| Library / Tipiṭaka / တိပိဋက • Tipiṭaka / သံယုတ္တနိကာယ • Saṃyuttanikāya |
၅. ဒုတိယဒာရုက္ခန္ဓောပမသုတ္တံ
5. Dutiyadārukkhandhopamasuttaṃ
၂၄၂. ဧကံ သမယံ ဘဂဝာ ကိမိလာယံ 1 ဝိဟရတိ ဂင္ဂာယ နဒိယာ တီရေ။ အဒ္ဒသာ ခော ဘဂဝာ မဟန္တံ ဒာရုက္ခန္ဓံ ဂင္ဂာယ နဒိယာ သောတေန ဝုယ္ဟမာနံ။ ဒိသ္ဝာန ဘိက္ခူ အာမန္တေသိ – ‘‘ပသ္သထ နော တုမ္ဟေ, ဘိက္ခဝေ, အမုံ မဟန္တံ ဒာရုက္ခန္ဓံ ဂင္ဂာယ နဒိယာ သောတေန ဝုယ္ဟမာန’’န္တိ? ‘‘ဧဝံ ဘန္တေ’’။ပေ.။ ဧဝံ ဝုတ္တေ, အာယသ္မာ ကိမိလော ဘဂဝန္တံ ဧတဒဝောစ – ကိံ နု ခော, ဘန္တေ, ဩရိမံ တီရံ။ပေ.။ ကတမော စ, ကိမိလ, အန္တောပူတိဘာဝော။ ဣဓ, ကိမိလ, ဘိက္ခု အညတရံ သံကိလိဋ္ဌံ အာပတ္တိံ အာပန္နော ဟောတိ ယထာရူပာယ အာပတ္တိယာ န ဝုဋ္ဌာနံ ပညာယတိ။ အယံ ဝုစ္စတိ, ကိမိလ, အန္တောပူတိဘာဝောတိ။ ပဉ္စမံ။
242. Ekaṃ samayaṃ bhagavā kimilāyaṃ 2 viharati gaṅgāya nadiyā tīre. Addasā kho bhagavā mahantaṃ dārukkhandhaṃ gaṅgāya nadiyā sotena vuyhamānaṃ. Disvāna bhikkhū āmantesi – ‘‘passatha no tumhe, bhikkhave, amuṃ mahantaṃ dārukkhandhaṃ gaṅgāya nadiyā sotena vuyhamāna’’nti? ‘‘Evaṃ bhante’’…pe… evaṃ vutte, āyasmā kimilo bhagavantaṃ etadavoca – kiṃ nu kho, bhante, orimaṃ tīraṃ…pe… katamo ca, kimila, antopūtibhāvo. Idha, kimila, bhikkhu aññataraṃ saṃkiliṭṭhaṃ āpattiṃ āpanno hoti yathārūpāya āpattiyā na vuṭṭhānaṃ paññāyati. Ayaṃ vuccati, kimila, antopūtibhāvoti. Pañcamaṃ.
Footnotes:
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၅. ဒုတိယဒာရုက္ခန္ဓောပမသုတ္တဝဏ္ဏနာ • 5. Dutiyadārukkhandhopamasuttavaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၅. ဒုတိယဒာရုက္ခန္ဓောပမသုတ္တဝဏ္ဏနာ • 5. Dutiyadārukkhandhopamasuttavaṇṇanā
