| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ • Saṃyuttanikāya |
੮. ਦੁਤਿਯਛਿਗ੍ਗਲ਼ਯੁਗਸੁਤ੍ਤਂ
8. Dutiyachiggaḷayugasuttaṃ
੧੧੧੮. ‘‘ਸੇਯ੍ਯਥਾਪਿ , ਭਿਕ੍ਖવੇ, ਅਯਂ ਮਹਾਪਥવੀ ਏਕੋਦਕਾ ਅਸ੍ਸ। ਤਤ੍ਰ ਪੁਰਿਸੋ ਏਕਚ੍ਛਿਗ੍ਗਲ਼ਂ ਯੁਗਂ ਪਕ੍ਖਿਪੇਯ੍ਯ। ਤਮੇਨਂ ਪੁਰਤ੍ਥਿਮੋ વਾਤੋ ਪਚ੍ਛਿਮੇਨ ਸਂਹਰੇਯ੍ਯ, ਪਚ੍ਛਿਮੋ વਾਤੋ ਪੁਰਤ੍ਥਿਮੇਨ ਸਂਹਰੇਯ੍ਯ, ਉਤ੍ਤਰੋ વਾਤੋ ਦਕ੍ਖਿਣੇਨ ਸਂਹਰੇਯ੍ਯ, ਦਕ੍ਖਿਣੋ વਾਤੋ ਉਤ੍ਤਰੇਨ ਸਂਹਰੇਯ੍ਯ। ਤਤ੍ਰਸ੍ਸ ਕਾਣੋ ਕਚ੍ਛਪੋ। ਸੋ વਸ੍ਸਸਤਸ੍ਸ વਸ੍ਸਸਤਸ੍ਸ ਅਚ੍ਚਯੇਨ ਸਕਿਂ ਸਕਿਂ ਉਮ੍ਮੁਜ੍ਜੇਯ੍ਯ। ਤਂ ਕਿਂ ਮਞ੍ਞਥ, ਭਿਕ੍ਖવੇ, ਅਪਿ ਨੁ ਖੋ ਕਾਣੋ ਕਚ੍ਛਪੋ વਸ੍ਸਸਤਸ੍ਸ વਸ੍ਸਸਤਸ੍ਸ ਅਚ੍ਚਯੇਨ ਸਕਿਂ ਸਕਿਂ ਉਮ੍ਮੁਜ੍ਜਨ੍ਤੋ ਅਮੁਸ੍ਮਿਂ ਏਕਚ੍ਛਿਗ੍ਗਲ਼ੇ ਯੁਗੇ ਗੀવਂ ਪવੇਸੇਯ੍ਯਾ’’ਤਿ? ‘‘ਅਧਿਚ੍ਚਮਿਦਂ, ਭਨ੍ਤੇ, ਯਂ ਸੋ ਕਾਣੋ ਕਚ੍ਛਪੋ વਸ੍ਸਸਤਸ੍ਸ વਸ੍ਸਸਤਸ੍ਸ ਅਚ੍ਚਯੇਨ ਸਕਿਂ ਸਕਿਂ ਉਮ੍ਮੁਜ੍ਜਨ੍ਤੋ ਅਮੁਸ੍ਮਿਂ ਏਕਚ੍ਛਿਗ੍ਗਲ਼ੇ ਯੁਗੇ ਗੀવਂ ਪવੇਸੇਯ੍ਯਾ’’ਤਿ।
1118. ‘‘Seyyathāpi , bhikkhave, ayaṃ mahāpathavī ekodakā assa. Tatra puriso ekacchiggaḷaṃ yugaṃ pakkhipeyya. Tamenaṃ puratthimo vāto pacchimena saṃhareyya, pacchimo vāto puratthimena saṃhareyya, uttaro vāto dakkhiṇena saṃhareyya, dakkhiṇo vāto uttarena saṃhareyya. Tatrassa kāṇo kacchapo. So vassasatassa vassasatassa accayena sakiṃ sakiṃ ummujjeyya. Taṃ kiṃ maññatha, bhikkhave, api nu kho kāṇo kacchapo vassasatassa vassasatassa accayena sakiṃ sakiṃ ummujjanto amusmiṃ ekacchiggaḷe yuge gīvaṃ paveseyyā’’ti? ‘‘Adhiccamidaṃ, bhante, yaṃ so kāṇo kacchapo vassasatassa vassasatassa accayena sakiṃ sakiṃ ummujjanto amusmiṃ ekacchiggaḷe yuge gīvaṃ paveseyyā’’ti.
‘‘ਏવਂ ਅਧਿਚ੍ਚਮਿਦਂ, ਭਿਕ੍ਖવੇ, ਯਂ ਮਨੁਸ੍ਸਤ੍ਤਂ ਲਭਤਿ। ਏવਂ ਅਧਿਚ੍ਚਮਿਦਂ, ਭਿਕ੍ਖવੇ, ਯਂ ਤਥਾਗਤੋ ਲੋਕੇ ਉਪ੍ਪਜ੍ਜਤਿ ਅਰਹਂ ਸਮ੍ਮਾਸਮ੍ਬੁਦ੍ਧੋ। ਏવਂ ਅਧਿਚ੍ਚਮਿਦਂ, ਭਿਕ੍ਖવੇ, ਯਂ ਤਥਾਗਤਪ੍ਪવੇਦਿਤੋ ਧਮ੍ਮવਿਨਯੋ ਲੋਕੇ ਦਿਬ੍ਬਤਿ। ਤਸ੍ਸਿਦਂ 1, ਭਿਕ੍ਖવੇ, ਮਨੁਸ੍ਸਤ੍ਤਂ ਲਦ੍ਧਂ, ਤਥਾਗਤੋ ਲੋਕੇ ਉਪ੍ਪਨ੍ਨੋ ਅਰਹਂ ਸਮ੍ਮਾਸਮ੍ਬੁਦ੍ਧੋ, ਤਥਾਗਤਪ੍ਪવੇਦਿਤੋ ਚ ਧਮ੍ਮવਿਨਯੋ ਲੋਕੇ ਦਿਬ੍ਬਤਿ।
‘‘Evaṃ adhiccamidaṃ, bhikkhave, yaṃ manussattaṃ labhati. Evaṃ adhiccamidaṃ, bhikkhave, yaṃ tathāgato loke uppajjati arahaṃ sammāsambuddho. Evaṃ adhiccamidaṃ, bhikkhave, yaṃ tathāgatappavedito dhammavinayo loke dibbati. Tassidaṃ 2, bhikkhave, manussattaṃ laddhaṃ, tathāgato loke uppanno arahaṃ sammāsambuddho, tathāgatappavedito ca dhammavinayo loke dibbati.
‘‘ਤਸ੍ਮਾਤਿਹ, ਭਿਕ੍ਖવੇ, ‘ਇਦਂ ਦੁਕ੍ਖ’ਨ੍ਤਿ ਯੋਗੋ ਕਰਣੀਯੋ…ਪੇ॰… ‘ਅਯਂ ਦੁਕ੍ਖਨਿਰੋਧਗਾਮਿਨੀ ਪਟਿਪਦਾ’ਤਿ ਯੋਗੋ ਕਰਣੀਯੋ’’ਤਿ। ਅਟ੍ਠਮਂ।
‘‘Tasmātiha, bhikkhave, ‘idaṃ dukkha’nti yogo karaṇīyo…pe… ‘ayaṃ dukkhanirodhagāminī paṭipadā’ti yogo karaṇīyo’’ti. Aṭṭhamaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੮. ਦੁਤਿਯਛਿਗ੍ਗਲ਼ਯੁਗਸੁਤ੍ਤવਣ੍ਣਨਾ • 8. Dutiyachiggaḷayugasuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੮. ਦੁਤਿਯਛਿਗ੍ਗਲ਼ਯੁਗਸੁਤ੍ਤવਣ੍ਣਨਾ • 8. Dutiyachiggaḷayugasuttavaṇṇanā
