| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
5. து³தியதா³ருக்க²ந்தோ⁴பமஸுத்தங்
5. Dutiyadārukkhandhopamasuttaṃ
242. ஏகங் ஸமயங் ப⁴க³வா கிமிலாயங் 1 விஹரதி க³ங்கா³ய நதி³யா தீரே. அத்³த³ஸா கோ² ப⁴க³வா மஹந்தங் தா³ருக்க²ந்த⁴ங் க³ங்கா³ய நதி³யா ஸோதேன வுய்ஹமானங். தி³ஸ்வான பி⁴க்கூ² ஆமந்தேஸி – ‘‘பஸ்ஸத² நோ தும்ஹே, பி⁴க்க²வே, அமுங் மஹந்தங் தா³ருக்க²ந்த⁴ங் க³ங்கா³ய நதி³யா ஸோதேன வுய்ஹமான’’ந்தி? ‘‘ஏவங் ப⁴ந்தே’’…பே॰… ஏவங் வுத்தே, ஆயஸ்மா கிமிலோ ப⁴க³வந்தங் ஏதத³வோச – கிங் நு கோ², ப⁴ந்தே, ஓரிமங் தீரங்…பே॰… கதமோ ச, கிமில, அந்தோபூதிபா⁴வோ. இத⁴, கிமில, பி⁴க்கு² அஞ்ஞதரங் ஸங்கிலிட்ட²ங் ஆபத்திங் ஆபன்னோ ஹோதி யதா²ரூபாய ஆபத்தியா ந வுட்டா²னங் பஞ்ஞாயதி. அயங் வுச்சதி, கிமில, அந்தோபூதிபா⁴வோதி. பஞ்சமங்.
242. Ekaṃ samayaṃ bhagavā kimilāyaṃ 2 viharati gaṅgāya nadiyā tīre. Addasā kho bhagavā mahantaṃ dārukkhandhaṃ gaṅgāya nadiyā sotena vuyhamānaṃ. Disvāna bhikkhū āmantesi – ‘‘passatha no tumhe, bhikkhave, amuṃ mahantaṃ dārukkhandhaṃ gaṅgāya nadiyā sotena vuyhamāna’’nti? ‘‘Evaṃ bhante’’…pe… evaṃ vutte, āyasmā kimilo bhagavantaṃ etadavoca – kiṃ nu kho, bhante, orimaṃ tīraṃ…pe… katamo ca, kimila, antopūtibhāvo. Idha, kimila, bhikkhu aññataraṃ saṃkiliṭṭhaṃ āpattiṃ āpanno hoti yathārūpāya āpattiyā na vuṭṭhānaṃ paññāyati. Ayaṃ vuccati, kimila, antopūtibhāvoti. Pañcamaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 5. து³தியதா³ருக்க²ந்தோ⁴பமஸுத்தவண்ணனா • 5. Dutiyadārukkhandhopamasuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 5. து³தியதா³ருக்க²ந்தோ⁴பமஸுத்தவண்ணனா • 5. Dutiyadārukkhandhopamasuttavaṇṇanā
