| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ • Saṃyuttanikāya |
༡༠. དུཏིཡཚནྡཔྤཧཱནསུཏྟཾ
10. Dutiyachandappahānasuttaṃ
༡༡༢. སཱཝཏྠིནིདཱནཾ། ‘‘རཱུཔེ, བྷིཀྑཝེ, ཡོ ཚནྡོ ཡོ རཱགོ ཡཱ ནནྡཱི ཡཱ ཏཎྷཱ ཡེ ཨུཔཡུཔཱདཱནཱ ཙེཏསོ ཨདྷིཊྛཱནཱབྷིནིཝེསཱནུསཡཱ, ཏེ པཛཧཐ ། ཨེཝཾ ཏཾ རཱུཔཾ པཧཱིནཾ བྷཝིསྶཏི ཨུཙྪིནྣམཱུལཾ…པེ॰… ཝེདནཱཡ… སཉྙཱཡ… སངྑཱརེསུ ཡོ ཚནྡོ…པེ॰… ཨེཝཾ ཏེ སངྑཱརཱ པཧཱིནཱ བྷཝིསྶནྟི ཨུཙྪིནྣམཱུལཱ ཏཱལཱཝཏྠུཀཏཱ ཨནབྷཱཝཾཀཏཱ ཨཱཡཏིཾ ཨནུཔྤཱདདྷམྨཱ། ཝིཉྙཱཎེ ཡོ ཚནྡོ ཡོ རཱགོ ཡཱ ནནྡཱི ཡཱ ཏཎྷཱ ཡེ ཨུཔཡུཔཱདཱནཱ ཙེཏསོ ཨདྷིཊྛཱནཱབྷིནིཝེསཱནུསཡཱ, ཏེ པཛཧཐ། ཨེཝཾ ཏཾ ཝིཉྙཱཎཾ པཧཱིནཾ བྷཝིསྶཏི ཨུཙྪིནྣམཱུལཾ ཏཱལཱཝཏྠུཀཏཾ ཨནབྷཱཝཾཀཏཾ ཨཱཡཏིཾ ཨནུཔྤཱདདྷམྨ’’ནྟི། དསམཾ།
112. Sāvatthinidānaṃ. ‘‘Rūpe, bhikkhave, yo chando yo rāgo yā nandī yā taṇhā ye upayupādānā cetaso adhiṭṭhānābhinivesānusayā, te pajahatha . Evaṃ taṃ rūpaṃ pahīnaṃ bhavissati ucchinnamūlaṃ…pe… vedanāya… saññāya… saṅkhāresu yo chando…pe… evaṃ te saṅkhārā pahīnā bhavissanti ucchinnamūlā tālāvatthukatā anabhāvaṃkatā āyatiṃ anuppādadhammā. Viññāṇe yo chando yo rāgo yā nandī yā taṇhā ye upayupādānā cetaso adhiṭṭhānābhinivesānusayā, te pajahatha. Evaṃ taṃ viññāṇaṃ pahīnaṃ bhavissati ucchinnamūlaṃ tālāvatthukataṃ anabhāvaṃkataṃ āyatiṃ anuppādadhamma’’nti. Dasamaṃ.
ཨནྟཝགྒོ ཨེཀཱདསམོ།
Antavaggo ekādasamo.
ཏསྶུདྡཱནཾ –
Tassuddānaṃ –
ཨནྟོ དུཀྑཉྩ སཀྐཱཡོ, པརིཉྙེཡྻཱ སམཎཱ དུཝེ།
Anto dukkhañca sakkāyo, pariññeyyā samaṇā duve;
སོཏཱཔནྣོ ཨརཧཱ ཙ, དུཝེ ཙ ཚནྡཔྤཧཱནཱཏི༎
Sotāpanno arahā ca, duve ca chandappahānāti.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༥-༡༠. སམཎསུཏྟཱདིཝཎྞནཱ • 5-10. Samaṇasuttādivaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༥-༡༠. སམཎསུཏྟཱདིཝཎྞནཱ • 5-10. Samaṇasuttādivaṇṇanā
