| Library / Tipiṭaka / திபிடக • Tipiṭaka / அங்கு³த்தரனிகாய (டீகா) • Aṅguttaranikāya (ṭīkā) |
2. து³தியசக்கானுவத்தனஸுத்தவண்ணனா
2. Dutiyacakkānuvattanasuttavaṇṇanā
132. து³தியே சக்கவத்திவத்தந்தி த³ஸவித⁴ங், த்³வாத³ஸவித⁴ங் வா சக்கவத்திபா⁴வாவஹங் வத்தங். தத்த² அந்தோஜனஸ்மிங் ப³லகாயே த⁴ம்மிகாயேவ ரக்கா²வரணகு³த்தியா ஸங்விதா⁴னங், க²த்தியேஸு, அனுயந்தேஸு, ப்³ராஹ்மணக³ஹபதிகேஸு, நேக³மஜானபதே³ஸு, ஸமணப்³ராஹ்மணேஸு, மிக³பக்கீ²ஸு, அத⁴ம்மிகபடிக்கே²போ, அத⁴னானங் த⁴னானுப்பதா³னங், ஸமணப்³ராஹ்மணே உபஸங்கமித்வா பஞ்ஹபுச்ச²னந்தி இத³ங் த³ஸவித⁴ங் சக்கவத்திவத்தங். இத³மேவ ச க³ஹபதிகே பக்கி²ஜாதே ச விஸுங் கத்வா க³ஹணவஸேன த்³வாத³ஸவித⁴ங். பிதரா பவத்திதமேவ அனுப்பவத்தேதீதி த³ஸவித⁴ங் வா த்³வாத³ஸவித⁴ங் வா சக்கவத்திவத்தங் பூரெத்வா நிஸின்னஸ்ஸ புத்தஸ்ஸ அஞ்ஞங் பாதுப⁴வதி, ஸோ தங் பவத்தேதி. ரதனமயத்தா பன ஸதி³ஸட்டே²ன ததே³வேதந்தி கத்வா ‘‘பிதரா பவத்தித’’ந்தி வுத்தங். யஸ்மா வா ஸோ ‘‘அப்பொஸ்ஸுக்கோ, த்வங் தே³வ, ஹோஹி, அஹமனுஸாஸிஸ்ஸாமீ’’தி ஆஹ. தஸ்மா பிதரா பவத்திதங் ஆணாசக்கங் அனுப்பவத்தேதி நாமாதி ஏவமெத்த² அத்தோ² த³ட்ட²ப்³போ³. யஞ்ஹி அத்தனோ புஞ்ஞானுபா⁴வஸித்³த⁴ங் சக்கரதனங், தங் நிப்பரியாயதோ தேன பவத்திதங் நாம, நேதரந்தி பட²மனயோ வுத்தோ. யஸ்மா பவத்திதஸ்ஸேவ அனுவத்தனங், பட²மனயோ ச தங்ஸதி³ஸே தப்³போ³ஹாரவஸேன வுத்தோதி தங் அனாதி³யித்வா து³தியனயோ வுத்தோ.
132. Dutiye cakkavattivattanti dasavidhaṃ, dvādasavidhaṃ vā cakkavattibhāvāvahaṃ vattaṃ. Tattha antojanasmiṃ balakāye dhammikāyeva rakkhāvaraṇaguttiyā saṃvidhānaṃ, khattiyesu, anuyantesu, brāhmaṇagahapatikesu, negamajānapadesu, samaṇabrāhmaṇesu, migapakkhīsu, adhammikapaṭikkhepo, adhanānaṃ dhanānuppadānaṃ, samaṇabrāhmaṇe upasaṅkamitvā pañhapucchananti idaṃ dasavidhaṃ cakkavattivattaṃ. Idameva ca gahapatike pakkhijāte ca visuṃ katvā gahaṇavasena dvādasavidhaṃ. Pitarā pavattitameva anuppavattetīti dasavidhaṃ vā dvādasavidhaṃ vā cakkavattivattaṃ pūretvā nisinnassa puttassa aññaṃ pātubhavati, so taṃ pavatteti. Ratanamayattā pana sadisaṭṭhena tadevetanti katvā ‘‘pitarā pavattita’’nti vuttaṃ. Yasmā vā so ‘‘appossukko, tvaṃ deva, hohi, ahamanusāsissāmī’’ti āha. Tasmā pitarā pavattitaṃ āṇācakkaṃ anuppavatteti nāmāti evamettha attho daṭṭhabbo. Yañhi attano puññānubhāvasiddhaṃ cakkaratanaṃ, taṃ nippariyāyato tena pavattitaṃ nāma, netaranti paṭhamanayo vutto. Yasmā pavattitasseva anuvattanaṃ, paṭhamanayo ca taṃsadise tabbohāravasena vuttoti taṃ anādiyitvā dutiyanayo vutto.
து³தியசக்கானுவத்தனஸுத்தவண்ணனா நிட்டி²தா.
Dutiyacakkānuvattanasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 2. து³தியசக்கானுவத்தனஸுத்தங் • 2. Dutiyacakkānuvattanasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 2. து³தியசக்கானுவத்தனஸுத்தவண்ணனா • 2. Dutiyacakkānuvattanasuttavaṇṇanā
