| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) |
༢. དུཏིཡཙཀྐཱནུཝཏྟནསུཏྟཝཎྞནཱ
2. Dutiyacakkānuvattanasuttavaṇṇanā
༡༣༢. དུཏིཡེ ཙཀྐཝཏྟིཝཏྟནྟི དསཝིདྷཾ, དྭཱདསཝིདྷཾ ཝཱ ཙཀྐཝཏྟིབྷཱཝཱཝཧཾ ཝཏྟཾ། ཏཏྠ ཨནྟོཛནསྨིཾ བལཀཱཡེ དྷམྨིཀཱཡེཝ རཀྑཱཝརཎགུཏྟིཡཱ སཾཝིདྷཱནཾ, ཁཏྟིཡེསུ, ཨནུཡནྟེསུ, བྲཱཧྨཎགཧཔཏིཀེསུ, ནེགམཛཱནཔདེསུ, སམཎབྲཱཧྨཎེསུ, མིགཔཀྑཱིསུ, ཨདྷམྨིཀཔཊིཀྑེཔོ, ཨདྷནཱནཾ དྷནཱནུཔྤདཱནཾ, སམཎབྲཱཧྨཎེ ཨུཔསངྐམིཏྭཱ པཉྷཔུཙྪནནྟི ཨིདཾ དསཝིདྷཾ ཙཀྐཝཏྟིཝཏྟཾ། ཨིདམེཝ ཙ གཧཔཏིཀེ པཀྑིཛཱཏེ ཙ ཝིསུཾ ཀཏྭཱ གཧཎཝསེན དྭཱདསཝིདྷཾ། པིཏརཱ པཝཏྟིཏམེཝ ཨནུཔྤཝཏྟེཏཱིཏི དསཝིདྷཾ ཝཱ དྭཱདསཝིདྷཾ ཝཱ ཙཀྐཝཏྟིཝཏྟཾ པཱུརེཏྭཱ ནིསིནྣསྶ པུཏྟསྶ ཨཉྙཾ པཱཏུབྷཝཏི, སོ ཏཾ པཝཏྟེཏི། རཏནམཡཏྟཱ པན སདིསཊྛེན ཏདེཝེཏནྟི ཀཏྭཱ ‘‘པིཏརཱ པཝཏྟིཏ’’ནྟི ཝུཏྟཾ། ཡསྨཱ ཝཱ སོ ‘‘ཨཔྤོསྶུཀྐོ, ཏྭཾ དེཝ, ཧོཧི, ཨཧམནུསཱསིསྶཱམཱི’’ཏི ཨཱཧ། ཏསྨཱ པིཏརཱ པཝཏྟིཏཾ ཨཱཎཱཙཀྐཾ ཨནུཔྤཝཏྟེཏི ནཱམཱཏི ཨེཝམེཏྠ ཨཏྠོ དཊྛབྦོ། ཡཉྷི ཨཏྟནོ པུཉྙཱནུབྷཱཝསིདྡྷཾ ཙཀྐརཏནཾ, ཏཾ ནིཔྤརིཡཱཡཏོ ཏེན པཝཏྟིཏཾ ནཱམ, ནེཏརནྟི པཋམནཡོ ཝུཏྟོ། ཡསྨཱ པཝཏྟིཏསྶེཝ ཨནུཝཏྟནཾ, པཋམནཡོ ཙ ཏཾསདིསེ ཏབྦོཧཱརཝསེན ཝུཏྟོཏི ཏཾ ཨནཱདིཡིཏྭཱ དུཏིཡནཡོ ཝུཏྟོ།
132. Dutiye cakkavattivattanti dasavidhaṃ, dvādasavidhaṃ vā cakkavattibhāvāvahaṃ vattaṃ. Tattha antojanasmiṃ balakāye dhammikāyeva rakkhāvaraṇaguttiyā saṃvidhānaṃ, khattiyesu, anuyantesu, brāhmaṇagahapatikesu, negamajānapadesu, samaṇabrāhmaṇesu, migapakkhīsu, adhammikapaṭikkhepo, adhanānaṃ dhanānuppadānaṃ, samaṇabrāhmaṇe upasaṅkamitvā pañhapucchananti idaṃ dasavidhaṃ cakkavattivattaṃ. Idameva ca gahapatike pakkhijāte ca visuṃ katvā gahaṇavasena dvādasavidhaṃ. Pitarā pavattitameva anuppavattetīti dasavidhaṃ vā dvādasavidhaṃ vā cakkavattivattaṃ pūretvā nisinnassa puttassa aññaṃ pātubhavati, so taṃ pavatteti. Ratanamayattā pana sadisaṭṭhena tadevetanti katvā ‘‘pitarā pavattita’’nti vuttaṃ. Yasmā vā so ‘‘appossukko, tvaṃ deva, hohi, ahamanusāsissāmī’’ti āha. Tasmā pitarā pavattitaṃ āṇācakkaṃ anuppavatteti nāmāti evamettha attho daṭṭhabbo. Yañhi attano puññānubhāvasiddhaṃ cakkaratanaṃ, taṃ nippariyāyato tena pavattitaṃ nāma, netaranti paṭhamanayo vutto. Yasmā pavattitasseva anuvattanaṃ, paṭhamanayo ca taṃsadise tabbohāravasena vuttoti taṃ anādiyitvā dutiyanayo vutto.
དུཏིཡཙཀྐཱནུཝཏྟནསུཏྟཝཎྞནཱ ནིཊྛིཏཱ།
Dutiyacakkānuvattanasuttavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཨངྒུཏྟརནིཀཱཡ • Aṅguttaranikāya / ༢. དུཏིཡཙཀྐཱནུཝཏྟནསུཏྟཾ • 2. Dutiyacakkānuvattanasuttaṃ
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) / ༢. དུཏིཡཙཀྐཱནུཝཏྟནསུཏྟཝཎྞནཱ • 2. Dutiyacakkānuvattanasuttavaṇṇanā
