| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
9. து³தியப⁴யவேரூபஸந்தஸுத்தங்
9. Dutiyabhayaverūpasantasuttaṃ
1025. ஸாவத்தி²னிதா³னங்…பே॰… ‘‘யதோ கோ², பி⁴க்க²வே, அரியஸாவகஸ்ஸ இமானி பஞ்ச ப⁴யானி வேரானி வூபஸந்தானி ஹொந்தி, இமேஹி சதூஹி ஸோதாபத்தியங்கே³ஹி ஸமன்னாக³தோ ஹோதி, அயஞ்சஸ்ஸ அரியோ ஞாயோ பஞ்ஞாய ஸுதி³ட்டோ² ஹோதி ஸுப்படிவித்³தோ⁴; ஸோ ஆகங்க²மானோ அத்தனாவ அத்தானங் ப்³யாகரெய்ய – ‘கீ²ணனிரயொம்ஹி கீ²ணதிரச்சா²னயோனி கீ²ணபெத்திவிஸயோ கீ²ணாபாயது³க்³க³திவினிபாதோ; ஸோதாபன்னோஹமஸ்மி அவினிபாதத⁴ம்மோ நியதோ ஸம்போ³தி⁴பராயணோ’’’தி. நவமங்.
1025. Sāvatthinidānaṃ…pe… ‘‘yato kho, bhikkhave, ariyasāvakassa imāni pañca bhayāni verāni vūpasantāni honti, imehi catūhi sotāpattiyaṅgehi samannāgato hoti, ayañcassa ariyo ñāyo paññāya sudiṭṭho hoti suppaṭividdho; so ākaṅkhamāno attanāva attānaṃ byākareyya – ‘khīṇanirayomhi khīṇatiracchānayoni khīṇapettivisayo khīṇāpāyaduggativinipāto; sotāpannohamasmi avinipātadhammo niyato sambodhiparāyaṇo’’’ti. Navamaṃ.
