| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ • Saṃyuttanikāya |
੧੦. ਦੁਤਿਯਬ੍ਰਹ੍ਮਚਰਿਯਸੁਤ੍ਤਂ
10. Dutiyabrahmacariyasuttaṃ
੪੦. ਸਾવਤ੍ਥਿਨਿਦਾਨਂ। ‘‘ਬ੍ਰਹ੍ਮਚਰਿਯਞ੍ਚ વੋ, ਭਿਕ੍ਖવੇ, ਦੇਸੇਸ੍ਸਾਮਿ, ਬ੍ਰਹ੍ਮਚਰਿਯਤ੍ਥਞ੍ਚ। ਤਂ ਸੁਣਾਥ। ਕਤਮਞ੍ਚ, ਭਿਕ੍ਖવੇ, ਬ੍ਰਹ੍ਮਚਰਿਯਂ? ਅਯਮੇવ ਅਰਿਯੋ ਅਟ੍ਠਙ੍ਗਿਕੋ ਮਗ੍ਗੋ, ਸੇਯ੍ਯਥਿਦਂ – ਸਮ੍ਮਾਦਿਟ੍ਠਿ…ਪੇ॰… ਸਮ੍ਮਾਸਮਾਧਿ। ਇਦਂ વੁਚ੍ਚਤਿ, ਭਿਕ੍ਖવੇ, ਬ੍ਰਹ੍ਮਚਰਿਯਂ। ਕਤਮੋ ਚ, ਭਿਕ੍ਖવੇ, ਬ੍ਰਹ੍ਮਚਰਿਯਤ੍ਥੋ? ਯੋ ਖੋ, ਭਿਕ੍ਖવੇ, ਰਾਗਕ੍ਖਯੋ ਦੋਸਕ੍ਖਯੋ ਮੋਹਕ੍ਖਯੋ – ਅਯਂ વੁਚ੍ਚਤਿ, ਭਿਕ੍ਖવੇ, ਬ੍ਰਹ੍ਮਚਰਿਯਤ੍ਥੋ’’ਤਿ। ਦਸਮਂ।
40. Sāvatthinidānaṃ. ‘‘Brahmacariyañca vo, bhikkhave, desessāmi, brahmacariyatthañca. Taṃ suṇātha. Katamañca, bhikkhave, brahmacariyaṃ? Ayameva ariyo aṭṭhaṅgiko maggo, seyyathidaṃ – sammādiṭṭhi…pe… sammāsamādhi. Idaṃ vuccati, bhikkhave, brahmacariyaṃ. Katamo ca, bhikkhave, brahmacariyattho? Yo kho, bhikkhave, rāgakkhayo dosakkhayo mohakkhayo – ayaṃ vuccati, bhikkhave, brahmacariyattho’’ti. Dasamaṃ.
ਪਟਿਪਤ੍ਤਿવਗ੍ਗੋ ਚਤੁਤ੍ਥੋ।
Paṭipattivaggo catuttho.
ਤਸ੍ਸੁਦ੍ਦਾਨਂ –
Tassuddānaṃ –
ਪਟਿਪਤ੍ਤਿ ਪਟਿਪਨ੍ਨੋ ਚ, વਿਰਦ੍ਧਞ੍ਚ ਪਾਰਂਗਮਾ।
Paṭipatti paṭipanno ca, viraddhañca pāraṃgamā;
ਸਾਮਞ੍ਞੇਨ ਚ ਦ੍વੇ વੁਤ੍ਤਾ, ਬ੍ਰਹ੍ਮਞ੍ਞਾ ਅਪਰੇ ਦੁવੇ।
Sāmaññena ca dve vuttā, brahmaññā apare duve;
ਬ੍ਰਹ੍ਮਚਰਿਯੇਨ ਦ੍વੇ વੁਤ੍ਤਾ, વਗ੍ਗੋ ਤੇਨ ਪવੁਚ੍ਚਤੀਤਿ॥
Brahmacariyena dve vuttā, vaggo tena pavuccatīti.
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੪. ਪਟਿਪਤ੍ਤਿવਗ੍ਗવਣ੍ਣਨਾ • 4. Paṭipattivaggavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੪. ਪਟਿਪਤ੍ਤਿવਗ੍ਗવਣ੍ਣਨਾ • 4. Paṭipattivaggavaṇṇanā
