| Library / Tipiṭaka / д̇ибидага • Tipiṭaka / д̇хаммасан̇г̇ан̣и-адтагат̇аа • Dhammasaṅgaṇi-aṭṭhakathā |
д̣̇уд̇ияажид̇д̇ам̣
Dutiyacittaṃ
146. ид̣̇аани д̣̇уд̇ияажид̇д̇аад̣̇ийни д̣̇ассзд̇ум̣ буна ‘‘гад̇амз д̇хаммаа’’д̇иаад̣̇и аарад̣̇д̇хам̣. д̇зсу саб̣б̣зсуби батамажид̇д̇з вуд̇д̇анаязнзва д̇аяо д̇аяо махааваараа взд̣̇ид̇аб̣б̣аа. на гзвалан̃жа махааваараа зва, батамажид̇д̇з вуд̇д̇асад̣̇исаанам̣ саб̣б̣абад̣̇аанам̣ ад̇т̇оби вуд̇д̇анаязнзва взд̣̇ид̇аб̣б̣о. ид̇о барамби абуб̣б̣абад̣̇аван̣н̣анам̣язва гариссаама. имасмим̣ д̇аава д̣̇уд̇ияажид̇д̇анид̣̇д̣̇зсз сасан̇каарзнаад̇и ид̣̇амзва абуб̣б̣ам̣. д̇ассад̇т̇о – саха сан̇каарзнаад̇и сасан̇кааро. д̇зна сасан̇каарзна саббаяог̇зна саубааязна бажжаяаг̇ан̣знаад̇и ад̇т̇о. язна хи аарамман̣аад̣̇инаа бажжаяаг̇ан̣зна батамам̣ махаажид̇д̇ам̣ уббаж̇ж̇ад̇и, д̇знзва саббаяог̇зна саубааязна ид̣̇ам̣ уббаж̇ж̇ад̇и.
146. Idāni dutiyacittādīni dassetuṃ puna ‘‘katame dhammā’’tiādi āraddhaṃ. Tesu sabbesupi paṭhamacitte vuttanayeneva tayo tayo mahāvārā veditabbā. Na kevalañca mahāvārā eva, paṭhamacitte vuttasadisānaṃ sabbapadānaṃ atthopi vuttanayeneva veditabbo. Ito parampi apubbapadavaṇṇanaṃyeva karissāma. Imasmiṃ tāva dutiyacittaniddese sasaṅkhārenāti idameva apubbaṃ. Tassattho – saha saṅkhārenāti sasaṅkhāro. Tena sasaṅkhārena sappayogena saupāyena paccayagaṇenāti attho. Yena hi ārammaṇādinā paccayagaṇena paṭhamaṃ mahācittaṃ uppajjati, teneva sappayogena saupāyena idaṃ uppajjati.
д̇ассзвам̣ уббад̇д̇и взд̣̇ид̇аб̣б̣аа – ид̇хзгажжо бхигку вихаарабажжанд̇з васамаано жзд̇ияан̇г̇ан̣асаммаж̇ж̇анавзлааяа ваа т̇зрубадтаанавзлааяа ваа самбад̇д̇ааяа, д̇хаммасаванад̣̇ивасз ваа самбад̇д̇з ‘маяхам̣ г̇анд̇ваа бажжааг̇ажчад̇о ад̇ид̣̇уурам̣ бхависсад̇и, на г̇амиссаамий’д̇и жинд̇зд̇ваа буна жинд̇зд̇и – ‘бхигкусса наама жзд̇ияан̇г̇ан̣ам̣ ваа т̇зрубадтаанам̣ ваа д̇хаммасаванам̣ ваа аг̇анд̇ум̣ асааруббам̣, г̇амиссаамий’д̇и г̇ажчад̇и. д̇ассзвам̣ ад̇д̇ано баяог̇зна ваа, барзна ваа вад̇д̇аад̣̇ийнам̣ агаран̣з жа аад̣̇ийнавам̣ гаран̣з жа аанисам̣сам̣ д̣̇ассзд̇ваа овад̣̇ияамаанасса, ниг̇г̇ахавасзнзва ваа ‘зхи, ид̣̇ам̣ гарохий’д̇и гаарияамаанасса уббаннам̣ гусалажид̇д̇ам̣ сасан̇каарзна бажжаяаг̇ан̣зна уббаннам̣ наама ход̇ийд̇и.
Tassevaṃ uppatti veditabbā – idhekacco bhikkhu vihārapaccante vasamāno cetiyaṅgaṇasammajjanavelāya vā therupaṭṭhānavelāya vā sampattāya, dhammasavanadivase vā sampatte ‘mayhaṃ gantvā paccāgacchato atidūraṃ bhavissati, na gamissāmī’ti cintetvā puna cinteti – ‘bhikkhussa nāma cetiyaṅgaṇaṃ vā therupaṭṭhānaṃ vā dhammasavanaṃ vā agantuṃ asāruppaṃ, gamissāmī’ti gacchati. Tassevaṃ attano payogena vā, parena vā vattādīnaṃ akaraṇe ca ādīnavaṃ karaṇe ca ānisaṃsaṃ dassetvā ovadiyamānassa, niggahavaseneva vā ‘ehi, idaṃ karohī’ti kāriyamānassa uppannaṃ kusalacittaṃ sasaṅkhārena paccayagaṇena uppannaṃ nāma hotīti.
д̣̇уд̇ияажид̇д̇ам̣.
Dutiyacittaṃ.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / д̇хаммасан̇г̇ан̣ийбаал̣и • Dhammasaṅgaṇīpāḷi / гаамааважарагусалам̣ • Kāmāvacarakusalaṃ
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-мууладийгаа • Dhammasaṅgaṇī-mūlaṭīkā / д̣̇уд̇ияажид̇д̇аад̣̇иван̣н̣анаа • Dutiyacittādivaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-анудийгаа • Dhammasaṅgaṇī-anuṭīkā / сун̃н̃ад̇аваараад̣̇иван̣н̣анаа • Suññatavārādivaṇṇanā
