| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
৮. দুতিযাভিনন্দসুত্তং
8. Dutiyābhinandasuttaṃ
২০. ‘‘যো, ভিক্খৰে, রূপে অভিনন্দতি, দুক্খং সো অভিনন্দতি। যো দুক্খং অভিনন্দতি, অপরিমুত্তো সো দুক্খস্মাতি ৰদামি। যো সদ্দে…পে॰… গন্ধে… রসে… ফোট্ঠব্বে… ধম্মে অভিনন্দতি, দুক্খং সো অভিনন্দতি। যো দুক্খং অভিনন্দতি, অপরিমুত্তো সো দুক্খস্মা’’তি ৰদামি।
20. ‘‘Yo, bhikkhave, rūpe abhinandati, dukkhaṃ so abhinandati. Yo dukkhaṃ abhinandati, aparimutto so dukkhasmāti vadāmi. Yo sadde…pe… gandhe… rase… phoṭṭhabbe… dhamme abhinandati, dukkhaṃ so abhinandati. Yo dukkhaṃ abhinandati, aparimutto so dukkhasmā’’ti vadāmi.
‘‘যো চ খো, ভিক্খৰে, রূপে নাভিনন্দতি, দুক্খং সো নাভিনন্দতি। যো দুক্খং নাভিনন্দতি, পরিমুত্তো সো দুক্খস্মাতি ৰদামি । যো সদ্দে…পে॰… গন্ধে… রসে… ফোট্ঠব্বে… ধম্মে নাভিনন্দতি, দুক্খং সো নাভিনন্দতি। যো দুক্খং নাভিনন্দতি, পরিমুত্তো সো দুক্খস্মা’’তি ৰদামি। অট্ঠমং।
‘‘Yo ca kho, bhikkhave, rūpe nābhinandati, dukkhaṃ so nābhinandati. Yo dukkhaṃ nābhinandati, parimutto so dukkhasmāti vadāmi . Yo sadde…pe… gandhe… rase… phoṭṭhabbe… dhamme nābhinandati, dukkhaṃ so nābhinandati. Yo dukkhaṃ nābhinandati, parimutto so dukkhasmā’’ti vadāmi. Aṭṭhamaṃ.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৭-১০. পঠমাভিনন্দসুত্তাদিৰণ্ণনা • 7-10. Paṭhamābhinandasuttādivaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ৭-১০. পঠমাভিনন্দসুত্তাদিৰণ্ণনা • 7-10. Paṭhamābhinandasuttādivaṇṇanā
