| Library / Tipiṭaka / తిపిటక • Tipiṭaka / సంయుత్తనికాయ • Saṃyuttanikāya |
౧౦. దుతియఛన్దప్పహానసుత్తం
10. Dutiyachandappahānasuttaṃ
౧౧౨. సావత్థినిదానం. ‘‘రూపే, భిక్ఖవే, యో ఛన్దో యో రాగో యా నన్దీ యా తణ్హా యే ఉపయుపాదానా చేతసో అధిట్ఠానాభినివేసానుసయా, తే పజహథ . ఏవం తం రూపం పహీనం భవిస్సతి ఉచ్ఛిన్నమూలం…పే॰… వేదనాయ… సఞ్ఞాయ… సఙ్ఖారేసు యో ఛన్దో…పే॰… ఏవం తే సఙ్ఖారా పహీనా భవిస్సన్తి ఉచ్ఛిన్నమూలా తాలావత్థుకతా అనభావంకతా ఆయతిం అనుప్పాదధమ్మా. విఞ్ఞాణే యో ఛన్దో యో రాగో యా నన్దీ యా తణ్హా యే ఉపయుపాదానా చేతసో అధిట్ఠానాభినివేసానుసయా, తే పజహథ. ఏవం తం విఞ్ఞాణం పహీనం భవిస్సతి ఉచ్ఛిన్నమూలం తాలావత్థుకతం అనభావంకతం ఆయతిం అనుప్పాదధమ్మ’’న్తి. దసమం.
112. Sāvatthinidānaṃ. ‘‘Rūpe, bhikkhave, yo chando yo rāgo yā nandī yā taṇhā ye upayupādānā cetaso adhiṭṭhānābhinivesānusayā, te pajahatha . Evaṃ taṃ rūpaṃ pahīnaṃ bhavissati ucchinnamūlaṃ…pe… vedanāya… saññāya… saṅkhāresu yo chando…pe… evaṃ te saṅkhārā pahīnā bhavissanti ucchinnamūlā tālāvatthukatā anabhāvaṃkatā āyatiṃ anuppādadhammā. Viññāṇe yo chando yo rāgo yā nandī yā taṇhā ye upayupādānā cetaso adhiṭṭhānābhinivesānusayā, te pajahatha. Evaṃ taṃ viññāṇaṃ pahīnaṃ bhavissati ucchinnamūlaṃ tālāvatthukataṃ anabhāvaṃkataṃ āyatiṃ anuppādadhamma’’nti. Dasamaṃ.
అన్తవగ్గో ఏకాదసమో.
Antavaggo ekādasamo.
తస్సుద్దానం –
Tassuddānaṃ –
అన్తో దుక్ఖఞ్చ సక్కాయో, పరిఞ్ఞేయ్యా సమణా దువే;
Anto dukkhañca sakkāyo, pariññeyyā samaṇā duve;
సోతాపన్నో అరహా చ, దువే చ ఛన్దప్పహానాతి.
Sotāpanno arahā ca, duve ca chandappahānāti.
Related texts:
అట్ఠకథా • Aṭṭhakathā / సుత్తపిటక (అట్ఠకథా) • Suttapiṭaka (aṭṭhakathā) / సంయుత్తనికాయ (అట్ఠకథా) • Saṃyuttanikāya (aṭṭhakathā) / ౫-౧౦. సమణసుత్తాదివణ్ణనా • 5-10. Samaṇasuttādivaṇṇanā
టీకా • Tīkā / సుత్తపిటక (టీకా) • Suttapiṭaka (ṭīkā) / సంయుత్తనికాయ (టీకా) • Saṃyuttanikāya (ṭīkā) / ౫-౧౦. సమణసుత్తాదివణ్ణనా • 5-10. Samaṇasuttādivaṇṇanā
