̣аахигаад̇и.
Garu 32 saṅgho ca vesāliṃ, mettā saṅgho ubbāhikāti.
сад̇д̇асад̇игагканд̇хаго нидтид̇о.
Sattasatikakkhandhako niṭṭhito.
жуул̣аваг̇г̇абаал̣и нидтид̇аа.
Cūḷavaggapāḷi niṭṭhitā.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / жуул̣аваг̇г̇а-адтагат̇аа • Cūḷavagga-aṭṭhakathā / д̣̇асавад̇т̇угат̇аа • Dasavatthukathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / д̣̇асавад̇т̇угат̇ааван̣н̣анаа • Dasavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / д̣̇асавад̇т̇угат̇ааван̣н̣анаа • Dasavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / д̣̇асавад̇т̇угат̇ааван̣н̣анаа • Dasavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / д̣̇асавад̇т̇угат̇аа • Dasavatthukathā
