| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
10. දුතියඡන්‌දප්‌පහානසුත්‌තං
10. Dutiyachandappahānasuttaṃ
112. සාවත්‌ථිනිදානං. ‘‘රූපෙ, භික්‌ඛවෙ, යො ඡන්‌දො යො රාගො යා නන්‌දී යා තණ්‌හා යෙ උපයුපාදානා චෙතසො අධිට්‌ඨානාභිනිවෙසානුසයා, තෙ පජහථ . එවං තං රූපං පහීනං භවිස්‌සති උච්‌ඡින්‌නමූලං…පෙ.… වෙදනාය… සඤ්‌ඤාය… සඞ්‌ඛාරෙසු යො ඡන්‌දො…පෙ.… එවං තෙ සඞ්‌ඛාරා පහීනා භවිස්‌සන්‌ති උච්‌ඡින්‌නමූලා තාලාවත්‌ථුකතා අනභාවංකතා ආයතිං අනුප්‌පාදධම්‌මා. විඤ්‌ඤාණෙ යො ඡන්‌දො යො රාගො යා නන්‌දී යා තණ්‌හා යෙ උපයුපාදානා චෙතසො අධිට්‌ඨානාභිනිවෙසානුසයා, තෙ පජහථ. එවං තං විඤ්‌ඤාණං පහීනං භවිස්‌සති උච්‌ඡින්‌නමූලං තාලාවත්‌ථුකතං අනභාවංකතං ආයතිං අනුප්‌පාදධම්‌ම’’න්‌ති. දසමං.
112. Sāvatthinidānaṃ. ‘‘Rūpe, bhikkhave, yo chando yo rāgo yā nandī yā taṇhā ye upayupādānā cetaso adhiṭṭhānābhinivesānusayā, te pajahatha . Evaṃ taṃ rūpaṃ pahīnaṃ bhavissati ucchinnamūlaṃ…pe… vedanāya… saññāya… saṅkhāresu yo chando…pe… evaṃ te saṅkhārā pahīnā bhavissanti ucchinnamūlā tālāvatthukatā anabhāvaṃkatā āyatiṃ anuppādadhammā. Viññāṇe yo chando yo rāgo yā nandī yā taṇhā ye upayupādānā cetaso adhiṭṭhānābhinivesānusayā, te pajahatha. Evaṃ taṃ viññāṇaṃ pahīnaṃ bhavissati ucchinnamūlaṃ tālāvatthukataṃ anabhāvaṃkataṃ āyatiṃ anuppādadhamma’’nti. Dasamaṃ.
අන්‌තවග්‌ගො එකාදසමො.
Antavaggo ekādasamo.
තස්‌සුද්‌දානං –
Tassuddānaṃ –
අන්‌තො දුක්‌ඛඤ්‌ච සක්‌කායො, පරිඤ්‌ඤෙය්‍යා සමණා දුවෙ;
Anto dukkhañca sakkāyo, pariññeyyā samaṇā duve;
සොතාපන්‌නො අරහා ච, දුවෙ ච ඡන්‌දප්‌පහානාති.
Sotāpanno arahā ca, duve ca chandappahānāti.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 5-10. සමණසුත්‌තාදිවණ්‌ණනා • 5-10. Samaṇasuttādivaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 5-10. සමණසුත්‌තාදිවණ්‌ණනා • 5-10. Samaṇasuttādivaṇṇanā
