| Library / Tipiṭaka / ติปิฎก • Tipiṭaka / สํยุตฺตนิกาย • Saṃyuttanikāya |
๕. ทุติยทารุกฺขโนฺธปมสุตฺตํ
5. Dutiyadārukkhandhopamasuttaṃ
๒๔๒. เอกํ สมยํ ภควา กิมิลายํ 1 วิหรติ คงฺคาย นทิยา ตีเรฯ อทฺทสา โข ภควา มหนฺตํ ทารุกฺขนฺธํ คงฺคาย นทิยา โสเตน วุยฺหมานํฯ ทิสฺวาน ภิกฺขู อามเนฺตสิ – ‘‘ปสฺสถ โน ตุเมฺห, ภิกฺขเว, อมุํ มหนฺตํ ทารุกฺขนฺธํ คงฺคาย นทิยา โสเตน วุยฺหมาน’’นฺติ? ‘‘เอวํ ภเนฺต’’…เป.… เอวํ วุเตฺต, อายสฺมา กิมิโล ภควนฺตํ เอตทโวจ – กิํ นุ โข, ภเนฺต, โอริมํ ตีรํ…เป.… กตโม จ, กิมิล, อโนฺตปูติภาโวฯ อิธ, กิมิล, ภิกฺขุ อญฺญตรํ สํกิลิฎฺฐํ อาปตฺติํ อาปโนฺน โหติ ยถารูปาย อาปตฺติยา น วุฎฺฐานํ ปญฺญายติฯ อยํ วุจฺจติ, กิมิล, อโนฺตปูติภาโวติฯ ปญฺจมํฯ
242. Ekaṃ samayaṃ bhagavā kimilāyaṃ 2 viharati gaṅgāya nadiyā tīre. Addasā kho bhagavā mahantaṃ dārukkhandhaṃ gaṅgāya nadiyā sotena vuyhamānaṃ. Disvāna bhikkhū āmantesi – ‘‘passatha no tumhe, bhikkhave, amuṃ mahantaṃ dārukkhandhaṃ gaṅgāya nadiyā sotena vuyhamāna’’nti? ‘‘Evaṃ bhante’’…pe… evaṃ vutte, āyasmā kimilo bhagavantaṃ etadavoca – kiṃ nu kho, bhante, orimaṃ tīraṃ…pe… katamo ca, kimila, antopūtibhāvo. Idha, kimila, bhikkhu aññataraṃ saṃkiliṭṭhaṃ āpattiṃ āpanno hoti yathārūpāya āpattiyā na vuṭṭhānaṃ paññāyati. Ayaṃ vuccati, kimila, antopūtibhāvoti. Pañcamaṃ.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๕. ทุติยทารุกฺขโนฺธปมสุตฺตวณฺณนา • 5. Dutiyadārukkhandhopamasuttavaṇṇanā
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā) / ๕. ทุติยทารุกฺขโนฺธปมสุตฺตวณฺณนา • 5. Dutiyadārukkhandhopamasuttavaṇṇanā
