| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya |
੭. ਦੁਤਿਯਭવਸੁਤ੍ਤਂ
7. Dutiyabhavasuttaṃ
੭੮. ਅਥ ਖੋ ਆਯਸ੍ਮਾ ਆਨਨ੍ਦੋ ਯੇਨ ਭਗવਾ ਤੇਨੁਪਸਙ੍ਕਮਿ…ਪੇ॰… ਆਯਸ੍ਮਾ ਆਨਨ੍ਦੋ ਭਗવਨ੍ਤਂ ਏਤਦવੋਚ – ‘‘ਭવੋ, ਭવੋਤਿ, ਭਨ੍ਤੇ, વੁਚ੍ਚਤਿ। ਕਿਤ੍ਤਾવਤਾ ਨੁ ਖੋ, ਭਨ੍ਤੇ, ਭવੋ ਹੋਤੀ’’ਤਿ?
78. Atha kho āyasmā ānando yena bhagavā tenupasaṅkami…pe… āyasmā ānando bhagavantaṃ etadavoca – ‘‘bhavo, bhavoti, bhante, vuccati. Kittāvatā nu kho, bhante, bhavo hotī’’ti?
‘‘ਕਾਮਧਾਤੁવੇਪਕ੍ਕਞ੍ਚ, ਆਨਨ੍ਦ, ਕਮ੍ਮਂ ਨਾਭવਿਸ੍ਸ, ਅਪਿ ਨੁ ਖੋ ਕਾਮਭવੋ ਪਞ੍ਞਾਯੇਥਾ’’ਤਿ? ‘‘ਨੋ ਹੇਤਂ ਭਨ੍ਤੇ’’। ‘‘ਇਤਿ ਖੋ, ਆਨਨ੍ਦ, ਕਮ੍ਮਂ ਖੇਤ੍ਤਂ, વਿਞ੍ਞਾਣਂ ਬੀਜਂ, ਤਣ੍ਹਾ ਸ੍ਨੇਹੋ। ਅવਿਜ੍ਜਾਨੀવਰਣਾਨਂ ਸਤ੍ਤਾਨਂ ਤਣ੍ਹਾਸਂਯੋਜਨਾਨਂ ਹੀਨਾਯ ਧਾਤੁਯਾ ਚੇਤਨਾ ਪਤਿਟ੍ਠਿਤਾ ਪਤ੍ਥਨਾ ਪਤਿਟ੍ਠਿਤਾ ਏવਂ ਆਯਤਿਂ ਪੁਨਬ੍ਭવਾਭਿਨਿਬ੍ਬਤ੍ਤਿ ਹੋਤਿ’’।
‘‘Kāmadhātuvepakkañca, ānanda, kammaṃ nābhavissa, api nu kho kāmabhavo paññāyethā’’ti? ‘‘No hetaṃ bhante’’. ‘‘Iti kho, ānanda, kammaṃ khettaṃ, viññāṇaṃ bījaṃ, taṇhā sneho. Avijjānīvaraṇānaṃ sattānaṃ taṇhāsaṃyojanānaṃ hīnāya dhātuyā cetanā patiṭṭhitā patthanā patiṭṭhitā evaṃ āyatiṃ punabbhavābhinibbatti hoti’’.
‘‘ਰੂਪਧਾਤੁવੇਪਕ੍ਕਞ੍ਚ, ਆਨਨ੍ਦ, ਕਮ੍ਮਂ ਨਾਭવਿਸ੍ਸ, ਅਪਿ ਨੁ ਖੋ ਰੂਪਭવੋ ਪਞ੍ਞਾਯੇਥਾ’’ਤਿ? ‘‘ਨੋ ਹੇਤਂ, ਭਨ੍ਤੇ’’। ‘‘ਇਤਿ ਖੋ, ਆਨਨ੍ਦ, ਕਮ੍ਮਂ ਖੇਤ੍ਤਂ, વਿਞ੍ਞਾਣਂ ਬੀਜਂ, ਤਣ੍ਹਾ ਸ੍ਨੇਹੋ। ਅવਿਜ੍ਜਾਨੀવਰਣਾਨਂ ਸਤ੍ਤਾਨਂ ਤਣ੍ਹਾਸਂਯੋਜਨਾਨਂ ਮਜ੍ਝਿਮਾਯ ਧਾਤੁਯਾ ਚੇਤਨਾ ਪਤਿਟ੍ਠਿਤਾ ਪਤ੍ਥਨਾ ਪਤਿਟ੍ਠਿਤਾ ਏવਂ ਆਯਤਿਂ ਪੁਨਬ੍ਭવਾਭਿਨਿਬ੍ਬਤ੍ਤਿ ਹੋਤਿ’’।
‘‘Rūpadhātuvepakkañca, ānanda, kammaṃ nābhavissa, api nu kho rūpabhavo paññāyethā’’ti? ‘‘No hetaṃ, bhante’’. ‘‘Iti kho, ānanda, kammaṃ khettaṃ, viññāṇaṃ bījaṃ, taṇhā sneho. Avijjānīvaraṇānaṃ sattānaṃ taṇhāsaṃyojanānaṃ majjhimāya dhātuyā cetanā patiṭṭhitā patthanā patiṭṭhitā evaṃ āyatiṃ punabbhavābhinibbatti hoti’’.
‘‘ਅਰੂਪਧਾਤੁવੇਪਕ੍ਕਞ੍ਚ, ਆਨਨ੍ਦ, ਕਮ੍ਮਂ ਨਾਭવਿਸ੍ਸ, ਅਪਿ ਨੁ ਖੋ ਅਰੂਪਭવੋ ਪਞ੍ਞਾਯੇਥਾ’’ਤਿ? ‘‘ਨੋ ਹੇਤਂ, ਭਨ੍ਤੇ’’। ‘‘ਇਤਿ ਖੋ, ਆਨਨ੍ਦ, ਕਮ੍ਮਂ ਖੇਤ੍ਤਂ, વਿਞ੍ਞਾਣਂ ਬੀਜਂ, ਤਣ੍ਹਾ ਸ੍ਨੇਹੋ। ਅવਿਜ੍ਜਾਨੀવਰਣਾਨਂ ਸਤ੍ਤਾਨਂ ਤਣ੍ਹਾਸਂਯੋਜਨਾਨਂ ਪਣੀਤਾਯ ਧਾਤੁਯਾ ਚੇਤਨਾ ਪਤਿਟ੍ਠਿਤਾ ਪਤ੍ਥਨਾ ਪਤਿਟ੍ਠਿਤਾ ਏવਂ ਆਯਤਿਂ ਪੁਨਬ੍ਭવਾਭਿਨਿਬ੍ਬਤ੍ਤਿ ਹੋਤਿ। ਏવਂ ਖੋ, ਆਨਨ੍ਦ, ਭવੋ ਹੋਤੀ’’ਤਿ। ਸਤ੍ਤਮਂ।
‘‘Arūpadhātuvepakkañca, ānanda, kammaṃ nābhavissa, api nu kho arūpabhavo paññāyethā’’ti? ‘‘No hetaṃ, bhante’’. ‘‘Iti kho, ānanda, kammaṃ khettaṃ, viññāṇaṃ bījaṃ, taṇhā sneho. Avijjānīvaraṇānaṃ sattānaṃ taṇhāsaṃyojanānaṃ paṇītāya dhātuyā cetanā patiṭṭhitā patthanā patiṭṭhitā evaṃ āyatiṃ punabbhavābhinibbatti hoti. Evaṃ kho, ānanda, bhavo hotī’’ti. Sattamaṃ.
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੭. ਦੁਤਿਯਭવਸੁਤ੍ਤવਣ੍ਣਨਾ • 7. Dutiyabhavasuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੬-੭. ਪਠਮਭવਸੁਤ੍ਤਾਦਿવਣ੍ਣਨਾ • 6-7. Paṭhamabhavasuttādivaṇṇanā
