| Library / Tipiṭaka / तिपिटक • Tipiṭaka / विमानवत्थुपाळि • Vimānavatthupāḷi |
११. दुतियभिक्खादायिकाविमानवत्थु
11. Dutiyabhikkhādāyikāvimānavatthu
२७८.
278.
‘‘अभिक्कन्तेन वण्णेन, या त्वं तिट्ठसि देवते।
‘‘Abhikkantena vaṇṇena, yā tvaṃ tiṭṭhasi devate;
ओभासेन्ती दिसा सब्बा, ओसधी विय तारका॥
Obhāsentī disā sabbā, osadhī viya tārakā.
२७९.
279.
‘‘केन तेतादिसो वण्णो…पे॰… वण्णो च ते सब्बदिसा पभासती’’ति॥
‘‘Kena tetādiso vaṇṇo…pe… vaṇṇo ca te sabbadisā pabhāsatī’’ti.
२८१.
281.
सा देवता अत्तमना…पे॰… यस्स कम्मस्सिदं फलं॥
Sā devatā attamanā…pe… yassa kammassidaṃ phalaṃ.
२८२.
282.
‘‘अहं मनुस्सेसु मनुस्सभूता, पुरिमाय जातिया मनुस्सलोके॥
‘‘Ahaṃ manussesu manussabhūtā, purimāya jātiyā manussaloke.
२८३.
283.
‘‘अद्दसं विरजं भिक्खुं, विप्पसन्नमनाविलं।
‘‘Addasaṃ virajaṃ bhikkhuṃ, vippasannamanāvilaṃ;
तस्स अदासहं भिक्खं, पसन्ना सेहि पाणिभि॥
Tassa adāsahaṃ bhikkhaṃ, pasannā sehi pāṇibhi.
२८४.
284.
‘‘तेन मेतादिसो वण्णो…पे॰ … वण्णो च मे सब्बदिसा पभासती’’ति॥
‘‘Tena metādiso vaṇṇo…pe. … vaṇṇo ca me sabbadisā pabhāsatī’’ti.
दुतियभिक्खादायिकाविमानं एकादसमं।
Dutiyabhikkhādāyikāvimānaṃ ekādasamaṃ.
चित्तलतावग्गो दुतियो निट्ठितो।
Cittalatāvaggo dutiyo niṭṭhito.
तस्सुद्दानं –
Tassuddānaṃ –
दासी चेव लखुमा च, अथ आचामदायिका।
Dāsī ceva lakhumā ca, atha ācāmadāyikā;
वग्गो तेन पवुच्चतीति॥
Vaggo tena pavuccatīti.
भाणवारं पठमं निट्ठितं।
Bhāṇavāraṃ paṭhamaṃ niṭṭhitaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / विमानवत्थु-अट्ठकथा • Vimānavatthu-aṭṭhakathā / ११. दुतियभिक्खादायिकाविमानवण्णना • 11. Dutiyabhikkhādāyikāvimānavaṇṇanā
