| Library / Tipiṭaka / д̇ибидага • Tipiṭaka / д̇хаммасан̇г̇ан̣и-адтагат̇аа • Dhammasaṅgaṇi-aṭṭhakathā |
д̣̇уд̇ияажид̇д̇ам̣
Dutiyacittaṃ
399. д̣̇уд̇ияажид̇д̇з сасан̇каарзнаад̇и бад̣̇ам̣ висзсам̣. д̇амби хздтаа вуд̇д̇ад̇т̇амзва. ид̣̇ам̣ бана жид̇д̇ам̣ гин̃жааби часу аарамман̣зсу соманассид̇асса лобхам̣ уббаад̣̇зд̇ваа ‘сад̇д̇о сад̇д̇о’д̇иаад̣̇инаа наязна бараамасанд̇асса уббаж̇ж̇ад̇и, д̇ат̇ааби сасан̇кааригад̇д̇аа саббаяог̇зна саубааязна уббаж̇ж̇анад̇о – яад̣̇аа гулабуд̇д̇о мижчаад̣̇идтигасса гуласса гумааригам̣ бад̇т̇зд̇и. д̇з жа ‘ан̃н̃ад̣̇идтигаа д̇умхз’д̇и гумааригам̣ на д̣̇знд̇и. ат̇ан̃н̃з н̃аад̇агаа ‘яам̣ д̇умхз гарот̇а д̇амзвааяам̣ гариссад̇ий’д̇и д̣̇аабзнд̇и. со д̇зхи сад̣̇д̇хим̣ д̇ид̇т̇ияз убасан̇гамад̇и. аад̣̇ид̇ова взмад̇иго ход̇и. г̇ажчанд̇з г̇ажчанд̇з гаалз зд̇зсам̣ гирияаа манаабаад̇и лад̣̇д̇хим̣ рожзд̇и, д̣̇идтим̣ г̇ан̣хаад̇и – зваруубз гаалз ид̣̇ам̣ лаб̣бхад̇ийд̇и взд̣̇ид̇аб̣б̣ам̣.
399. Dutiyacitte sasaṅkhārenāti padaṃ visesaṃ. Tampi heṭṭhā vuttatthameva. Idaṃ pana cittaṃ kiñcāpi chasu ārammaṇesu somanassitassa lobhaṃ uppādetvā ‘satto satto’tiādinā nayena parāmasantassa uppajjati, tathāpi sasaṅkhārikattā sappayogena saupāyena uppajjanato – yadā kulaputto micchādiṭṭhikassa kulassa kumārikaṃ pattheti. Te ca ‘aññadiṭṭhikā tumhe’ti kumārikaṃ na denti. Athaññe ñātakā ‘yaṃ tumhe karotha tamevāyaṃ karissatī’ti dāpenti. So tehi saddhiṃ titthiye upasaṅkamati. Āditova vematiko hoti. Gacchante gacchante kāle etesaṃ kiriyā manāpāti laddhiṃ roceti, diṭṭhiṃ gaṇhāti – evarūpe kāle idaṃ labbhatīti veditabbaṃ.
язваабанагзсу банзд̇т̇а т̇инамид̣̇д̇хам̣ ад̇хигам̣. д̇ад̇т̇а т̇инанад̇аа ‘т̇инам̣’. мид̣̇д̇ханад̇аа ‘мид̣̇д̇хам̣’; ануссаахасам̣хананад̇аа асад̇д̇ивигхаад̇о жаад̇и ад̇т̇о. т̇инан̃жа мид̣̇д̇хан̃жа т̇инамид̣̇д̇хам̣. д̇ад̇т̇а т̇инам̣ ануссаахалагкан̣ам̣, вийрияавинод̣̇анарасам̣, сам̣сийд̣̇анабажжубадтаанам̣. мид̣̇д̇хам̣ агамман̃н̃ад̇аалагкан̣ам̣, онаханарасам̣, лийнабхаавабажжубадтаанам̣ бажалааяигаанид̣̇д̣̇аабажжубадтаанам̣ ваа. убхаяамби арад̇ид̇анд̣̇ийвиж̇амбхид̇аад̣̇ийсу аяонисоманасигаарабад̣̇адтаананд̇и.
Yevāpanakesu panettha thinamiddhaṃ adhikaṃ. Tattha thinanatā ‘thinaṃ’. Middhanatā ‘middhaṃ’; anussāhasaṃhananatā asattivighāto cāti attho. Thinañca middhañca thinamiddhaṃ. Tattha thinaṃ anussāhalakkhaṇaṃ, vīriyavinodanarasaṃ, saṃsīdanapaccupaṭṭhānaṃ. Middhaṃ akammaññatālakkhaṇaṃ, onahanarasaṃ, līnabhāvapaccupaṭṭhānaṃ pacalāyikāniddāpaccupaṭṭhānaṃ vā. Ubhayampi aratitandīvijambhitādīsu ayonisomanasikārapadaṭṭhānanti.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / д̇хаммасан̇г̇ан̣ийбаал̣и • Dhammasaṅgaṇīpāḷi / д̣̇ваад̣̇аса агусалаани • Dvādasa akusalāni
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-мууладийгаа • Dhammasaṅgaṇī-mūlaṭīkā / д̣̇уд̇ияажид̇д̇аван̣н̣анаа • Dutiyacittavaṇṇanā
