| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
2. д̣̇уд̇ияажзд̇овимуд̇д̇ипаласуд̇д̇ам̣
2. Dutiyacetovimuttiphalasuttaṃ
72. ‘‘бан̃жимз, бхигкавз, д̇хаммаа бхаавид̇аа б̣ахулийгад̇аа жзд̇овимуд̇д̇ипалаа жа хонд̇и жзд̇овимуд̇д̇ипалаанисам̣саа жа, бан̃н̃аавимуд̇д̇ипалаа жа хонд̇и бан̃н̃аавимуд̇д̇ипалаанисам̣саа жа. гад̇амз бан̃жа? анижжасан̃н̃аа, анижжз д̣̇угкасан̃н̃аа, д̣̇угкз анад̇д̇асан̃н̃аа, бахаанасан̃н̃аа, вирааг̇асан̃н̃аа – имз ко, бхигкавз, бан̃жа д̇хаммаа бхаавид̇аа б̣ахулийгад̇аа жзд̇овимуд̇д̇ипалаа жа хонд̇и жзд̇овимуд̇д̇ипалаанисам̣саа жа, бан̃н̃аавимуд̇д̇ипалаа жа хонд̇и бан̃н̃аавимуд̇д̇ипалаанисам̣саа жа. яад̇о ко, бхигкавз, бхигку жзд̇овимуд̇д̇о жа ход̇и бан̃н̃аавимуд̇д̇о жа – аяам̣ вужжад̇и, бхигкавз, ‘бхигку угкид̇д̇абалигхо ид̇иби, сам̣гин̣н̣абарико ид̇иби, аб̣б̣уул̣хзсиго ид̇иби, нираг̇г̇ал̣о ид̇иби, арияо баннад̣̇д̇хаж̇о баннабхааро висам̣яуд̇д̇о ид̇иби’’’.
72. ‘‘Pañcime, bhikkhave, dhammā bhāvitā bahulīkatā cetovimuttiphalā ca honti cetovimuttiphalānisaṃsā ca, paññāvimuttiphalā ca honti paññāvimuttiphalānisaṃsā ca. Katame pañca? Aniccasaññā, anicce dukkhasaññā, dukkhe anattasaññā, pahānasaññā, virāgasaññā – ime kho, bhikkhave, pañca dhammā bhāvitā bahulīkatā cetovimuttiphalā ca honti cetovimuttiphalānisaṃsā ca, paññāvimuttiphalā ca honti paññāvimuttiphalānisaṃsā ca. Yato kho, bhikkhave, bhikkhu cetovimutto ca hoti paññāvimutto ca – ayaṃ vuccati, bhikkhave, ‘bhikkhu ukkhittapaligho itipi, saṃkiṇṇaparikho itipi, abbūḷhesiko itipi, niraggaḷo itipi, ariyo pannaddhajo pannabhāro visaṃyutto itipi’’’.
‘‘гат̇ан̃жа, бхигкавз, бхигку угкид̇д̇абалигхо ход̇и? ид̇ха, бхигкавз, бхигкуно авиж̇ж̇аа бахийнаа ход̇и ужчиннамуулаа д̇аалаавад̇т̇угад̇аа анабхаавам̣гад̇аа ааяад̇им̣ ануббаад̣̇ад̇хаммаа. звам̣ ко, бхигкавз, бхигку угкид̇д̇абалигхо ход̇и.
‘‘Kathañca, bhikkhave, bhikkhu ukkhittapaligho hoti? Idha, bhikkhave, bhikkhuno avijjā pahīnā hoti ucchinnamūlā tālāvatthukatā anabhāvaṃkatā āyatiṃ anuppādadhammā. Evaṃ kho, bhikkhave, bhikkhu ukkhittapaligho hoti.
‘‘гат̇ан̃жа, бхигкавз, бхигку сам̣гин̣н̣абарико ход̇и? ид̇ха , бхигкавз, бхигкуно бонобхавиго ж̇аад̇исам̣сааро бахийно ход̇и ужчиннамууло д̇аалаавад̇т̇угад̇о анабхаавам̣гад̇о ааяад̇им̣ ануббаад̣̇ад̇хаммо. звам̣ ко, бхигкавз, бхигку сам̣гин̣н̣абарико ход̇и.
‘‘Kathañca, bhikkhave, bhikkhu saṃkiṇṇaparikho hoti? Idha , bhikkhave, bhikkhuno ponobhaviko jātisaṃsāro pahīno hoti ucchinnamūlo tālāvatthukato anabhāvaṃkato āyatiṃ anuppādadhammo. Evaṃ kho, bhikkhave, bhikkhu saṃkiṇṇaparikho hoti.
‘‘гат̇ан̃жа, бхигкавз, бхигку аб̣б̣уул̣хзсиго ход̇и? ид̇ха, бхигкавз, бхигкуно д̇ан̣хаа бахийнаа ход̇и ужчиннамуулаа д̇аалаавад̇т̇угад̇аа анабхаавам̣гад̇аа ааяад̇им̣ ануббаад̣̇ад̇хаммаа. звам̣ ко, бхигкавз, бхигку аб̣б̣уул̣хзсиго ход̇и.
‘‘Kathañca, bhikkhave, bhikkhu abbūḷhesiko hoti? Idha, bhikkhave, bhikkhuno taṇhā pahīnā hoti ucchinnamūlā tālāvatthukatā anabhāvaṃkatā āyatiṃ anuppādadhammā. Evaṃ kho, bhikkhave, bhikkhu abbūḷhesiko hoti.
‘‘гат̇ан̃жа, бхигкавз, бхигку нираг̇г̇ал̣о ход̇и? ид̇ха, бхигкавз, бхигкуно бан̃жорамбхааг̇ияаани сам̣яож̇анаани бахийнаани хонд̇и ужчиннамуулаани д̇аалаавад̇т̇угад̇аани анабхаавам̣гад̇аани ааяад̇им̣ ануббаад̣̇ад̇хаммаани. звам̣ ко, бхигкавз, бхигку нираг̇г̇ал̣о ход̇и.
‘‘Kathañca, bhikkhave, bhikkhu niraggaḷo hoti? Idha, bhikkhave, bhikkhuno pañcorambhāgiyāni saṃyojanāni pahīnāni honti ucchinnamūlāni tālāvatthukatāni anabhāvaṃkatāni āyatiṃ anuppādadhammāni. Evaṃ kho, bhikkhave, bhikkhu niraggaḷo hoti.
‘‘гат̇ан̃жа, бхигкавз, бхигку арияо баннад̣̇д̇хаж̇о баннабхааро висам̣яуд̇д̇о ход̇и? ид̇ха, бхигкавз, бхигкуно асмимаано бахийно ход̇и ужчиннамууло д̇аалаавад̇т̇угад̇о анабхаавам̣гад̇о ааяад̇им̣ ануббаад̣̇ад̇хаммо. звам̣ ко, бхигкавз, бхигку арияо баннад̣̇д̇хаж̇о баннабхааро висам̣яуд̇д̇о ход̇ий’’д̇и. д̣̇уд̇ияам̣.
‘‘Kathañca, bhikkhave, bhikkhu ariyo pannaddhajo pannabhāro visaṃyutto hoti? Idha, bhikkhave, bhikkhuno asmimāno pahīno hoti ucchinnamūlo tālāvatthukato anabhāvaṃkato āyatiṃ anuppādadhammo. Evaṃ kho, bhikkhave, bhikkhu ariyo pannaddhajo pannabhāro visaṃyutto hotī’’ti. Dutiyaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 2. д̣̇уд̇ияажзд̇овимуд̇д̇ипаласуд̇д̇аван̣н̣анаа • 2. Dutiyacetovimuttiphalasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1-2. батамажзд̇овимуд̇д̇ипаласуд̇д̇аад̣̇иван̣н̣анаа • 1-2. Paṭhamacetovimuttiphalasuttādivaṇṇanā
