| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
10. දුතියබ්‍රහ්‌මචරියසුත්‌තං
10. Dutiyabrahmacariyasuttaṃ
40. සාවත්‌ථිනිදානං. ‘‘බ්‍රහ්‌මචරියඤ්‌ච වො, භික්‌ඛවෙ, දෙසෙස්‌සාමි, බ්‍රහ්‌මචරියත්‌ථඤ්‌ච. තං සුණාථ. කතමඤ්‌ච, භික්‌ඛවෙ, බ්‍රහ්‌මචරියං? අයමෙව අරියො අට්‌ඨඞ්‌ගිකො මග්‌ගො, සෙය්‍යථිදං – සම්‌මාදිට්‌ඨි…පෙ.… සම්‌මාසමාධි. ඉදං වුච්‌චති, භික්‌ඛවෙ, බ්‍රහ්‌මචරියං. කතමො ච, භික්‌ඛවෙ, බ්‍රහ්‌මචරියත්‌ථො? යො ඛො, භික්‌ඛවෙ, රාගක්‌ඛයො දොසක්‌ඛයො මොහක්‌ඛයො – අයං වුච්‌චති, භික්‌ඛවෙ, බ්‍රහ්‌මචරියත්‌ථො’’ති. දසමං.
40. Sāvatthinidānaṃ. ‘‘Brahmacariyañca vo, bhikkhave, desessāmi, brahmacariyatthañca. Taṃ suṇātha. Katamañca, bhikkhave, brahmacariyaṃ? Ayameva ariyo aṭṭhaṅgiko maggo, seyyathidaṃ – sammādiṭṭhi…pe… sammāsamādhi. Idaṃ vuccati, bhikkhave, brahmacariyaṃ. Katamo ca, bhikkhave, brahmacariyattho? Yo kho, bhikkhave, rāgakkhayo dosakkhayo mohakkhayo – ayaṃ vuccati, bhikkhave, brahmacariyattho’’ti. Dasamaṃ.
පටිපත්‌තිවග්‌ගො චතුත්‌ථො.
Paṭipattivaggo catuttho.
තස්‌සුද්‌දානං –
Tassuddānaṃ –
පටිපත්‌ති පටිපන්‌නො ච, විරද්‌ධඤ්‌ච පාරංගමා;
Paṭipatti paṭipanno ca, viraddhañca pāraṃgamā;
සාමඤ්‌ඤෙන ච ද්‌වෙ වුත්‌තා, බ්‍රහ්‌මඤ්‌ඤා අපරෙ දුවෙ;
Sāmaññena ca dve vuttā, brahmaññā apare duve;
බ්‍රහ්‌මචරියෙන ද්‌වෙ වුත්‌තා, වග්‌ගො තෙන පවුච්‌චතීති.
Brahmacariyena dve vuttā, vaggo tena pavuccatīti.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 4. පටිපත්‌තිවග්‌ගවණ්‌ණනා • 4. Paṭipattivaggavaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 4. පටිපත්‌තිවග්‌ගවණ්‌ණනා • 4. Paṭipattivaggavaṇṇanā
