| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
১০. দুতিযছন্দপ্পহানসুত্তং
10. Dutiyachandappahānasuttaṃ
১১২. সাৰত্থিনিদানং। ‘‘রূপে, ভিক্খৰে, যো ছন্দো যো রাগো যা নন্দী যা তণ্হা যে উপযুপাদানা চেতসো অধিট্ঠানাভিনিৰেসানুসযা, তে পজহথ । এৰং তং রূপং পহীনং ভৰিস্সতি উচ্ছিন্নমূলং…পে॰… ৰেদনায… সঞ্ঞায… সঙ্খারেসু যো ছন্দো…পে॰… এৰং তে সঙ্খারা পহীনা ভৰিস্সন্তি উচ্ছিন্নমূলা তালাৰত্থুকতা অনভাৰংকতা আযতিং অনুপ্পাদধম্মা। ৰিঞ্ঞাণে যো ছন্দো যো রাগো যা নন্দী যা তণ্হা যে উপযুপাদানা চেতসো অধিট্ঠানাভিনিৰেসানুসযা, তে পজহথ। এৰং তং ৰিঞ্ঞাণং পহীনং ভৰিস্সতি উচ্ছিন্নমূলং তালাৰত্থুকতং অনভাৰংকতং আযতিং অনুপ্পাদধম্ম’’ন্তি। দসমং।
112. Sāvatthinidānaṃ. ‘‘Rūpe, bhikkhave, yo chando yo rāgo yā nandī yā taṇhā ye upayupādānā cetaso adhiṭṭhānābhinivesānusayā, te pajahatha . Evaṃ taṃ rūpaṃ pahīnaṃ bhavissati ucchinnamūlaṃ…pe… vedanāya… saññāya… saṅkhāresu yo chando…pe… evaṃ te saṅkhārā pahīnā bhavissanti ucchinnamūlā tālāvatthukatā anabhāvaṃkatā āyatiṃ anuppādadhammā. Viññāṇe yo chando yo rāgo yā nandī yā taṇhā ye upayupādānā cetaso adhiṭṭhānābhinivesānusayā, te pajahatha. Evaṃ taṃ viññāṇaṃ pahīnaṃ bhavissati ucchinnamūlaṃ tālāvatthukataṃ anabhāvaṃkataṃ āyatiṃ anuppādadhamma’’nti. Dasamaṃ.
অন্তৰগ্গো একাদসমো।
Antavaggo ekādasamo.
তস্সুদ্দানং –
Tassuddānaṃ –
অন্তো দুক্খঞ্চ সক্কাযো, পরিঞ্ঞেয্যা সমণা দুৰে।
Anto dukkhañca sakkāyo, pariññeyyā samaṇā duve;
সোতাপন্নো অরহা চ, দুৰে চ ছন্দপ্পহানাতি॥
Sotāpanno arahā ca, duve ca chandappahānāti.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৫-১০. সমণসুত্তাদিৰণ্ণনা • 5-10. Samaṇasuttādivaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ৫-১০. সমণসুত্তাদিৰণ্ণনা • 5-10. Samaṇasuttādivaṇṇanā
