| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
9. д̣̇уд̇ияажзд̇анаасуд̇д̇ам̣
9. Dutiyacetanāsuttaṃ
39. саавад̇т̇ияам̣ вихарад̇и…бз… ‘‘яан̃жа, бхигкавз, жзд̇зд̇и яан̃жа багаббзд̇и яан̃жа анусзд̇и, аарамман̣амзд̇ам̣ ход̇и вин̃н̃аан̣асса тид̇ияаа. аарамман̣з сад̇и бад̇идтаа вин̃н̃аан̣асса ход̇и. д̇асмим̣ бад̇идтид̇з вин̃н̃аан̣з вируул̣хз наамаруубасса авагганд̇и ход̇и. наамаруубабажжаяаа сал̣ааяад̇анам̣; сал̣ааяад̇анабажжаяаа пассо; пассабажжаяаа взд̣̇анаа…бз… д̇ан̣хаа… убаад̣̇аанам̣… бхаво… ж̇аад̇и… ж̇араамаран̣ам̣ согабарид̣̇звад̣̇угкад̣̇оманассубааяаасаа самбхаванд̇и. звамзд̇асса гзваласса д̣̇угкагканд̇хасса самуд̣̇аяо ход̇и’’.
39. Sāvatthiyaṃ viharati…pe… ‘‘yañca, bhikkhave, ceteti yañca pakappeti yañca anuseti, ārammaṇametaṃ hoti viññāṇassa ṭhitiyā. Ārammaṇe sati patiṭṭhā viññāṇassa hoti. Tasmiṃ patiṭṭhite viññāṇe virūḷhe nāmarūpassa avakkanti hoti. Nāmarūpapaccayā saḷāyatanaṃ; saḷāyatanapaccayā phasso; phassapaccayā vedanā…pe… taṇhā… upādānaṃ… bhavo… jāti… jarāmaraṇaṃ sokaparidevadukkhadomanassupāyāsā sambhavanti. Evametassa kevalassa dukkhakkhandhassa samudayo hoti’’.
‘‘но жз, бхигкавз, жзд̇зд̇и но жз багаббзд̇и, ат̇а жз анусзд̇и, аарамман̣амзд̇ам̣ ход̇и вин̃н̃аан̣асса тид̇ияаа. аарамман̣з сад̇и бад̇идтаа вин̃н̃аан̣асса ход̇и. д̇асмим̣ бад̇идтид̇з вин̃н̃аан̣з вируул̣хз наамаруубасса авагганд̇и ход̇и. наамаруубабажжаяаа сал̣ааяад̇анам̣…бз… звамзд̇асса гзваласса д̣̇угкагканд̇хасса самуд̣̇аяо ход̇и.
‘‘No ce, bhikkhave, ceteti no ce pakappeti, atha ce anuseti, ārammaṇametaṃ hoti viññāṇassa ṭhitiyā. Ārammaṇe sati patiṭṭhā viññāṇassa hoti. Tasmiṃ patiṭṭhite viññāṇe virūḷhe nāmarūpassa avakkanti hoti. Nāmarūpapaccayā saḷāyatanaṃ…pe… evametassa kevalassa dukkhakkhandhassa samudayo hoti.
‘‘яад̇о жа ко, бхигкавз, но жзва жзд̇зд̇и но жа багаббзд̇и но жа анусзд̇и, аарамман̣амзд̇ам̣ на ход̇и вин̃н̃аан̣асса тид̇ияаа. аарамман̣з асад̇и бад̇идтаа вин̃н̃аан̣асса на ход̇и. д̇ад̣̇аббад̇идтид̇з вин̃н̃аан̣з авируул̣хз наамаруубасса авагганд̇и на ход̇и. наамаруубанирод̇хаа сал̣ааяад̇ананирод̇хо…бз… звамзд̇асса гзваласса д̣̇угкагканд̇хасса нирод̇хо ход̇ий’’д̇и. навамам̣.
‘‘Yato ca kho, bhikkhave, no ceva ceteti no ca pakappeti no ca anuseti, ārammaṇametaṃ na hoti viññāṇassa ṭhitiyā. Ārammaṇe asati patiṭṭhā viññāṇassa na hoti. Tadappatiṭṭhite viññāṇe avirūḷhe nāmarūpassa avakkanti na hoti. Nāmarūpanirodhā saḷāyatananirodho…pe… evametassa kevalassa dukkhakkhandhassa nirodho hotī’’ti. Navamaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 9. д̣̇уд̇ияажзд̇анаасуд̇д̇аван̣н̣анаа • 9. Dutiyacetanāsuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 9. д̣̇уд̇ияажзд̇анаасуд̇д̇аван̣н̣анаа • 9. Dutiyacetanāsuttavaṇṇanā
