| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੮. ਦੁਤਿਯਛਿਗ੍ਗਲ਼ਯੁਗਸੁਤ੍ਤવਣ੍ਣਨਾ
8. Dutiyachiggaḷayugasuttavaṇṇanā
੧੧੧੮. ਅਟ੍ਠਮੇ ਮਹਾਪਥવੀਤਿ ਚਕ੍ਕવਾਲ਼ਗਬ੍ਭਨ੍ਤਰਾ ਮਹਾਪਥવੀ। ਅਧਿਚ੍ਚਮਿਦਂ, ਭਨ੍ਤੇਤਿ ਇਦਂ ਅਧਿਚ੍ਚੁਪ੍ਪਤ੍ਤਿਕਂ ਸਚੇ ਤਂ ਯੁਗਂ ਨ ਪੂਤਿ ਭવੇਯ੍ਯ, ਸਮੁਦ੍ਦੇ ਉਦਕਂ ਨ ਸੁਸ੍ਸੇਯ੍ਯ, ਸੋ ਚ ਕਚ੍ਛਪੋ ਨ ਮਰੇਯ੍ਯ, ਅਪਿ ਨਾਮ ਯਦਿਚ੍ਛਾવਸੇਨ ਸਿਯਾਤਿ ਅਤ੍ਥੋ।
1118. Aṭṭhame mahāpathavīti cakkavāḷagabbhantarā mahāpathavī. Adhiccamidaṃ, bhanteti idaṃ adhiccuppattikaṃ sace taṃ yugaṃ na pūti bhaveyya, samudde udakaṃ na susseyya, so ca kacchapo na mareyya, api nāma yadicchāvasena siyāti attho.
ਏવਂ ਅਧਿਚ੍ਚਮਿਦਂ, ਭਿਕ੍ਖવੇਤਿ ਏਤ੍ਥ ਮਹਾਸੀવਤ੍ਥੇਰੋ ਚਤ੍ਤਾਰਿ ਯੁਗਾਨਿ ਦਸ੍ਸੇਤਿ – ਪੁਰਤ੍ਥਿਮਚਕ੍ਕવਾਲ਼ਮੁਖવਟ੍ਟਿਯਂ ਠਿਤੇਨ ਪੁਰਿਸੇਨ ਪਕ੍ਖਿਤ੍ਤਯੁਗਸ੍ਸ ਹਿ ਛਿਗ੍ਗਲ਼ੇਨ ਤਸ੍ਸ ਅਨ੍ਧਕਚ੍ਛਪਸ੍ਸ ਗੀવਾਯ ਪવੇਸਨਂ વਿਯ ਮਨੁਸ੍ਸਪਟਿਲਾਭੋ ਅਧਿਚ੍ਚਪਟਿਲਾਭੀ। ਦਕ੍ਖਿਣਚਕ੍ਕવਾਲ਼ਮੁਖવਟ੍ਟਿਯਂ ਠਿਤੇਨ ਪਕ੍ਖਿਤ੍ਤਸ੍ਸ ਪਨ ਪਰਿਬ੍ਭਮਨ੍ਤਸ੍ਸ ਪੁਰਿਮਯੁਗਂ ਪਤ੍વਾ ਛਿਗ੍ਗਲ਼ੇਨ ਛਿਗ੍ਗਲ਼ੁਪਰਿ ਆਰੁਲ਼੍ਹਸ੍ਸ ਛਿਗ੍ਗਲ਼ੇਨ ਗੀવਪ੍ਪવੇਸਨਂ વਿਯ ਤਥਾਗਤੁਪ੍ਪਾਦੋ ਅਧਿਚ੍ਚਤਰਸਮ੍ਭવੋ। ਪਚ੍ਛਿਮਚਕ੍ਕવਾਲ਼ਮੁਖવਟ੍ਟਿਯਂ ਠਿਤੇਨ ਪਕ੍ਖਿਤ੍ਤਸ੍ਸ ਪਨ ਪਰਿਬ੍ਭਮਨ੍ਤਸ੍ਸ ਪੁਰਿਮਯੁਗਦ੍વਯਂ ਪਤ੍વਾ ਛਿਗ੍ਗਲ਼ੇਨ ਛਿਗ੍ਗਲ਼ੁਪਰਿ ਆਰੁਲ਼੍ਹਸ੍ਸ ਛਿਗ੍ਗਲ਼ੇਨ ਗੀવਪ੍ਪવੇਸਨਂ વਿਯ ਤਥਾਗਤਪ੍ਪવੇਦਿਤਸ੍ਸ ਧਮ੍ਮવਿਨਯਸ੍ਸ ਦੀਪਨਂ ਅਧਿਚ੍ਚਤਰਸਮ੍ਭવਂ। ਉਤ੍ਤਰਚਕ੍ਕવਾਲ਼ਮੁਖવਟ੍ਟਿਯਂ ਠਿਤੇਨ ਪਕ੍ਖਿਤ੍ਤਸ੍ਸ ਪਨ ਪਰਿਬ੍ਭਮਨ੍ਤਸ੍ਸ ਪੁਰਿਮਯੁਗਤ੍ਤਯਂ ਪਤ੍વਾ ਛਿਗ੍ਗਲ਼ੇਨ ਛਿਗ੍ਗਲ਼ੁਪਰਿ ਆਰੁਲ਼੍ਹਸ੍ਸ ਛਿਗ੍ਗਲ਼ੇਨ ਗੀવਪ੍ਪવੇਸਨਂ વਿਯ ਚਤੁਸਚ੍ਚਪਟਿવੇਧੋ ਅਤਿવਿਯ ਅਧਿਚ੍ਚਤਰਸਮ੍ਭવੋ વੇਦਿਤਬ੍ਬੋ। ਨવਮਾਦੀਨਿ ਅਭਿਸਮਯਸਂਯੁਤ੍ਤੇ વੁਤ੍ਤਨਯਾਨੇવਾਤਿ।
Evaṃ adhiccamidaṃ, bhikkhaveti ettha mahāsīvatthero cattāri yugāni dasseti – puratthimacakkavāḷamukhavaṭṭiyaṃ ṭhitena purisena pakkhittayugassa hi chiggaḷena tassa andhakacchapassa gīvāya pavesanaṃ viya manussapaṭilābho adhiccapaṭilābhī. Dakkhiṇacakkavāḷamukhavaṭṭiyaṃ ṭhitena pakkhittassa pana paribbhamantassa purimayugaṃ patvā chiggaḷena chiggaḷupari āruḷhassa chiggaḷena gīvappavesanaṃ viya tathāgatuppādo adhiccatarasambhavo. Pacchimacakkavāḷamukhavaṭṭiyaṃ ṭhitena pakkhittassa pana paribbhamantassa purimayugadvayaṃ patvā chiggaḷena chiggaḷupari āruḷhassa chiggaḷena gīvappavesanaṃ viya tathāgatappaveditassa dhammavinayassa dīpanaṃ adhiccatarasambhavaṃ. Uttaracakkavāḷamukhavaṭṭiyaṃ ṭhitena pakkhittassa pana paribbhamantassa purimayugattayaṃ patvā chiggaḷena chiggaḷupari āruḷhassa chiggaḷena gīvappavesanaṃ viya catusaccapaṭivedho ativiya adhiccatarasambhavo veditabbo. Navamādīni abhisamayasaṃyutte vuttanayānevāti.
ਪਪਾਤવਗ੍ਗੋ ਪਞ੍ਚਮੋ।
Papātavaggo pañcamo.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੮. ਦੁਤਿਯਛਿਗ੍ਗਲ਼ਯੁਗਸੁਤ੍ਤਂ • 8. Dutiyachiggaḷayugasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੮. ਦੁਤਿਯਛਿਗ੍ਗਲ਼ਯੁਗਸੁਤ੍ਤવਣ੍ਣਨਾ • 8. Dutiyachiggaḷayugasuttavaṇṇanā
