| Library / Tipiṭaka / තිපිටක • Tipiṭaka / විමානවත්‌ථුපාළි • Vimānavatthupāḷi |
11. දුතියභික්‌ඛාදායිකාවිමානවත්‌ථු
11. Dutiyabhikkhādāyikāvimānavatthu
278.
278.
‘‘අභික්‌කන්‌තෙන වණ්‌ණෙන, යා ත්‌වං තිට්‌ඨසි දෙවතෙ;
‘‘Abhikkantena vaṇṇena, yā tvaṃ tiṭṭhasi devate;
ඔභාසෙන්‌තී දිසා සබ්‌බා, ඔසධී විය තාරකා.
Obhāsentī disā sabbā, osadhī viya tārakā.
279.
279.
‘‘කෙන තෙතාදිසො වණ්‌ණො…පෙ.… වණ්‌ණො ච තෙ සබ්‌බදිසා පභාසතී’’ති.
‘‘Kena tetādiso vaṇṇo…pe… vaṇṇo ca te sabbadisā pabhāsatī’’ti.
281.
281.
සා දෙවතා අත්‌තමනා…පෙ.… යස්‌ස කම්‌මස්‌සිදං ඵලං.
Sā devatā attamanā…pe… yassa kammassidaṃ phalaṃ.
282.
282.
‘‘අහං මනුස්‌සෙසු මනුස්‌සභූතා, පුරිමාය ජාතියා මනුස්‌සලොකෙ.
‘‘Ahaṃ manussesu manussabhūtā, purimāya jātiyā manussaloke.
283.
283.
‘‘අද්‌දසං විරජං භික්‌ඛුං, විප්‌පසන්‌නමනාවිලං;
‘‘Addasaṃ virajaṃ bhikkhuṃ, vippasannamanāvilaṃ;
තස්‌ස අදාසහං භික්‌ඛං, පසන්‌නා සෙහි පාණිභි.
Tassa adāsahaṃ bhikkhaṃ, pasannā sehi pāṇibhi.
284.
284.
‘‘තෙන මෙතාදිසො වණ්‌ණො…පෙ. … වණ්‌ණො ච මෙ සබ්‌බදිසා පභාසතී’’ති.
‘‘Tena metādiso vaṇṇo…pe. … vaṇṇo ca me sabbadisā pabhāsatī’’ti.
දුතියභික්‌ඛාදායිකාවිමානං එකාදසමං.
Dutiyabhikkhādāyikāvimānaṃ ekādasamaṃ.
චිත්‌තලතාවග්‌ගො දුතියො නිට්‌ඨිතො.
Cittalatāvaggo dutiyo niṭṭhito.
තස්‌සුද්‌දානං –
Tassuddānaṃ –
දාසී චෙව ලඛුමා ච, අථ ආචාමදායිකා;
Dāsī ceva lakhumā ca, atha ācāmadāyikā;
නිද්‌දා චෙව සුනිද්‌දා ච 3, ද්‌වෙ ච භික්‌ඛාය දායිකා;
Niddā ceva suniddā ca 4, dve ca bhikkhāya dāyikā;
වග්‌ගො තෙන පවුච්‌චතීති.
Vaggo tena pavuccatīti.
භාණවාරං පඨමං නිට්‌ඨිතං.
Bhāṇavāraṃ paṭhamaṃ niṭṭhitaṃ.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / විමානවත්‌ථු-අට්‌ඨකථා • Vimānavatthu-aṭṭhakathā / 11. දුතියභික්‌ඛාදායිකාවිමානවණ්‌ණනා • 11. Dutiyabhikkhādāyikāvimānavaṇṇanā
