| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
8. දුතියාභිනන්‌දසුත්‌තං
8. Dutiyābhinandasuttaṃ
20. ‘‘යො, භික්‌ඛවෙ, රූපෙ අභිනන්‌දති, දුක්‌ඛං සො අභිනන්‌දති. යො දුක්‌ඛං අභිනන්‌දති, අපරිමුත්‌තො සො දුක්‌ඛස්‌මාති වදාමි. යො සද්‌දෙ…පෙ.… ගන්‌ධෙ… රසෙ… ඵොට්‌ඨබ්‌බෙ… ධම්‌මෙ අභිනන්‌දති, දුක්‌ඛං සො අභිනන්‌දති. යො දුක්‌ඛං අභිනන්‌දති, අපරිමුත්‌තො සො දුක්‌ඛස්‌මා’’ති වදාමි.
20. ‘‘Yo, bhikkhave, rūpe abhinandati, dukkhaṃ so abhinandati. Yo dukkhaṃ abhinandati, aparimutto so dukkhasmāti vadāmi. Yo sadde…pe… gandhe… rase… phoṭṭhabbe… dhamme abhinandati, dukkhaṃ so abhinandati. Yo dukkhaṃ abhinandati, aparimutto so dukkhasmā’’ti vadāmi.
‘‘යො ච ඛො, භික්‌ඛවෙ, රූපෙ නාභිනන්‌දති, දුක්‌ඛං සො නාභිනන්‌දති. යො දුක්‌ඛං නාභිනන්‌දති, පරිමුත්‌තො සො දුක්‌ඛස්‌මාති වදාමි . යො සද්‌දෙ…පෙ.… ගන්‌ධෙ… රසෙ… ඵොට්‌ඨබ්‌බෙ… ධම්‌මෙ නාභිනන්‌දති, දුක්‌ඛං සො නාභිනන්‌දති. යො දුක්‌ඛං නාභිනන්‌දති, පරිමුත්‌තො සො දුක්‌ඛස්‌මා’’ති වදාමි. අට්‌ඨමං.
‘‘Yo ca kho, bhikkhave, rūpe nābhinandati, dukkhaṃ so nābhinandati. Yo dukkhaṃ nābhinandati, parimutto so dukkhasmāti vadāmi . Yo sadde…pe… gandhe… rase… phoṭṭhabbe… dhamme nābhinandati, dukkhaṃ so nābhinandati. Yo dukkhaṃ nābhinandati, parimutto so dukkhasmā’’ti vadāmi. Aṭṭhamaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 7-10. පඨමාභිනන්‌දසුත්‌තාදිවණ්‌ණනා • 7-10. Paṭhamābhinandasuttādivaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 7-10. පඨමාභිනන්‌දසුත්‌තාදිවණ්‌ණනා • 7-10. Paṭhamābhinandasuttādivaṇṇanā
